ꓔꓲꓺ ꓒ ꓪ ꓔꓲ Francis ꓠ ꓢꓲ ꓡꓲ ꓟꓶ ꓠ, ꓟ ꓢꓴꓓꓮꓠ ꓙꓵꓽ ꓪ ꓙꓳ ꓢꓴ ꓐꓴ ꓔꓯ ꓐꓯ ꓟ

#creditphoto #Pope Francis: Let us not get used to conflict and violence

Monday, May 22, 2023

ꓔꓲꓺ ꓒ ꓪ ꓔꓲ Francis ꓠꓬ ꓢꓲ ꓡꓲ ꓟꓶ ꓠ, ꓟ ꓢꓴꓓꓮꓠ ꓙꓵꓽ ꓪ ꓙꓳ ꓢꓴ ꓐꓴ ꓔꓯ ꓐꓯ ꓟ

5 ꓦ ꓟ 21 ꓠꓬꓲ 2023 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Francis ꓠꓬ ꓢꓳꓓꓮꓠ ꓗꓴꓷꓼ ꓙꓵꓽ ꓪ ꓙꓳ ꓢꓴ ꓐꓴ ꓔꓯ ꓢꓲ ꓡꓲ ꓟ ꓟꓶ ꓠ, ꓟ ꓢꓯꓼ ꓕꓵꓽ ꓠ, ꓟ ꓐꓯ ꓗꓷꓳ꓿ ꓔꓲꓺ ꓒ ꓪ ꓔꓲ ꓠꓬ ꓗꓴꓷꓼ ꓘꓴꓽ ꓗꓪ ꓕꓲ ꓣꓳ ꓛꓳꓽ ꓕꓲ ꓣꓳ ꓢꓰꓼ ꓡꓯ ꓘꓳ, ꓟ ꓠꓬ ꓟꓽ ꓙꓲꓻ ꓟ ꓟꓬꓱꓽ ꓥ ꓡꓳ꓿

ꓥꓳꓽ ꓡꓰ ꓟ ꓚꓱ, ꓔꓯ ꓖꓽ ꓖꓶ ꓡꓯꓽ ꓘꓳ ꓢꓲ ꓠꓬꓲ ꓢꓰꓼ ꓡꓯ ꓘꓳ, ꓟ ꓔꓯ ꓠꓽ ꓡꓰ ꓠ, ꓟ ꓐꓯ ꓗꓷꓳ꓿ ꓔꓲꓺ ꓒ ꓪ ꓔꓲ ꓠꓬ ꓢꓴꓓꓮꓠ ꓗꓴꓷꓼ ꓘꓴꓽ ꓗꓪ ꓟꓯꓼ ꓢꓰꓼ ꓡꓯ ꓘꓳ ꓟ ꓕꓲ ꓑ, ꓤ ꓠꓽ ꓡꓰ ꓥ ꓟꓲ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓢꓰꓼ ꓡꓯ ꓘꓳ ꓔꓬ ꓟ ꓪꓴ. ꓠꓬꓲ ꓠꓲ, ꓟ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓔꓲꓺ ꓒ ꓪ ꓔꓲ ꓡꓰ ꓣꓳ ꓠꓬ ꓟꓯꓼ ꓢꓰꓼ ꓡꓯ ꓘꓳ ꓓꓴ ꓔꓯ ꓠꓽ ꓗꓷ ꓡꓯ꓾ ꓡ ꓞꓳ ꓢꓰꓼ ꓡꓯ ꓘꓳ ꓓꓴ ꓔꓯ ꓠꓽ ꓗꓷ ꓡꓯ꓾ ꓐꓰ ꓔꓲꓺ ꓒ ꓪ ꓔꓲ ꓡꓰ ꓓꓰꓽ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓴꓗꓣꓮꓲꓠꓰ ꓗꓴꓷꓼ ꓟꓯꓼ ꓢꓰꓼ ꓡꓯ ꓘꓳ ꓟ ꓪꓴ. ꓠꓬꓲ ꓫ. ꓔꓬ ꓟ ꓑ ꓫꓬ ꓐꓴ ꓔꓯ ꓐꓱ ꓶ ꓥ ꓟꓲ ꓫ. ꓕꓱ ꓗꓷ ꓟ ꓥ ꓡꓳ꓿

ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓢꓲꓺ ꓒ ꓬꓰ‐ꓢꓴ ꓟꓴꓽ ꓗꓪ ꓗꓪ ꓓꓯꓻ ꓙꓰ ꓟ ꓑꓮꓲꓽ ꓦꓬꓼ ꓠꓬꓲ ꓗꓪ ꓣꓳ ꓕꓲ ꓣꓳ ꓛꓳꓽ ꓕꓲ ꓣꓳ ꓠꓲ, ꓟ ꓗꓪ ꓐꓰ ꓙ ꓡꓯ ꓘꓳˍ ꓟ ꓠꓬ ꓟꓲ ꓠꓯ ꓢꓰꓼ ꓡꓯꓽ ꓘꓳ ꓓꓴ ꓔꓯ ꓠꓽ ꓗꓷ ꓝꓲ ꓐ ꓡˍ ꓡꓳ ꓐꓰ ꓐꓯ ꓗꓷ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓠꓬ ꓲ‐ꓔ‐ꓡꓲ ꓗꓴꓷꓼ ꓗꓪ ꓬꓲꓻ ꓙꓬ ꓙꓵꓽ ꓡ ꓢꓲ ꓠꓬꓲ ꓫ. ꓔꓬ ꓢꓴ ꓑ ꓫꓬ ꓐꓴ ꓐꓱ ꓶ ꓥ ꓟꓲ ꓠꓲ, ꓟ ꓫ. ꓔꓬ ꓟ ꓐꓰ ꓪꓽ ꓘꓴ ꓙ ꓖꓶ ꓔꓬ ꓟ ꓓꓳꓽ ꓔꓯ ꓐꓯ ꓗꓷꓳ ꓐꓰ ( Vatican ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿