ꓔꓲꓺ ꓒ ꓪ ꓔꓲ Francis ꓡꓰ Korea ꓗꓴꓷꓼ ꓗꓪ ꓔꓬ ꓟ ꓗ‐ꓔꓳ‐ꓡꓲ ꓢꓲꓺ ꓤ ꓐꓴ ꓙꓵꓻ ꓠꓲ, ꓠꓬ ꓙꓰꓻ ꓔꓬ ꓟ (ꓐꓬ ꓔꓬ ꓟ ) ꓮ. ꓔꓳ. ꓡꓰ ꓐꓰ ꓔ ꓡꓳ ꓐꓰ ꓐꓯ ꓟ ꓓꓳꓽ

ꓔꓲꓺ ꓒ ꓪ ꓔꓲ Francis ꓡꓰ Korea ꓗꓴꓷꓼ ꓗꓪ ꓔꓬ ꓟ ꓗ‐ꓔꓳ‐ꓡꓲ ꓢꓲꓺ ꓤ ꓐꓴ ꓙꓵꓻ ꓠꓲ, ꓠꓬ ꓙꓰꓻ ꓔꓬ ꓟ (ꓐꓬ ꓔꓬ ꓟ ) ꓮ. ꓔꓳ. ꓡꓰ ꓐꓰ ꓔ ꓡꓳ ꓐꓰ ꓐꓯ ꓟ ꓓꓳꓽ

9 ꓦ ꓟ 16 ꓠꓬꓲ 2023 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Francis ꓠꓬ ꓝꓲ ꓓꓴ ꓒꓲ‐ꓕꓱ ꓪꓽ ꓘꓴ ꓦꓲꓻ ꓗꓪ ꓪꓽ ꓘꓴ ꓙꓵ, ꓕꓯ Korea ꓗꓴꓷꓼ ꓗꓪ ꓐꓰ ꓛꓳꓽ ꓡ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓜꓲꓼ ꓢꓲ ꓠꓬꓲ Korea ꓗꓴꓷꓼ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺꓤ ꓐꓴ ꓙꓵꓻ ꓠꓲ, ꓔꓯ ꓙꓰꓻ ꓔꓬ ꓟ (ꓐꓬ ꓔꓬ ꓟ ) ꓮ. ꓔꓳ. ꓡꓰ ꓫꓱ. ꓡꓯ ꓘꓳ, ꓡꓳ꓾ ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ ꓗꓷ ꓟ ꓥ ꓡꓳ꓿

ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓗꓳꓣꓰꓮ ꓗꓴꓷꓼ ꓗꓪ ꓐꓰ ꓬꓲ. ꓪꓴ. ꓓꓽ ꓪꓴ. ꓢꓲꓽ ꓫꓬ ꓢꓴ ꓥ ꓟ St. Andrew Kim

Tae-Gon ꓐꓬꓱꓽ ꓔꓯ ꓥ ꓟꓲ ꓡꓯꓼ ꓫꓴ ꓖꓶ ꓗꓷ ꓟ ꓥ ꓡꓳ꓿ ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓢꓲꓽ ꓫꓬ ꓢꓴ Andrew  Kim ꓙꓵꓻ ꓠꓲ, ꓔꓯ. ꓢꓳꓻ ꓠ, ꓟ ꓢꓯꓼ ꓖꓶ ꓗꓷꓳ꓿ ꓢꓲꓽ ꓫꓬ ꓢꓴ Andrew Kim ꓗꓳꓣꓰꓮ ꓗꓴꓷꓼ ꓗꓪ ꓪꓴ‐ꓢ ꓦꓻ ꓡꓱˍ ꓟ ꓪꓴ. ꓠꓬꓲ ꓢꓰꓼ ꓟꓶ ꓡꓰ ꓢꓴ ꓥ ꓡꓳ꓿ ꓢꓲꓽ ꓫꓬ ꓢꓴ Andrew Kim ꓔꓯ 1820 ꓘꓳꓼ ꓕꓯ ꓦꓵꓻ ꓗꓷ ꓢꓲ ꓠꓬꓲ ꓬꓲ ꓞꓲꓼ 25 ꓘꓳꓼ ꓕꓯ ꓔꓲꓺ ꓒ ꓒꓬꓱꓼ ꓡ ꓟ ꓥ ꓡꓳ꓿

ꓖꓳ ꓡꓱ ꓥ ꓟꓲ ꓟꓽ ꓙꓲꓻ ꓢꓴ ꓐꓴ ꓡꓰ ꓙꓵꓻ ꓠꓲ, ꓚꓱ, ꓑꓶ. ꓓꓴ ꓢꓰꓼ ꓗꓷ ꓟ ꓥ ꓡꓳ꓿   ꓝꓮꓲ ꓔꓲꓺ ꓒ ꓪ  ꓔꓲ ꓡꓰ ꓗꓳꓣꓰꓮ ꓗꓴꓷꓼ ꓗꓪ ꓐꓰ ꓛꓳꓽ ꓡ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓜꓲꓼ ꓢꓲ ꓠꓬꓲ ꓢꓯꓼ ꓖꓶ ꓪ ꓖꓶ ꓘꓶꓽ ꓮ ꓟꓬ, ꓫ. ꓕꓱ ꓗꓷꓳ꓿ ꓡ ꓠ, ꓟ 2027 ꓘꓳꓼ ꓕꓯ ꓥ ꓟꓲ ꓗꓳꓣꓰꓮ ꓗꓴꓷꓼ ꓗꓪ ꓟꓵꓽ ꓗꓳ, ꓓꓵ ꓓꓵ ꓞꓳ ꓡꓯ. ꓐꓴ ꓑꓮꓲꓽ ꓔꓯ ꓬꓰ ꓓꓴ ꓥ ꓡꓳ ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ ꓡꓳ ꓐꓰ (Catholic News Agency                                                                                                                                                                                                                                                                                                                                                                                                                                                                                                                                                                                                  ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿

Add new comment

7 + 1 =