ꓔꓲꓺ ꓒ ꓪ ꓔꓲ Francis Iraq ꓗꓴꓷꓼ ꓗꓪ ꓚꓳꓺ ꓛꓲꓺ ꓡˍ ꓟ ꓐꓱ ꓶ Iraq ꓗꓴꓷꓼ ꓗꓪ ꓟ ꓗ-ꓔꓳ-ꓡꓲ ꓢꓲ ꓤ ꓐꓴ ꓡꓰ ꓪꓽ ꓘꓴ ꓪꓴꓸ ꓔꓴˍ ꓟ

ꓡ ꓠꓹ ꓟ 3 ꓦ ꓗꓪ ꓔꓲꓺ ꓒ ꓪ ꓔꓲ ꓬꓲ Iraq ꓗꓴꓷꓼ ꓗꓪ ꓚꓳꓺ ꓛꓲꓺ ꓡˍ ꓟ ꓐꓱ ꓶ꓾ 1 ꓦ (17) ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ Iraq ꓕꓲ ꓗꓴꓷꓼ ꓡꓱꓸꓼ ꓗꓪ ꓟ ꓗ-ꓔꓳ-ꓡꓲ ꓘꓴ ꓜꓲꓼ ꓞꓳ ꓢꓲꓺ ꓤ ꓐꓴ ꓡꓰ Chaldean Patriarch Louis Raphael Sako ꓡꓰ ꓫꓬꓹ ꓐꓳ ꓔ ꓟ ꓪꓽ ꓘꓴ ꓓꓴ ꓔꓯ ꓣꓱꓽ ꓢꓲ ꓪꓽ ꓘꓴ ꓔꓲꓺ ꓖꓶ ꓓꓴ ꓥꓳ=

ꓮꓽ ꓟꓬꓹ ꓘꓳꓼ ꓛꓲꓺ ꓙꓲ-ꓢꓴ ꓢꓲ ꓤ ꓐꓴ ꓔꓯ ꓠꓬꓲꓸ ꓤꓲˍ ꓟ ꓟꓵꓽ ꓗꓪ ꓔꓲꓺ ꓒ ꓪ ꓔꓲ ꓡꓰ ꓚꓳꓺ ꓛꓲꓺ ꓡˍ ꓟ ꓠꓬ꓾ ꓢꓲꓺ ꓡꓲˍ ꓟ ꓢꓲꓹ ꓪꓰꓻ ꓪꓰꓻ ꓡˍ ꓟ ꓔꓯ Iraq ꓗꓴꓷꓼ ꓗꓪ ꓐꓰ ꓥꓳ ꓡꓳꓸˍ ꓟ ꓐꓰ꓾

ꓔꓲꓺ ꓒ ꓪ ꓔꓲ ꓬꓲ 2021 ꓘꓳꓼ 3 ꓦ 5 ꓠꓬꓲ ꓗꓪ ꓐꓰ 8 ꓠꓬꓲ ꓗꓪ ꓛꓲꓺ Iraq ꓗꓪ ꓚꓳꓺ ꓙꓰˍ ꓟ ꓔꓯ꓾ 2020 ꓘꓳꓼ 12 ꓦ 7 ꓠꓬꓲ ꓕꓯ꓾ Vatican ꓗꓪ ꓐꓰ ꓢꓷꓸ ꓙ ꓟꓳ ꓙ ꓢꓲ ꓐꓯ ꓑꓶ ꓗꓷ ꓟ ꓥꓳ=

Iraq ꓗꓴꓷꓼ ꓗꓪ ꓟ ꓔꓲꓺ ꓒ ꓓꓽ Cardinal Sako ꓠꓬ꓾ ꓔꓲꓺ ꓒ ꓪ ꓔꓲ ꓖꓳ ꓡꓱ ꓐꓰ ꓚꓳꓺ ꓛꓲꓺ ꓡˍ ꓟ ꓐꓱ ꓶ ꓪꓽ ꓘꓴ ꓓꓴ ꓔꓯ 1 ꓦ ꓟ (17) ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ ꓠꓽ ꓦꓬꓼ ꓠꓬꓲ ꓟꓲ-ꓢ ꓪꓽ ꓘꓴ ꓠꓽ ꓗꓷˍ ꓕꓯ ꓪꓽ ꓘꓴ ꓠꓹ ꓟ꓾ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓔꓯ ꓐꓯ ꓑꓶ ꓔ ꓟ ꓔꓯ꓾ Vatican ꓓꓳꓽ ꓗꓪ ꓐꓰ ꓢꓷꓸ ꓪˍ ꓡꓳ=

Photo courtesy of: AFP or licensors

http://bit.ly/3ilVaLt