ꓔꓲ ꓒ ꓪ ꓔꓲ Francis ꓠꓬ (38) ꓧꓪꓹ ꓟ ꓟꓵꓽ ꓗꓳꓹ ꓓꓵ ꓓꓵ ꓞꓳ ꓡꓱ ꓐꓴ ꓦꓬꓼ ꓠꓬꓲ ꓐꓱ ꓶ ꓡ ꓠꓹ ꓟ 8 ꓦ ꓕꓯ ꓑꓳ-ꓔꓴ-ꓖꓲ ꓗꓴꓷꓼ ꓗꓪ ꓙꓰ ꓓꓴ ꓥꓳ꓾

ꓔꓲ ꓒ ꓪ ꓔꓲ Francis ꓠꓬ (38) ꓧꓪꓹ ꓟ ꓟꓵꓽ ꓗꓳꓹ ꓓꓵ ꓓꓵ ꓞꓳ ꓡꓱ ꓐꓴ ꓦꓬꓼ ꓠꓬꓲ ꓐꓱ ꓶ ꓡ ꓠꓹ ꓟ 8 ꓦ ꓕꓯ ꓑꓳ-ꓔꓴ-ꓖꓲ ꓗꓴꓷꓼ ꓗꓪ ꓙꓰ ꓠꓹ ꓟ ꓬꓰ ꓔꓬ ꓡꓳ꓾ ꓐꓰ 2023 ꓘꓳꓼ꓾ 5 ꓦ 22 ꓠꓬꓲ ꓕꓯ Vatican ꓐꓰ ꓑꓳ-ꓔꓴ-ꓖꓲ ꓗꓴꓷꓼ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓢꓷꓸ ꓙ ꓟꓳ ꓙ ꓗꓷ ꓟ ꓔꓯ ꓓꓳꓽ ꓐꓯ ꓑꓶ ꓔ ꓡꓳ=

ꓟꓵꓽ ꓗꓳꓹ ꓓꓵ ꓓꓵ ꓞꓳ ꓡꓱ ꓐꓴ ꓦꓬꓼ ꓠꓬꓲ ꓠꓬ 8 ꓦ 2-6 ꓠꓬꓲ ꓗꓪ ꓛꓲ ꓬꓰ ꓓꓴ ꓥ ꓡꓳ= ꓖꓳ ꓡꓱ ꓙꓰˍ ꓟ ꓘꓴꓽ ꓗꓪ 8 ꓦ 5 ꓠꓬꓲ ꓕꓯ ꓔꓲ ꓒ ꓪ ꓔꓲꓸ ꓠꓬ ꓩ-ꓔꓲ-ꓟ ꓟꓹ ꓟ ꓔꓬ ꓗꓪˍ ꓟꓲ ꓙꓰ ꓓꓴ ꓥꓳ꓾ ꓐꓰ ꓢꓷꓸ ꓪ ꓡꓳ=

ꓑꓳ-ꓔꓴ-ꓖꓲ ꓗ-ꓔꓳ-ꓡꓲꓗ ꓔꓲꓺ ꓒ ꓓꓽ ꓜꓴꓻ ꓐꓴ ꓗꓪ ꓐꓰ ꓐꓯ ꓑꓶ ꓔ ꓟ ꓣꓮꓓꓲꓳ ꓓꓳꓽ ꓗꓪ꓾ ꓔꓲꓺ ꓒ ꓪ ꓔꓲ ꓠꓬ ꓑꓳ-ꓔꓴ-ꓖꓲ ꓗꓴꓷꓼ ꓗꓪ 5 ꓠꓬꓲ ꓔꓬ ꓓꓴ ꓥ ꓢꓲ꓾ ꓖꓳ ꓗꓪ ꓟ ꓶꓻ ꓡꓯꓼ ꓚꓱꓹ ꓐꓰ ꓡꓲꓽ ꓒꓰꓼ ꓚꓱꓹ ꓐꓰ ꓗꓴꓸ ꓙꓲꓽ ꓙꓳˍ ꓟ ꓚꓱꓹ ꓔꓯ ꓢꓳ ꓣꓴ ꓬꓰ ꓓꓴ ꓥꓳ꓾ ꓐꓰ ꓐꓯ ꓡꓳ=

ꓔꓲ ꓒ ꓪ ꓔꓲ ꓠꓬ 8 ꓦ 6 ꓠꓬꓲ ꓟꓶꓽ ꓘꓶꓼ ꓕꓯ ꓟꓵꓽ ꓗꓳꓹ ꓓꓵ ꓓꓵ ꓞꓳ ꓡꓱ ꓐꓴ ꓑꓮꓲꓽ ꓡꓳꓹ ꓬꓰˍ ꓟ ꓫꓸ ꓟꓳˍ ꓟ ꓟꓲ-ꓢ ꓔꓯ ꓟꓲ ꓠꓯ ꓗꓴꓷꓼ ꓗꓪ ꓐꓰ ꓡˍ ꓟ ꓞꓳ ꓡꓱ ꓐꓴ ꓐꓰ ꓔꓲꓺ ꓖꓶ ꓓꓴ ꓥꓳ= ꓕꓱ ꓞꓳ ꓡꓱ ꓑꓮꓲꓽ ꓔꓯ ꓠꓬ ꓑꓳ-ꓔꓴ-ꓖꓲ ꓗꓴꓷꓼ꓾ ꓡꓲꓢꓐꓳꓠ ꓡꓳ ꓒꓱ ꓗꓪ ꓬꓰ ꓓꓴ ꓥꓳ꓾ ꓐꓰ ꓢꓷꓸ ꓪ ꓡꓳ=

ꓟꓵꓽ ꓗꓳꓹ ꓓꓵ ꓓꓵ ꓞꓳ ꓡꓱ ꓑꓮꓲꓽ ꓔꓯ ꓙꓲꓻ ꓫꓬ ꓢꓴ ꓔꓲꓺ ꓒ ꓪ ꓔꓲ ꓙꓳꓧꓠ ꓑꓮꓴꓡ (2) ꓡꓰ 1989 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲ ꓬꓰ ꓩꓴ ꓡ ꓟ ꓥ ꓢꓲ ꓠꓬꓲ꓾ ꓮ ꓟꓶ ꓕꓲ ꓧꓪꓹ ꓗꓪ ꓠꓬ (38) ꓧꓪꓹ ꓙꓳ ꓗꓷꓳ= ꓟꓵꓽ ꓗꓳꓹ ꓓꓵ ꓓꓵ ꓗꓪ ꓟ ꓞꓳ ꓡꓱ ꓮ ꓟꓬꓹ ꓜꓲ ꓡꓯ ꓘꓳ ꓓꓴ ꓥꓳ꓾ ꓐꓰ ꓢꓷꓸ ꓪ ꓡꓳ=