ꓕꓮꓲ, ꓗꓴꓷꓼ ꓗꓪ ꓟꓬ‐ꓟ ꓟꓬꓱꓽ ꓬꓰ ꓢꓴ ꓜꓶꓽ ꓔꓬ ꓟ ꓟꓳ‐ꓓꓳ ꓠꓬ ꓠꓱ. ꓐꓯ ꓟꓳ‐ꓓꓳ ꓐꓰ ꓙꓵꓽ ꓡꓯ ꓘꓳ ꓗꓷ ꓢꓲ ꓠꓬꓲ ꓟꓬ‐ꓟ ꓟꓬꓱꓽ ꓬꓰ ꓢꓴ ꓠꓻ ꓓꓴ ꓡꓰ ꓟ ꓓꓳꓽ

ꓕꓮꓲ, ꓗꓴꓷꓼ ꓗꓪ ꓟꓬ‐ꓟ ꓟꓬꓱꓽ ꓬꓰ ꓢꓴ ꓜꓶꓽ ꓔꓬ ꓟ ꓟꓳ‐ꓓꓳ ꓠꓬ ꓠꓱ. ꓐꓯ ꓟꓳ‐ꓓꓳ ꓐꓰ ꓙꓵꓽ ꓡꓯ ꓘꓳ ꓗꓷ ꓢꓲ ꓠꓬꓲ ꓟꓬ‐ꓟ ꓟꓬꓱꓽ ꓬꓰ ꓢꓴ ꓠꓻ ꓓꓴ ꓡꓰ ꓟ ꓓꓳꓽ

ꓕꓯꓲ, ꓗꓴꓷꓼ ꓒꓴ‐ꓘꓯꓸꓼ ꓡꓳ ꓒꓱ ꓗꓪ 12 ꓦ ꓟ 13 ꓠꓬꓲ 2022 ꓘꓳꓼ ꓠꓽ ꓠꓬꓲꓽ ꓠꓬꓲ ꓕꓯ ꓟꓬ‐ꓟ ꓟꓬꓱꓽ ꓬꓰ ꓢꓴ 14 ꓣꓳ ꓜꓶꓽ ꓔꓬ ꓟ ꓟꓳ‐ꓓꓳ ꓠꓬ ꓠꓱ. ꓐꓯ ꓟꓳ‐ꓓꓳ ꓐꓰ ꓙꓵꓽ ꓡꓯ ꓘꓳ ꓗꓷ ꓢꓲ ꓠꓬꓲ ꓟꓬ‐ꓟ ꓟꓬꓱꓽ ꓬꓰ ꓢꓴ ꓐꓴ ꓠꓻ ꓓꓴ ꓡꓰꓳ ꓐꓰ ꓢꓷ. ꓪ ꓡꓳ꓿

ꓕꓱ ꓟꓬ‐ꓟ ꓟꓬꓱꓽ ꓬꓰ ꓢꓴ ꓐꓴ ꓜꓶꓽ ꓡ ꓟ ꓟꓳ‐ꓓꓳ ꓠꓬ ꓙ ꓖꓴ ꓒ ꓕꓲ ꓗꓪ ꓙꓳˍ ꓟ ꓢꓲ, ꓜꓲ ꓔꓯ ꓙꓵꓽ ꓗꓷ ꓟ ꓥ ꓡꓳ꓿ ꓟꓳ‐ꓓꓳ ꓘꓴꓽ ꓗꓪ ꓟꓬ‐ꓟ ꓟꓬꓱꓽ ꓬꓰ ꓢꓴ ꓐꓴ ꓮ ꓟꓬ, ꓠꓬ ꓠꓻ ꓓꓴ ꓡꓰ ꓢꓲ ꓠꓬꓲ ꓠꓯꓻ ꓞꓲꓼ ꓦꓲꓻ ꓗꓪ ꓠꓻ ꓫꓬ, ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓬꓰ ꓙ ꓢꓴ ꓜꓴꓻ ꓡꓰ ꓠꓻ ꓓꓴ ꓡꓰ ꓢꓴ ꓐꓴ ꓔꓯ ꓠꓯꓻ ꓞꓲꓼ ꓦꓲꓻ ꓗꓪ ꓧꓳꓽ ꓖꓶ ꓗꓷꓳ ꓐꓰ ꓐꓯ ꓔ ꓡꓳ꓿

ꓟꓳ‐ꓓꓳ ꓠꓬ ꓐꓬ ꓡꓰ ꓥ ꓟꓲ ꓟꓬ‐ꓟ ꓟꓬꓱꓽ ꓬꓰ ꓢꓴ ꓐꓴ ꓠꓬ ꓫꓵꓻ ꓡꓰ ꓢꓴ ꓟꓽ ꓙꓳ ꓐꓰ ꓢꓷ. ꓪ ꓡꓳ꓿ ꓕꓱ ꓟꓬ‐ꓟ ꓟꓬꓱꓽ ꓬꓰ ꓢꓴ ꓐꓴ ꓠꓬ ꓒꓴ‐ꓘꓯꓸꓼ ꓗꓪ ꓔꓬ ꓢꓴ ꓐꓴ ꓥ ꓡꓳ ꓐꓰ ꓢꓷ. ꓪ ꓡꓳ꓿