ꓕꓮꓲ ꓗꓴꓷꓼ ꓘꓴꓽ ꓗꓪ ꓫꓬ, ꓦ ꓟ ꓗ‐ꓕꓳ‐ꓡꓲꓗ ꓪꓽ ꓘꓴ ꓦꓲꓻ (9) ꓦꓲꓻ ꓔꓯ ꓕꓮꓲ ꓗꓴꓷꓼ ꓙꓵꓽ ꓪ ꓙꓳ ꓐꓴ ꓡꓰ ꓬꓰ ꓙ ꓒꓴ ꓖꓶ ꓟ ꓓꓳꓽ

ꓕꓮꓲ ꓗꓴꓷꓼ ꓘꓴꓽ ꓗꓪ ꓫꓬ, ꓦ ꓟ ꓗ‐ꓕꓳ‐ꓡꓲꓗ ꓪꓽ ꓘꓴ ꓦꓲꓻ (9) ꓦꓲꓻ ꓔꓯ  ꓕꓮꓲ ꓗꓴꓷꓼ ꓙꓵꓽ ꓪ ꓙꓳ ꓐꓴ ꓡꓰ ꓬꓰ ꓙ  ꓒꓴ ꓖꓶ ꓟ ꓓꓳꓽ  

8 ꓦ 29 ꓠꓬꓲ 2022 ꓘꓳꓼ ꓕꓯ ꓕꓮꓲ ꓗꓴꓷꓼ ꓘꓴꓽ ꓗꓪ ꓫꓬ, ꓦ ꓟ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓪꓽ ꓘꓴ ꓦꓲꓻ (9) ꓦꓲꓻ ꓠꓬ ꓘꓴ ꓜꓲꓼ ꓞꓳ ꓔꓯ ꓡꓯ ꓙꓱ ꓗꓷ ꓐꓰ ꓢꓷ. ꓪ ꓡꓳ꓿ ꓕꓱ ꓪꓽ ꓘꓴ ꓦꓲꓻ (9) ꓦꓲꓻ ꓠꓬ ꓪꓽ ꓘꓴ ꓦꓲꓻ ꓐꓲ ꓫꓴ ꓠ, ꓟ ꓐꓰ ꓪꓽ ꓘꓴ ꓦꓲꓻ ꓡꓳ. ꓠ, ꓟ ꓐꓰ ꓪꓽ ꓘꓴ ꓦꓲꓻ ꓫꓬ, ꓐꓱ ꓕꓯ ꓕꓮꓲ ꓗꓴꓷꓼ ꓙꓵꓽ ꓪ ꓙꓳ ꓐꓴ ꓡꓰ ꓒꓴ ꓬꓰ ꓙ ꓓꓴ ꓥꓳ ꓐꓰ ꓐꓯ ꓔ ꓡꓳ꓿1929 ꓘꓳꓼ ꓕꓯ ꓕꓮꓲ ꓗꓴꓷꓼ ꓪ ꓔꓲ ꓡꓰ ꓗ‐ꓕꓳ‐ꓡꓲꓗ ꓪꓽ ꓘꓴ ꓦꓲꓻ (14) ꓦꓲꓻ ꓔꓯ ꓒꓴ ꓫꓵꓽ ꓬꓰ ꓗꓷꓳ꓿

ꓟꓲ. ꓟꓲ ꓗꓪ ꓛꓲ ꓕꓮꓲ ꓗꓴꓷꓼ ꓗ‐ꓕꓳ‐ꓡꓲꓗ ꓪꓽ ꓘꓴ ꓦꓲꓻ (57) ꓦꓲꓻ ꓔꓯ ꓙꓵꓽ ꓪ ꓙꓳ ꓐꓴ ꓡꓰ ꓬꓰ ꓙ ꓟ ꓥ ꓡꓳ ꓐꓰ ꓐꓯ ꓖꓶ ꓔ ꓡꓳ꓿ ꓕꓮꓲ ꓗꓴꓷꓼ ꓗꓪ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓕꓲ ꓠꓬꓲ ꓡꓰ ꓕꓲ  ꓠꓬꓲ ꓟꓬ ꓡ ꓟ ꓪꓴ. ꓠꓬꓲ ꓗꓴꓷꓼ ꓙꓵꓽ ꓪ ꓙꓳ ꓐꓴ ꓡꓰ ꓪꓽ ꓘꓴ ꓦꓲꓻ ꓓꓽ ꓟ ꓫꓬ, ꓠ, ꓟ ꓙꓵꓽ ꓪ ꓖꓶ ꓗꓷ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿