ꓕꓮꓲ-ꓪꓯ ꓗꓪ ꓝꓮꓲ ꓕꓲ ꓧꓪꓹ ꓟꓵꓽ ꓓꓵ ꓡ꓾ ꓟꓵꓽ ꓙꓴꓽ ꓚꓵꓹ ꓡ ꓟ ꓑꓶꓸ ꓓꓴ ꓦꓲꓻ ꓓꓽ ꓟ ꓡꓵ ꓡ ꓟ ꓓꓳꓽ

ꓕꓮꓲ-ꓪꓯI ꓔꓮꓲ-ꓑꓰ ꓡꓳ ꓒꓱ ꓗꓪ꓾ 4 ꓦ 8 ꓠꓬꓲ꓾ ꓠꓽ-ꓕꓲꓽ-ꓠꓬꓲ ꓕꓯ ꓝꓮꓲ ꓕꓲ ꓧꓪꓹ ꓟꓵꓽ ꓓꓵ ꓡ꓾ ꓟꓵꓽ ꓙꓴꓽ ꓚꓵꓹ ꓡ ꓟ ꓑꓶꓸ ꓓꓴ ꓦꓲꓻ ꓓꓽ ꓟ ꓡꓵ ꓡ ꓗꓷꓳ꓾ ꓐꓰ ꓣꓮꓲ-ꓔ ꓓꓳꓽ ꓗꓪ ꓐꓯ ꓔ ꓡꓳ=

ꓗꓳꓸ ꓗꓷ ꓟ ꓕꓲ ꓫꓵꓽ ꓠꓽ꓾ 4 ꓦ 3 ꓠꓬꓲ ꓕꓯ ꓕꓮꓲ-ꓪꓯ ꓬꓲꓻ ꓗꓳ ꓡꓳ ꓟꓵꓽ ꓐꓶꓻ ꓓꓳ ꓗꓪ ꓓꓵꓺ ꓗꓷ ꓚꓵꓹ ꓗꓷ ꓟ ꓬꓲ ꓢꓯꓼ 7ꓸ4 ꓙꓳˍ ꓟ ꓟꓵꓽ ꓙꓴꓽ ꓑꓶꓸ ꓓꓴ꓾ ꓗ ꓠꓯꓸ ꓕꓯ ꓥˍ ꓟꓲ ꓬꓲ ꓤ ꓤ ꓠꓬ ꓬꓲ ꓦꓬ ꓟꓽ ꓞꓲꓺ ꓓꓵ ꓗꓷ ꓚꓵꓹ ꓗꓷ ꓢꓲ ꓠꓬꓲ꓾ ꓡ ꓞꓳ 13 ꓣꓳ ꓟꓽ ꓞꓲꓺ ꓫꓵꓳ= ꓬꓲ ꓪꓴꓸ ꓕꓲ ꓧꓪꓹ ꓟꓵꓽ ꓓꓵ ꓗꓷ ꓟ ꓠꓬ ꓕꓮꓲ-ꓪꓯ ꓗꓪ 25 ꓘꓳꓼ ꓘꓴꓽ ꓠꓯꓸꓼ ꓗꓪ ꓬꓲ ꓢꓯꓼ ꓪꓽ ꓠꓬꓲ ꓓꓰ ꓡꓰ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=

4 ꓦ 3 ꓠꓬꓲ ꓟꓵꓽ ꓓꓵ ꓗꓷ ꓗ ꓠꓯꓸ꓾ 5 ꓠꓬꓲ ꓟꓶ ꓫꓵ ꓡꓰ ꓗꓪ ꓛꓲ ꓪ ꓚꓲ ꓟꓵꓽ ꓗꓪ ꓒꓲꓼ ꓬꓰ ꓟꓶꓽ ꓬꓰ ꓢꓴ 6 ꓣꓳ ꓔꓯ ꓬꓰ ꓙ ꓚꓬꓴꓸ ꓙ ꓢꓴ ꓐꓴ ꓡꓰ ꓢꓯꓼ ꓕꓵꓼ ꓢꓲ ꓧꓪ ꓔꓬ ꓡꓳ꓾ ꓐꓰ ꓢꓷꓸ ꓪ ꓡꓳ=