ꓕꓯꓲ, ꓗꓴꓷꓼ ꓗꓪ ꓟꓬ‐ꓟ ꓟꓬꓱꓽ ꓬꓰ ꓢꓴ (60) ꓟꓽ ꓞꓲ ꓟꓯꓼ ꓐꓴ ꓡꓰ ꓣꓴ ꓟꓶ ꓡꓰ ꓟ

ꓕꓯꓲ, ꓗꓴꓷꓼ ꓗꓪ ꓟꓬ‐ꓟ ꓟꓬꓱꓽ ꓬꓰ ꓢꓴ (60) ꓟꓽ ꓞꓲ ꓟꓯꓼ ꓐꓴ ꓡꓰ ꓣꓴ ꓟꓶ ꓡꓰ ꓟ

 4 ꓦ ꓟ 28 ꓠꓬꓲ 2023 ꓘꓳꓼ ꓕꓯ ꓕꓮꓲ, ꓗꓴꓷꓼ ꓗꓪ ꓟꓬꓱꓽ ꓬꓰ ꓔꓬ ꓟ ꓟꓬ‐ꓟ ꓟꓬꓱꓽ ꓬꓰ ꓢꓴ (60) ꓣꓳ ꓟꓽ ꓞꓲ ꓕꓯꓲ, ꓟꓯꓼ ꓐꓴ ꓡꓰ ꓣꓴ ꓟꓶ ꓡꓰꓳ ꓐꓰ ꓐꓯ ꓔ ꓡꓳ꓿

ꓟꓬ‐ꓟ ꓟꓬꓱꓽ ꓬꓰ ꓢꓴ ꓐꓴ ꓔꓬ ꓟ ꓕꓮꓲ, ꓗꓴꓷꓼ ꓐ‐ꓗꓳ ꓡꓳ ꓒꓱ ꓘꓴꓽ ꓗꓪ ꓗꓳ. ꓗꓷ ꓟ ꓠꓬꓲꓽ ꓠꓬꓲ ꓘꓴꓽ ꓗꓪ ꓟꓬ‐ꓟ ꓟꓬꓱꓽ ꓬꓰ ꓢꓴ ꓐꓴ ꓡꓰ ꓕꓯꓲ, ꓟꓯꓼ ꓐꓴ ꓡꓰ ꓮ ꓟꓬ, ꓣꓴ ꓟꓶ ꓡꓰꓳ ꓐꓰ ꓐꓯ ꓔ ꓡꓳ꓿

ꓟꓬ‐ꓟ ꓗꓴꓷꓼ ꓗꓪ ꓐꓰ ꓟꓬꓱꓽ ꓬꓰ ꓠ, ꓟ ꓕꓮꓲ, ꓗꓴꓷꓼ ꓗꓪ ꓙꓰ ꓟ ꓙꓻ ꓖꓴ ꓗꓪ ꓟꓬ‐ꓟ ꓡ ꓞꓳ ꓐꓴ ꓔꓯ ꓣꓴ ꓟꓶ ꓡꓰ ꓟ ꓟꓲ ꓙꓳ ꓡꓳ꓿

ꓟꓬ‐ꓟ ꓡ ꓞꓳ ꓐꓴ ꓠꓬ ꓬ‐ꓖꓳꓥ ꓡꓳ ꓒꓱ ꓐꓰ ꓠꓱ. ꓐꓯꓼ ꓡꓳ ꓒꓱ ꓮ ꓟꓬ, ꓗꓪ ꓐꓰ ꓕꓮꓲ, ꓗꓴꓷꓼ ꓗꓪ ꓟꓬꓱꓽ ꓬꓰ ꓠ, ꓟ ꓙꓰ ꓗꓷ ꓟ ꓥ ꓡꓳ꓿ ꓟꓬ‐ꓟ ꓗꓴꓷꓼ ꓗꓪ ꓟꓬꓱꓽ ꓮ ꓟꓬ, ꓟꓽ ꓙꓳ ꓟ ꓪꓴ. ꓠꓬꓲ ꓜ ꓓꓴ ꓓꓳꓻ ꓓꓴ ꓫ. ꓔꓬ ꓟ ꓪꓴ. ꓠꓬꓲ ꓠꓱ. ꓐꓯꓼ ꓗꓴꓷꓼ ꓗꓪ ꓙꓰ ꓟ ꓙꓻ ꓖꓴ ꓗꓪ ꓟꓯꓼ ꓐꓴ ꓡꓰ ꓣꓴ ꓟꓶ ꓡꓰ ꓟ ꓙꓳ ꓡꓳ ꓐꓰ ꓐꓯ ꓔ ꓡꓳ꓿ ꓕꓯꓲ, ꓗꓴꓷꓼ ꓗꓪ ꓟꓬ‐ꓟ ꓟꓬꓱꓽ ꓬꓰ ꓢꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓮ ꓟꓬ, ꓟꓬꓽ ꓡ ꓡꓳ ꓐꓰ ꓢꓷ. ꓪ ꓡꓳ꓿