ꓕꓲ ꓟꓲ ꓠꓯ ꓡꓱꓼ ꓗꓪ ꓢꓲ ꓡꓲ ꓟꓶ ꓠ, ꓟ ꓟꓯꓼ ꓟꓽ ꓢꓰꓼ ꓟꓽ ꓓꓶꓽ ꓡꓯ ꓘꓳ ꓠ, ꓟ ꓔꓲꓺ ꓒ ꓪ ꓔꓲ (Pope Francis ) ꓡꓰ ꓓꓰꓽ ꓗꓷ ꓟ ꓓꓳꓽ

ꓕꓲ ꓟꓲ ꓠꓯ ꓡꓱꓼ ꓗꓪ ꓢꓲ ꓡꓲ ꓟꓶ ꓠ, ꓟ ꓟꓯꓼ ꓟꓽ ꓢꓰꓼ ꓟꓽ ꓓꓶꓽ ꓡꓯ ꓘꓳ ꓠ, ꓟ ꓔꓲꓺ ꓒ ꓪ ꓔꓲ (Pope Francis ) ꓡꓰ ꓓꓰꓽ ꓗꓷ ꓟ ꓓꓳꓽ

8 ꓦ 29 ꓠꓬꓲ 2022 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Francis ꓠꓬ ꓕꓲ ꓟꓲ ꓠꓯ ꓡꓱ ꓗꓪ ꓢꓲ ꓡꓲ ꓟꓶ ꓠ, ꓟ ꓟꓯꓼ ꓟꓽ ꓢꓰꓼ ꓟꓽ ꓓꓶꓽ ꓡꓯ ꓘꓳ ꓠ, ꓟ ꓓꓰꓽ ꓗꓷꓳ ꓐꓰ ꓢꓷ. ꓪ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓣꓳ‐ꓟ ꓡꓳ ꓒꓱ  ꓝꓲ ꓓꓴ ꓒꓲ‐ꓕꓱ ꓪꓽ ꓘꓴ ꓦꓲꓻ ꓗꓪ ꓪꓽ ꓘꓴ ꓙꓵ, ꓓꓳꓻ ꓡꓰ ꓗꓷ ꓗ. ꓠꓯ. ꓬꓲ ꓡꓰ ꓫ. ꓕꓱ  ꓟ ꓠꓬ (Somalia) ꓗꓴꓷꓼ ꓔꓯ ꓬꓰ ꓙ ꓠ, ꓟ ꓐꓯ ꓗꓷꓳ꓿ ꓟꓵꓽ ꓘꓳꓼ ꓒꓳ, ꓟ ꓑꓶ. ꓓꓴ ꓑ ꓫꓬ ꓠꓬꓲꓽ ꓫꓬ, ꓣꓳ ꓟꓽ ꓛꓲ ꓗꓴꓷꓼ ꓘꓴꓽ ꓗꓪ ꓐꓰ ꓠꓱ. ꓐꓯꓼ ꓗꓴꓷꓼ ꓗꓪ ꓓꓳꓻ ꓙꓰꓳ꓿ Somalia ꓗꓴꓷꓼ ꓗꓪ ꓠꓬ ꓜ ꓓꓴ ꓓꓳꓻ ꓓꓴ ꓮ ꓘꓶ. ꓫ ꓟ ꓪꓴ. ꓠꓬ ꓑ ꓫꓬ ꓐꓴ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓮ ꓘꓶ. ꓔꓬ ꓫ ꓡꓳ꓿

ꓝꓮꓲ ꓗꓴꓷꓼ ꓘꓴꓽ ꓗꓪ (2) ꓘꓳꓼ ꓟꓶ ꓘꓳꓼ ꓒꓳ, ꓟ ꓑꓶ. ꓓꓴ ꓑ ꓫꓬ ꓥꓪ ꓫꓬ, ꓣꓳ ꓟꓽ ꓛꓲ ꓜꓽ ꓓꓴ ꓓꓳꓻ ꓓꓴ ꓫ. ꓡ ꓓꓴ ꓥꓳ ꓐꓰ ꓐꓯ ꓔ ꓡꓳ꓿ ꓗꓴꓷꓼ ꓘꓴꓽ ꓗꓪ ꓢꓰꓼ ꓡꓯꓼ ꓘꓳ ꓓꓴ ꓓꓶꓽ ꓡꓯꓼ ꓘꓳ ꓓꓴ ꓙꓳ ꓟ  ꓗꓴꓷꓼ ꓟꓲ ꓥ ꓡꓳ꓿ ꓝꓮꓲ ꓔꓲꓺ ꓒ ꓪ ꓔꓲ ꓠꓬ Ukraine ꓗꓴꓷꓼ ꓔꓯ ꓣ‐ꓫ ꓗꓴꓷꓼ ꓡꓰ ꓢꓰꓼ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓐꓱ ꓶ ꓮ ꓘꓶ. ꓠꓲ, ꓟ ꓫ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ Ukraine ꓗꓴꓷꓼ ꓙꓵꓽ ꓢꓲꓽ ꓒꓽ Volodymyr Zelenskyy ꓔꓯ Phone ꓗꓪ ꓐꓰ 3 ꓧꓪ, ꓫ. ꓕꓱ ꓢꓲ ꓠꓬꓲ ꓢꓯꓼ ꓖꓶ ꓘꓶꓽ ꓮ ꓟꓬ, ꓥ ꓟꓲ ꓫ. ꓕꓱ ꓗꓷꓳ ꓐꓰ ꓢꓷ. ꓪ ꓡꓳ=