ꓖꓴ ꓟꓶꓸ ꓗꓳ-ꓣꓰ-ꓬ ꓗꓪ ꓙꓲ-ꓢꓴ ꓢꓲ ꓤ ꓔꓯ ꓘꓶ ꓙꓵꓹ ꓔꓬꓹ ꓟ ꓓꓳꓽ

“ꓬꓲꓸ ꓪ ꓠꓬ ꓚꓚꓔꓦ ꓔꓯ ꓘꓴꓽ ꓑꓬꓺ ꓢꓲ꓾ ꓪꓽ ꓘꓴꓽ ꓘꓴˍ ꓡꓳ= ꓟꓯꓼ ꓜꓴ ꓐꓰ ꓟꓽ ꓟꓳ ꓠꓬ ꓮ ꓫꓵꓽ ꓟ ꓞ꓾ ꓟꓳ ꓡꓰ ꓠ ꓜꓲꓽ ꓜꓲꓽ ꓑꓰ ꓑꓰ ꓪ ꓓꓶꓽ ꓪ ꓔꓲꓸ ꓟ ꓟꓶˍ ꓥꓳ” ꓐꓰ ꓬꓲꓸ ꓡꓰ ꓐꓯˍ ꓡꓳ=

ꓟꓲꓽ ꓕꓯ ꓢꓲ ꓟ ꓗꓳ-ꓣꓰ-ꓬ (ꓝꓴꓔꓴꓣꓰ ꓗꓳꓣꓰꓮ) ꓐꓯ ꓟ ꓖꓴ ꓟꓶꓸ ꓗꓳ-ꓣꓰ-ꓬ ꓗꓴꓷꓼ ꓗꓪ ꓐꓰ ꓘꓰ ꓓꓳ ꓡ ꓟ ꓔꓯ ꓟꓰꓹ ꓠ ꓠꓬꓲˍ ꓟ ꓐꓬꓱꓽ ꓢꓯꓼ ꓗꓪ ꓬꓲꓸ ꓪ ꓐꓴ ꓡꓰ ꓕꓱ ꓡꓱ ꓐꓯ ꓟ ꓥ ꓡꓳ=

“ꓕꓲꓽ ꓧꓪ ꓙꓳˍ ꓠꓬꓲ ꓬꓲꓸ ꓪ ꓜꓴ ꓪꓽ ꓘꓴ ꓔꓬꓹ ꓟ ꓔꓯ ꓟꓯꓼ ꓜꓴ ꓐꓴ ꓠꓲ ꓟꓳ ꓡꓰ ꓠꓬꓲ꓾ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓓꓶꓽ ꓔꓲꓸ ꓟ ꓗꓪ ꓐꓰ ꓝꓴꓲꓸ ꓪꓽ ꓒꓵꓽ ꓚꓱꓹ ꓔꓬ ꓪꓸ ꓡꓳ” ꓐꓰ ꓟꓳ ꓢꓴ ꓡꓰ ꓐꓯ ꓟꓳꓸ ꓖꓶꓽ ꓡˍ ꓡꓳ=

ꓖꓴ ꓟꓶꓸ ꓗꓳ-ꓣꓰ-ꓬ ꓗꓴꓷꓼ ꓠꓬ ꓮ ꓘꓶꓸ ꓫ ꓟ ꓗꓴꓷꓼ ꓥ ꓢꓲ꓾ ꓡ ꓞꓳ ꓟꓽ ꓙꓲ ꓟ ꓡꓰ ꓬꓰ ꓔꓬꓹ ꓟ ꓗꓴꓷꓼ ꓥˍ ꓡꓳ= ꓟꓸ ꓟꓲꓽ ꓕꓳꓽ ꓶ ꓑꓮꓲꓽ ꓔꓯꓹ ꓔ ꓟ ꓟꓳˍ ꓕꓯ꓾ ꓥ ꓠꓬ ꓪꓴ-ꓢ ꓐꓬꓱꓽ ꓕꓲꓽ ꓐꓬꓱꓽ ꓔꓯꓹ ꓔ ꓟ ꓟꓳˍ ꓕꓯ ꓠꓽ ꓫꓵ ꓝꓴꓲꓸ ꓖꓶꓽ ꓐ ꓡ ꓗꓪ ꓛꓲ ꓝꓴꓲꓸ ꓪꓴꓽ ꓓꓰ ꓡꓰ ꓟ ꓥˍ ꓡꓳ=

ꓖꓴ ꓪꓴꓸ ꓗꓳ-ꓣꓰ-ꓬ ꓗꓪ ꓠ ꓪꓴ-ꓢ ꓔꓯ ꓙꓵꓹ ꓢꓴ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓟꓬꓽ ꓡ ꓐꓶ ꓡ ꓔꓬꓹ ꓡꓳ=