ꓖꓴ ꓟꓶꓸ Korea ꓗꓴꓷꓼ ꓗꓪ ꓫꓸ ꓔꓬ ꓢꓴ ꓐꓴ ꓔꓯ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓗꓪ ꓐꓰ ꓧꓶ ꓛꓲ ꓠꓯꓺ ꓞꓲꓼ ꓟꓸ ꓒꓽ ꓐꓴ ꓡꓰ ꓬꓲꓸ ꓒꓵꓽ ꓟꓽ ꓣꓴ ꓬꓰ ꓙ ꓔꓬ ꓟ ꓓꓳꓽ

Monday, August 08, 2022

ꓖꓴ ꓟꓶꓸ Korea ꓗꓴꓷꓼ ꓗꓪ 1977 ꓘꓳꓼ ꓗꓪ ꓐꓰ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓧꓶ ꓛꓲ ꓠꓯꓺ ꓞꓲꓼ ꓟꓸ ꓒꓽ ꓐꓴ ꓐꓰ ꓬꓰ ꓙ ꓔꓬ ꓢꓴ ꓞꓳ ꓡꓱ ꓤ ꓐꓴ ꓐꓰ ꓕꓲ ꓪꓼ Green Club ꓐꓯ_ ꓟ ꓜꓴ ꓫꓬꓹ ꓢꓲ꓾ ꓟꓽ ꓙꓳ ꓢꓴ ꓫꓸ ꓔꓬ ꓢꓴ ꓐꓴ ꓐꓱ ꓶ ꓔꓶꓻ ꓙꓱꓼ ꓛꓹ ꓢꓲ ꓬꓲꓸ ꓒꓵꓽ ꓟꓽ ꓣꓴ ꓠꓻ ꓫꓬꓹ ꓖꓶ_ ꓟ ꓥꓳ=

ꓖꓳ ꓡꓱ ꓥ ꓟꓲ ꓚꓳꓦꓲꓓ ꓠꓻ ꓫꓵꓽ ꓐꓰ ꓒꓴ ꓗꓪ ꓐꓰ ꓕꓱ ꓡꓱ ꓫꓸ ꓓꓴ ꓮ ꓟꓬꓹ ꓔꓳꓹ ꓜꓳ ꓡ ꓟ ꓑꓶ ꓓꓴ ꓬꓰ ꓙ ꓔꓬ ꓢꓴ ꓥ ꓟꓲ ꓮ ꓘꓶꓸ ꓟꓽ ꓔꓬ 30 ꓣꓳ ꓛꓲ ꓡꓰ ꓔꓬ ꓡꓰ ꓟ ꓥꓳ=

ꓠꓯꓺ ꓞꓲꓼ ꓟꓸ ꓒꓽ ꓐꓰ ꓬꓰ ꓙ ꓔꓬ ꓢꓴ ꓟꓽ ꓡꓳꓼ ꓗꓷ ꓡꓰ ꓟ ꓑꓶ ꓓꓴ ꓟꓬꓱꓽ ꓚꓱꓹ ꓗꓪ ꓫꓸ ꓓꓴ ꓥ ꓟꓲ ꓔꓳꓹ ꓜꓳ_ ꓡꓳ ꓐꓰ ꓬꓰ ꓙ ꓢꓴ ꓞꓳ ꓡꓱ ꓤ ꓕꓲ ꓣꓳ ꓡꓰ ꓐꓯ_ ꓡꓳ= ꓠꓱꓸ ꓐꓯꓼ ꓢꓴ ꓔꓯ ꓬꓰ ꓙ ꓢꓲ ꓠꓲꓹ ꓟ ꓘꓴꓽ ꓗꓪ ꓮ ꓟꓬ ꓗꓹ ꓛꓲ ꓓꓴ ꓗꓷ ꓡꓰ_ ꓟ ꓔꓯ ꓠꓬ ꓣꓳ ꓚꓲ ꓛꓬ ꓔꓳꓹ ꓜꓳ ꓠꓬꓲ ꓢꓴ ꓡꓰ ꓢꓷꓸ ꓔ ꓡꓳ ꓐꓰ ꓬꓲ ꓡꓰ ꓐꓯ ꓔ ꓡꓳ=