ꓗ‐ꓔꓳ‐ꓡꓲ ꓘꓴ ꓜꓲꓼ ꓞꓳ ꓦꓮꓔꓲꓚꓮꓠ ꓗꓴꓷꓼ ꓗꓪ ꓐꓰ ꓬꓲ‐ꓢꓷ‐ꓡꓰ ꓗꓴꓷꓼ ꓐꓰ ꓧꓮꓟꓮꓢ ꓜ ꓴꓻ ꓢꓰꓼ ꓡꓯꓽ ꓘꓳ, ꓟ ꓔꓯ ꓠꓽ ꓢꓲ ꓠꓬꓲ ꓢꓲ ꓡꓲ ꓟꓶ ꓠ, ꓟ ꓟꓬꓱꓽ ꓬꓰ ꓠ, ꓟ ꓐꓯ ꓔ ꓟ

ꓗ‐ꓔꓳ‐ꓡꓲ ꓘꓴ ꓜꓲꓼ ꓞꓳ ꓦꓮꓔꓲꓚꓮꓠ ꓗꓴꓷꓼ ꓗꓪ ꓐꓰ  ꓬꓲ‐ꓢꓷ‐ꓡꓰ ꓗꓴꓷꓼ ꓐꓰ ꓧꓮꓟꓮꓢ ꓜ  ꓴꓻ ꓢꓰꓼ ꓡꓯꓽ ꓘꓳ, ꓟ ꓔꓯ ꓠꓽ ꓢꓲ ꓠꓬꓲ ꓢꓲ ꓡꓲ ꓟꓶ ꓠ, ꓟ ꓟꓬꓱꓽ ꓬꓰ ꓠ, ꓟ ꓐꓯ ꓔ ꓟ

10 ꓦ ꓟ 13 ꓠꓬꓲ 2023 ꓘꓳꓼ ꓕꓯ ꓗ‐ꓔꓳ‐ꓡꓲ ꓘꓴ ꓜꓲꓼ ꓞꓳ ꓦꓮꓔꓲꓚꓮꓠ ꓗꓴꓷꓼ ꓗꓪ ꓐꓰ ꓬꓰ‐ꓢꓲ‐ꓡꓲ ꓗꓴꓷꓼ ꓐꓰ ꓧꓮꓟꓮꓢ ꓜꓴꓻ ꓢꓰꓼ ꓡꓯꓽ ꓘꓳ, ꓟ ꓔꓯ ꓠꓽ ꓡꓰ ꓢꓲ ꓠꓬꓲ ꓢꓲ ꓡꓲ ꓟꓶ ꓠ, ꓟ ꓟꓬꓱꓽ ꓬꓰ ꓠ, ꓟ ꓐꓯ ꓔ  ꓟ ꓥ ꓡꓳ꓿

ꓦꓮꓔꓲꓚꓮꓠ ꓗꓪ ꓐꓰ ꓫ. ꓕꓱ ꓠ, ꓟ ꓙꓵꓽ ꓪ ꓙꓳˍ ꓢꓴ ꓔꓲꓺ ꓒ ꓓꓽ Parolin ꓠꓬ ꓧꓮꓟꓮꓢ ꓜꓴꓻ ꓡꓰ   ꓬꓲ‐ꓢꓷ‐ꓡꓰ ꓗꓴꓷꓼ ꓔꓯ ꓢꓰꓼ ꓗꓷ ꓟ ꓔꓯ ꓟꓽ ꓙꓲ ꓟ ꓟꓬꓱꓽ ꓬꓰ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓝꓮꓲ ꓧꓮꓟꓮꓢ ꓜꓴꓻ ꓡꓰ ꓟꓽ ꓙꓲˍ ꓟ ꓟꓬꓱꓽ ꓬꓰ ꓗꓷ ꓟ ꓔꓯ ꓟꓽ ꓠꓲ, ꓫꓵˍ ꓟ ꓚꓱ, ꓔꓯ ꓧꓳꓡꓬ ꓢꓰꓮ ꓓꓳꓽ ꓐꓯ ꓑꓶ ꓔꓲ ꓗꓪ ꓐꓰ ꓐꓯ ꓔ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓦꓮꓔꓲꓚꓮꓠ ꓗꓪ ꓐꓰ ꓟꓽ ꓙꓲ ꓢꓴ ꓐꓴ ꓡꓰ ꓢꓰꓼ ꓡ ꓟ ꓪꓴ. ꓠꓬꓲ  ꓬꓲ‐ꓢꓷ‐ꓡꓰ ꓡ ꓞꓳ ꓮ ꓟꓬ, ꓫꓵꓻ ꓡꓰ ꓟ ꓐꓰ ꓠꓻ ꓓꓴ ꓡꓰ ꓢꓴ ꓐꓴ ꓐꓱ ꓶ ꓪꓽ ꓘꓴ ꓖꓶ ꓢꓲ ꓠꓬꓲ ꓠꓲ, ꓫ ꓟꓬꓽ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓖꓮꓜꓮ ꓗꓪ ꓐꓰ ꓑ ꓫꓬ ꓐꓴ ꓔꓯ ꓟꓽ ꓙꓲˍ ꓜꓴꓻ ꓧꓮꓟꓮꓢ ꓜꓴꓻ ꓡꓰ ꓧꓳꓽ ꓔꓯꓺ ꓙꓰ ꓟ ꓔꓯ ꓥ ꓟꓲ ꓡꓲ. ꓖꓶ ꓠ, ꓟ ꓦꓮꓔꓲꓚꓮꓠ ꓗꓪ ꓐꓰ ꓐꓯ ꓔ ꓡꓳ꓿ ꓔꓲꓺ ꓒ ꓓꓽ ꓑꓮꓣꓳꓡꓲꓠ ꓡꓰ ꓬꓯ‐ꓢꓲ‐ꓡꓲ ꓐꓰ ꓧꓮꓟꓮꓢ ꓜꓴꓻ ꓢꓰꓼ ꓡꓯꓽ ꓘꓳ, ꓟ ꓮ ꓟꓬ, ꓟꓶ ꓫꓵˍ ꓟ ꓔꓯ ꓥꓪ ꓟꓽ ꓢꓷ. ꓖꓳ ꓡꓱ ꓥ ꓟꓲ ꓠꓬꓲꓽ ꓙꓱ ꓔꓯ ꓟꓳ. ꓢꓲ ꓡꓲ ꓟꓶ ꓠ, ꓟ ꓟꓬꓱꓽ ꓬꓰ ꓠ, ꓟ ꓦꓮꓔꓲꓚꓮꓠ ꓗꓪ ꓐꓰ ꓬꓰ ꓙ ꓠ, ꓟ ꓙ ꓖꓶ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓔꓲꓺ ꓒ ꓓꓽ ꓡꓰ ꓖꓮꓜꓮ ꓐꓰ ꓬꓰ‐ꓢꓲ‐ꓡꓲ ꓗꓴꓷꓼ ꓘꓴꓽ ꓗꓪ ꓔꓬ ꓟ ꓙꓙꓲ‐ꓢꓴ ꓢꓲꓺ ꓤ ꓐꓴ ꓐꓱ ꓶ ꓮ ꓘꓶ. ꓛꓲ ꓠꓲ, ꓟ ꓟꓽ ꓢ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓖꓮꓜꓮ ꓟꓵꓽ ꓗꓪ ꓔꓬ ꓟ ꓗ‐ꓔꓳ‐ꓡꓲ ꓙꓲ‐ꓢꓴ ꓢꓲꓺ ꓤ ꓦꓲꓻ (150) ꓦꓲꓻ ꓐꓱ ꓶ ꓥ ꓟꓲ ꓠꓲ, ꓫ. ꓟꓬ ꓔꓬ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓬꓰ‐ꓢꓲ‐ꓡꓲ ꓟꓯꓼ ꓐꓴ ꓔꓯ ꓥ ꓟꓲ ꓖꓮꓜꓮ ꓗꓪ ꓑ ꓫꓬ ꓐꓴ ꓔꓯ ꓢꓰꓼ ꓟ ꓟꓬꓱꓽ ꓔꓯ ꓠꓽ ꓗꓷ ꓠ, ꓟ ꓐꓯ ꓔ ꓡꓳ꓿ ꓝꓮꓲ ꓔꓲꓺ ꓒ ꓓꓽ ꓡꓰ ꓬꓰ‐ꓢꓲ‐ꓡꓲ ꓐꓰ ꓧꓮꓟꓮꓢ ꓜꓴꓻ ꓐꓴ ꓢꓰꓼ ꓡꓯ ꓘꓳ, ꓟ ꓠꓽ ꓡꓰ ꓠ, ꓟ ꓪꓽ ꓮ ꓟꓬ, ꓘꓴ ꓙ ꓓꓴ ꓬꓰ ꓡꓯ ꓐꓰ ꓐꓯ ꓔ ꓡꓳ꓿ ꓬꓰ‐ꓢꓲ‐ꓡꓲ ꓗꓴꓷꓼ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓓꓴ ꓬꓰ ꓡꓯ ꓑꓮꓡꓮꓢꓔꓲꓠꓰ ꓗꓴꓷꓼ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓓꓴ ꓬꓰ ꓡꓯ꓿

ꓟꓯꓼ ꓢꓰꓼ ꓡꓯꓽ ꓘꓳ, ꓟ ꓑꓶ. ꓓꓴ ꓫ. ꓔꓬ ꓟ ꓑ ꓫꓬ ꓐꓴ ꓮ ꓙꓵꓽ ꓐꓱ ꓶ ꓬꓰ ꓙ ꓔꓳ ꓙ ꓓꓴ ꓬꓰ ꓡꓯ ꓐꓰ ꓐꓯ ꓔ ꓡꓳ ꓐꓰ (Catholic news Agency) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿