ꓗ‐ꓛꓲ ꓗꓴꓷꓼ ꓫꓴꓺ ꓛꓬ‐ꓖꓳ ꓟꓵꓽ ꓘꓳ‐ꓡ‐ꓒꓶ ꓟꓵꓽ ꓗꓪ ꓔꓬ ꓢꓴ ꓑ ꓫꓬ ꓐꓴ ꓜ ꓓꓴ ꓓꓳ ꓓꓴ ꓫ. ꓔꓬ ꓟ ꓓꓳꓽ

ꓗ‐ꓛꓲ ꓗꓴꓷꓼ ꓫꓴꓺ ꓛꓬ‐ꓖꓳ ꓟꓵꓽ ꓘꓳ‐ꓡ‐ꓒꓶ ꓟꓵꓽ ꓗꓪ ꓔꓬ ꓢꓴ ꓑ ꓫꓬ ꓐꓴ ꓜ ꓓꓴ ꓓꓳ ꓓꓴ ꓫ. ꓔꓬ ꓟ ꓓꓳꓽ

9 ꓦ 3 ꓠꓬꓲ 2022 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴꓺ ꓖ‐ꓟꓶ‐ꓓꓲ Puato ꓡꓳ ꓒꓱ ꓗꓪ ꓐꓰ ꓟꓳ‐ꓓꓳ ꓐꓰ ꓙꓰ ꓙꓲ_ ꓟ ꓛꓬ‐ꓖꓳ ꓟꓵꓽ ꓘꓳ‐ꓡ‐ꓒꓶ ꓟꓵꓽ ꓗꓪ ꓔꓬ ꓟ ꓑ ꓫꓬ ꓐꓴ ꓜ ꓒꓴ ꓐꓰ ꓜ ꓓꓴ ꓓꓳꓻ ꓓꓴ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓮ ꓟꓶ ꓟ ꓡꓰ ꓐꓰ ꓜ ꓓꓴ ꓓꓳꓻ ꓓꓴ  ꓫ. ꓡ ꓟ ꓠꓬ ꓟꓳ‐ꓓꓳ ꓙ ꓖꓴ ꓟꓽ ꓙꓲꓻ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓟꓳ‐ꓓꓳ ꓙꓽ ꓖꓴ ꓞ ꓞ ꓫꓬ, ꓖꓶ ꓡ ꓠ, ꓟ ꓠꓲ, ꓫꓵˍ ꓡꓳ ꓐꓰ ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓡꓳ꓿

ꓮ ꓟꓶ ꓟ ꓙꓵ, ꓗꓪ ꓘꓳ‐ꓡ‐ꓒꓶ ꓟꓵꓽ ꓡ‐ꓓ‐ꓖꓳ ꓟꓵꓽ ꓜ‐ꓬꓳ ꓘ, ꓣ‐ꓠꓲ‐ꓕꓲ ꓟꓵꓽ ꓡꓯ‐ꓟꓯ‐ꓓꓳ ꓟꓵꓽ ꓛꓬ‐ꓖꓳ ꓟꓵꓽ ꓞꓳ ꓘ, ꓮ ꓟꓬ, ꓗꓪ ꓑ ꓫꓬ ꓐꓴ ꓜ ꓓꓴ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓖ‐ꓟꓶ‐ꓓꓲ Putao ꓡꓳ ꓒꓱ ꓗꓪ ꓥ ꓟꓲ ꓶ ꓤꓼ ꓒꓵꓽ ꓮ ꓘꓶ. ꓓꓯ ꓡ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓫ. ꓔꓬ ꓡꓳ꓿ ꓝꓮꓲ ꓗꓴꓷꓼ ꓫꓵꓽ ꓪꓴ ꓐꓰ Covid-19 ꓠꓻ ꓫꓵꓽ ꓑꓶ. ꓓꓴ ꓛꓬ‐ꓖꓳ ꓟꓵꓽ ꓗꓪ ꓔꓬ ꓟ ꓑ ꓫꓬ ꓐꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓮ ꓘꓶ. ꓫ. ꓔꓬ ꓡꓳ ꓐꓰ ꓢꓷ. ꓪ ꓡꓳ꓿