.ꓗ‐ꓛꓲ ꓗꓴꓷꓼ ꓫꓴꓻ ꓠ‐ꓟ‐ꓔꓲ. ꓡꓳ ꓒꓱ ꓗꓪ ꓞꓳ ꓫꓵꓽ ꓮ ꓙꓵꓽ ꓐꓰ ꓘꓴ ꓜꓲꓼ ꓞꓳ ꓮ ꓙꓵꓽ ꓗꓪ ꓟ ꓞꓳ ꓡꓱ ꓐꓴ ꓜꓲꓼ ꓡꓯ ꓘꓳ, ꓓꓴ ꓬꓰˍ ꓟ ꓓꓳꓽ

.ꓗ‐ꓛꓲ ꓗꓴꓷꓼ ꓫꓴꓻ ꓠ‐ꓟ‐ꓔꓲ. ꓡꓳ ꓒꓱ ꓗꓪ ꓞꓳ ꓫꓵꓽ ꓮ ꓙꓵꓽ ꓐꓰ ꓘꓴ ꓜꓲꓼ ꓞꓳ ꓮ ꓙꓵꓽ ꓗꓪ ꓟ ꓞꓳ ꓡꓱ ꓐꓴ ꓜꓲꓼ ꓡꓯ ꓘꓳ, ꓓꓴ ꓬꓰˍ ꓟ ꓓꓳꓽ

3 ꓦ ꓟ 30 ꓠꓬꓲ 2022 ꓘꓳꓼ ꓠꓽ ꓢꓽ ꓠꓬꓲ ꓕꓯ ꓗ‐ꓛꓲ ꓗꓴꓷꓼ ꓫꓴꓻ ꓠ‐ꓟ‐ꓔꓲ. ꓡꓳ ꓒꓱ ꓠꓬꓰ‐ꓓꓮꓴ ꓣ ꓚ Camp ꓗꓪ ꓗꓟꓢꓢ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓞꓳ ꓫꓵꓽ ꓮ ꓙꓵꓽ ꓘꓴ ꓜꓲꓼ ꓞꓳ ꓮ ꓙꓵꓽ ꓗꓪ ꓟ ꓞꓳ ꓡꓱ ꓞꓳ ꓡꓯ. ꓐꓴ ꓜꓲꓼ ꓡꓯ ꓘꓳ ꓓꓴ ꓙꓵ, ꓔꓯ ꓧꓪ. ꓧꓪꓸꓼ ꓐꓰ ꓬꓰ ꓓꓳꓻ ꓡꓰꓳ꓾ ꓐꓰ ꓢꓷ. ꓪ ꓡꓳ꓿

ꓕꓱ ꓜꓲꓼ ꓡꓯ ꓘꓳ ꓓꓴ ꓙꓵ, ꓗꓪ ꓟꓯꓼ ꓘꓰ, ꓟꓯꓼ ꓑꓬ ꓔꓬ ꓢꓴ ꓞꓳ ꓡꓯ. ꓐꓴ ꓐꓰ ꓗ‐ꓕꓳ‐ꓡꓲꓗ꓾ ꓗꓐꓚ꓾ ꓮ ꓖ ꓾ ꓮꓽ ꓢ,(ꓐꓶ‐ꓬꓲ)꓾ ꓞꓳ ꓡꓯ. ꓐꓴ (150) ꓣꓳ ꓜꓲꓼ ꓡ ꓟ ꓥ ꓡꓳ꓿ ꓞꓳ ꓡꓯ. ꓐꓴ ꓜꓲꓼ ꓡꓯ ꓘꓳ ꓓꓴ ꓬꓲ ꓔꓶꓺ ꓙꓱꓼ ꓠꓬ ꓡ ꓠ, ꓟ ꓙꓵ, ꓗꓪ ꓘꓴ ꓜꓲꓼ ꓞꓳ ꓕꓲ ꓟ ꓡꓰ ꓕꓲ ꓟ ꓐꓰ ꓞꓳ ꓫꓵꓽ ꓕꓲ ꓫꓵꓽ ꓡꓰ ꓕꓲ ꓫꓵꓽ ꓪꓽ ꓡꓯ ꓘꓳ ꓠ, ꓟ ꓐꓱ ꓶ ꓥ ꓡꓳ꓿

ꓜꓲꓼ ꓡꓯ ꓘꓳ ꓓꓴ ꓙꓵ, ꓗꓪ ꓟ. ꓒ ꓟ. ꓟ ꓐꓴ ꓡꓰ ꓞꓳ ꓡꓯ. ꓐꓴ ꓐꓱ ꓶ ꓙꓲꓻ ꓖꓴ ꓮ ꓟꓬ, ꓙꓳˍ ꓟ ꓢꓷ. ꓠꓲ, ꓚꓱ, ꓐꓰ ꓮꓚꓔꓲꓳꓠ ꓢꓳꓠꓖ ꓟꓴꓽ ꓖꓪ ꓮ ꓟꓬ, ꓟ. ꓖꓶ ꓗꓷꓳ꓾ ꓐꓰ ꓗꓟꓢꓢ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿