ꓗ‐ꓛꓲ ꓗꓴꓷꓼ ꓫꓴꓻ ꓠꓳ‐ꓔ‐ꓡꓳ ꓞꓳ ꓘ, ꓗꓪ ꓜꓽ ꓫꓵꓽ ꓜ ꓥꓳꓽ ꓡꓰ ꓟ ꓪꓴ. ꓠꓬꓲ ꓑ ꓫꓬ (4) ꓣꓳ ꓫꓵꓻ ꓡꓰ ꓟ (local news)

Monday, July 15, 2024

ꓗ‐ꓛꓲ ꓗꓴꓷꓼ ꓫꓴꓻ ꓠꓳ‐ꓔ‐ꓡꓳ ꓞꓳ ꓘ, ꓗꓪ ꓜꓽ ꓫꓵꓽ ꓜ ꓥꓳꓽ ꓡꓰ ꓟ ꓪꓴ. ꓠꓬꓲ ꓑ ꓫꓬ (4) ꓣꓳ ꓫꓵꓻ ꓡꓰ ꓟ

7 ꓦ ꓟ 11 ꓠꓬꓲ 2024 ꓘꓳꓼ ꓕꓯ ꓗ‐ꓛꓲ  ꓗꓴꓷꓼ ꓠꓳ‐ꓔ‐ꓡꓳ ꓞꓳ ꓘ, ꓗꓪ ꓜꓽ ꓫꓵꓽ ꓜ ꓥꓳꓽ ꓡꓰ ꓟ ꓪꓴ. ꓠꓬꓲ ꓤ ꓑ ꓤ (4) ꓣꓳ ꓫꓵꓻ ꓡꓰꓳ ꓐꓰ ꓢꓷ. ꓪ ꓡꓳ

꓿ ꓕꓱ ꓡꓱ ꓒꓬꓱꓼ ꓡꓰ ꓟ ꓪꓴ. ꓠꓬꓲ 7 ꓦ ꓟ 6 ꓠꓬꓲ ꓕꓯ ꓪꓮꓲ‐ꓟꓮꓲ ꓡꓳ ꓒꓱ ꓠꓳ‐ꓔ‐ꓡꓳ ꓞꓳ ꓘ, ꓗꓪ ꓙꓲ‐ꓑꓶ ꓙꓵꓽ ꓕꓲ ꓙꓵꓽ ꓗꓪ ꓤ ꓑ ꓤ (15) ꓣꓳ ꓜꓽ ꓫꓵꓽ ꓜ ꓥꓳꓽ ꓡꓰ ꓟ ꓪꓴ. ꓠꓬꓲ ꓖꓳꓻ ꓡꓰ ꓢꓲ ꓠꓬꓲ ꓟꓶꓼ ꓘꓶꓼ ꓗꓪ ꓮ ꓘꓶ. ꓛꓲ ꓠꓻ ꓓꓴ ꓒꓬꓱ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ

꓿ ꓕꓱ ꓡꓰ (3) ꓣꓳ ꓔꓯ ꓠꓯꓼ ꓞꓲꓼ ꓦꓲꓻ ꓗꓪ ꓠꓻ ꓫꓬ, ꓠ, ꓟ ꓙꓰ ꓗꓷ ꓥ ꓟꓲ ꓫꓵꓻ ꓡꓰꓳ ꓐꓰ ꓐꓯ ꓔ ꓡꓳ꓿ ꓕꓱ ꓡꓱ ꓐꓰ ꓜ ꓫꓵꓽ ꓜ ꓥꓳꓽ ꓡꓰ ꓢꓲ ꓠꓬꓲ ꓖꓳꓻ ꓡꓰ ꓢꓴ ꓐꓴ ꓗꓪ ꓐꓰ (4) ꓣꓳ ꓫꓵꓻ ꓡꓰ ꓢꓲ ꓠꓬꓲ ꓠꓱ. ꓐꓯꓼ ꓢꓴ ꓐꓴ ꓔꓯ ꓠꓬ ꓠꓻ ꓫꓬ, ꓖꓶ ꓔꓬ ꓡꓳ ꓐꓰ ꓬꓰ ꓙ ꓔꓳ, ꓙ ꓢꓴ ꓜꓴꓻ ꓡꓰ ꓐꓯ ꓔ ꓡꓳ ꓐꓰ (ꓗꓮꓚꓧꓲꓠ ꓠꓰꓢ ꓖꓣꓳꓴꓑ) ꓗꓪ ꓐꓰ ꓢꓷ. ꓪ ꓡꓳ꓿

Add new comment

6 + 10 =

Quick Links