ꓗ‐ꓛꓲ ꓗꓴꓼ ꓫꓴꓻ ꓟꓬꓳ‐ꓠꓬꓲ ꓡꓳ ꓒꓱ ꓗꓪ ꓟꓲ ꓦꓲꓻ ꓕꓳꓽ ꓥꓳꓽ ꓙꓱ ꓡ ꓟ ꓪꓴ. ꓠꓬꓲ ꓑ ꓫꓬ ꓔꓬ ꓦꓲꓻ (100) ꓦꓲꓻ ꓟꓽ ꓞꓲ ꓐꓬ ꓡꓰ ꓟ (Local news)

#rvalisu #creditphoto

Monday, May 06, 2024

ꓗ‐ꓛꓲ ꓗꓴꓼ ꓫꓴꓻ ꓟꓬꓳ‐ꓠꓬꓲ ꓡꓳ ꓒꓱ ꓗꓪ ꓟꓲ ꓦꓲꓻ ꓕꓳꓽ ꓥꓳꓽ ꓙꓱ ꓡ ꓟ ꓪꓴ. ꓠꓬꓲ ꓑ ꓫꓬ ꓔꓬ ꓦꓲꓻ (100) ꓦꓲꓻ ꓟꓽ ꓞꓲ ꓐꓬ ꓡꓰ ꓟ

5 ꓦ ꓟ 4 ꓠꓬꓲ 2024 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴꓻ ꓟꓬꓳ‐ꓠꓬꓲ ꓡꓳ ꓒꓱ ꓗꓪ ꓟꓲ ꓦꓲꓻ ꓕꓳꓽ ꓥꓳꓽ ꓙꓱ ꓡ ꓟ ꓪꓴ. ꓠꓬꓲ ꓑ ꓫꓬ ꓔꓬ ꓦꓲꓻ (100) ꓦꓲꓻ ꓟꓽ ꓞꓲ ꓐꓬ ꓡꓰ ꓐꓰ ꓐꓯ ꓔ ꓡꓳ꓿ ꓕꓱ ꓡꓰ ꓟꓲ ꓦꓲ ꓕꓳꓽ ꓥꓳꓽ ꓐꓱ ꓶ ꓐꓬ ꓡꓰ ꓟ ꓬꓲ ꓔꓶ. ꓠꓬ ꓟꓬꓳ‐ꓠꓬꓲ ꓡꓳ ꓒꓱ ꓑꓲ‐ꓧꓯ ꓞꓳ ꓘ, ꓗꓪ 5 ꓦ ꓟ 2 ꓠꓬꓲ ꓕꓯ ꓟꓲ ꓦꓲꓻ ꓕꓳꓽ ꓥꓳꓽ ꓙꓱ ꓡ ꓟ ꓑꓶ. ꓓꓴ ꓐꓬ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓠꓬ ꓬꓲ ꓢꓯ. ꓮ ꓟꓬ, ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿

ꓕꓱ ꓞꓳ ꓘ, ꓗꓪ ꓠꓬ ꓟꓲ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓑꓶ. ꓓꓴ ꓕꓲ ꓘꓳꓼ ꓡꓰ ꓕꓲ ꓘꓳꓼ ꓑ ꓫꓬ ꓔꓬ ꓦꓲꓻ (40) ꓦꓲꓻ ꓟꓽ ꓞꓲ ꓐꓬ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓖꓳ ꓡꓱ ꓥ ꓟꓲ ꓞꓲ ꓕꓱ ꓕꓲ ꓧꓪ ꓟꓲ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓑꓶ. ꓓꓴ ꓑ ꓫꓬ ꓔꓬ ꓦꓲꓻ (100) ꓦꓲꓻ ꓟꓽ ꓞꓲ ꓐꓬ ꓡꓰ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓔꓬ ꓔꓶ. ꓐꓰ ꓜ ꓓꓴ ꓓꓳ ꓓꓴ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓟꓬꓳ‐ꓗꓮꓴꓠꓖ ꓡꓳ ꓒꓱ ꓗꓪ ꓢ‐ꓟꓳ ꓞꓳ ꓘ, ꓗꓪ ꓟꓵ ꓗꓳ ꓘꓶꓽ ꓗꓷ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓮ‐ꓠꓬꓲ. (24) ꓕꓯ ꓢꓲ ꓫꓵꓻ ꓡꓰ ꓐꓰ ꓐꓯ ꓔ ꓡꓳ꓿ ꓝꓮꓲ ꓟꓬꓳ‐ꓠꓬꓲ ꓟꓵꓽ ꓗꓪ ꓟꓲ ꓦꓲꓽ ꓕꓳꓽ ꓥꓳꓽ ꓙꓱ ꓡ ꓟ ꓡꓰ ꓟꓽ ꓞꓲ ꓮ ꓘꓶ. ꓪꓴꓽ ꓟ ꓪꓽ ꓡꓴ ꓥ ꓟꓲ ꓞꓰꓼ ꓡ ꓢꓲ ꓠꓬꓲ ꓙꓱꓽ ꓤ ꓐꓴ ꓫꓵꓻ ꓡꓰ ꓟ ꓙꓳˍ ꓡꓳ ꓐꓰ (Eleven Media) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿