ꓗ‐ꓟꓮꓲ, ꓡꓳ ꓒꓱ ꓗꓪ ꓟꓯꓼ ꓘꓰ, ꓟꓯꓼ ꓑꓬ ꓔꓬ ꓢꓴ ꓞꓳ ꓦꓲꓻ (12) ꓦꓲꓻ ꓔꓯ ꓔꓬ ꓖꓴ ꓦꓲꓻ ꓫꓬ, ꓖꓶ ꓗꓷ ꓟ

ꓗ‐ꓟꓮꓲ, ꓡꓳ ꓒꓱ ꓗꓪ ꓟꓯꓼ ꓘꓰ, ꓟꓯꓼ ꓑꓬ ꓔꓬ ꓢꓴ ꓞꓳ ꓦꓲꓻ (12) ꓦꓲꓻ ꓔꓯ ꓔꓬ ꓖꓴ ꓦꓲꓻ ꓫꓬ, ꓖꓶ ꓗꓷ ꓟ 
5 ꓦ ꓟ 2 ꓠꓬꓲ 2023 ꓘꓳꓼ ꓕꓯ ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓗꓪ ꓐꓰ ꓗꓳ. ꓗꓷ ꓟ 2018 ꓘꓳꓼ ꓗꓪ ꓐꓰ ꓟꓯꓼ ꓘꓰ, ꓟꓯꓼ ꓑꓬ ꓗꓷ ꓟ Lai-Nawng-Hku ꓞꓳ ꓘ, ꓗꓪ ꓐꓰ Htoi-San-Yang (RC Camp) ꓗꓪ ꓔꓬ ꓗꓷ ꓟ ꓑ ꓫꓬ ꓐꓴ ꓔꓯ ꓔꓬ ꓖꓴꓻ ꓦꓲꓻ ꓫꓬ, ꓖꓶ ꓡꓯ ꓙꓱꓻ ꓑꓮꓲꓽ ꓔꓯ ꓬꓰ ꓖꓶꓽ ꓗꓷꓳ꓿ 
ꓕꓱ ꓑ ꓫꓬ ꓐꓴ ꓠꓬ Htoi-San-Yang (RC Camp) ꓗꓪ ꓔꓬ ꓗꓷ ꓟ ꓠꓬ 5 ꓘꓳꓼ ꓐꓲ ꓡꓰ ꓟ ꓥ ꓡꓳ꓿

ꓖꓳ ꓡꓱ  ꓥ ꓟ ꓪꓴ. ꓠꓬꓲ ꓟꓯꓼ ꓘꓰ, ꓟꓯꓼ ꓑꓬ ꓔꓬ ꓟ ꓞꓳ ꓦꓲꓻ (12) ꓦꓲꓻ ꓔꓯ Nan-Si-En ꓞꓳ ꓘ, ꓗꓪ ꓝꓮꓲ ꓚꓵ. ꓖꓶ ꓗꓷ ꓟ ꓔꓯ ꓧꓪ. ꓧꓪꓸꓼ ꓐꓰ ꓬꓰ ꓓꓳ ꓡꓰꓳ ꓐꓰ ꓢꓷ. ꓪ ꓡꓳ꓿
ꓕꓱ ꓟꓯꓼ ꓘꓰ, ꓟꓯꓼ ꓑꓬ ꓔꓬ ꓢꓴ ꓐꓴ ꓔꓬ ꓖꓴ ꓦꓲꓻ ꓫꓬ, ꓖꓶ ꓠ, ꓟ ꓙꓵ, ꓗꓪ ꓔꓲꓺ ꓒ Rve. ꓬꓳ‐ꓢꓷ Gawlu-Yung-Wa꓾ ꓔꓲꓺ ꓒ Bosco-Nlam-Hkun-Seng꓾ ꓔꓲꓺ ꓒ Paul-Kinsa-Tu-Awng ꓐꓴ ꓔꓺ ꓗꓷꓳ ꓐꓰ ꓢꓷ. ꓪ ꓡꓳ꓿

 
ꓑ ꓫꓬ ꓐꓴ ꓔꓬ ꓖꓴ ꓦꓲꓻ ꓔꓯ ꓞꓳ ꓕꓲ ꓦꓲꓻ ꓢ ꓢˍ ꓡꓰ ꓔꓬ ꓪ ꓠ, ꓟ ꓬꓰ ꓙ ꓗꓷ ꓟ ꓥ ꓡꓳ꓿ ꓝꓮꓲ ꓑ ꓫꓬ ꓐꓴ ꓔꓬ ꓖꓴ ꓦꓲꓻ ꓫꓬ, ꓠ, ꓟ ꓬꓰ ꓙ ꓢꓴ ꓜꓴꓻ ꓠꓬ UNHCR ꓜꓴꓻ ꓥ ꓢꓲ ꓠꓬꓲ ꓗꓳ. ꓗꓷ ꓟ 2022 ꓘꓳꓼ ꓗꓪ ꓐꓰ ꓦꓲꓻ ꓫꓬ, ꓗꓷ ꓟ ꓥ ꓡꓳ꓿ ꓝꓮꓲ ꓗꓟꓢꓢ‐Myitkyina ꓜꓴꓻ ꓗꓪ ꓐꓰ ꓮ ꓡꓰ ꓐꓰ ꓫꓬ, ꓠ, ꓟ ꓔꓯ ꓬꓰ ꓙ ꓔꓳ, ꓙ ꓖꓶ ꓗꓷꓳ ꓐꓰ ꓢꓷ. ꓪ ꓡꓳ꓿