ꓗꓟꓢꓢ‐ꓟꓬꓲꓔꓗꓬꓲꓠꓮ ꓗꓪ ꓐꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓤ ꓠꓱ ꓤ ꓐꓴ ꓔꓯ ꓟ. ꓖꓶ ꓢꓴ ꓟ. ꓟ ꓢꓳꓻ ꓜꓲꓼ ꓓꓴ ꓔꓯ ꓬꓰ ꓖꓶ ꓓꓳꓻ ꓡꓰ ꓟ

#creditphoto #Kmss-Myitkyina #Teacher Training

Monday, May 22, 2023

ꓗꓟꓢꓢ‐ꓟꓬꓲꓔꓗꓬꓲꓠꓮ ꓗꓪ ꓐꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓤ ꓠꓱ ꓤ ꓐꓴ ꓔꓯ ꓟꓲ ꓠꓯ ꓢꓷ. ꓠꓲ, ꓟ. ꓖꓶˍ ꓟ ꓢꓳꓻ ꓜꓲꓼ ꓓꓴ ꓔꓯ 4 ꓦ ꓟ 18 ꓠꓬꓲ ꓗꓪ ꓐꓰ 5 ꓦ ꓟ 18 ꓠꓬꓲ 2023 ꓘꓳꓼ ꓗꓪ ꓛꓲ ꓟ. ꓖꓶ ꓗꓷ ꓟ ꓥ ꓡꓳ꓿

ꓕꓱ ꓢꓳꓻ ꓜꓲꓼ ꓓꓴ ꓬꓲ ꓔꓶ. ꓠꓬ ꓟꓲ‐ꓚꓲ‐ꓠ ꓮꓴꓠꓖ‐ꓠꓮꓠ ꓗꓪ ꓥ ꓢꓲ ꓠꓬꓲ ꓗ‐ꓛꓲ ꓗꓴꓷꓼ ꓫꓴ ꓡꓳ ꓒꓱ ꓞꓳ ꓘ, ꓮ ꓟꓬ, ꓗꓪ ꓐꓰ ꓟ. ꓟ (52) ꓣꓳ ꓔꓯ ꓟ. ꓖꓶ ꓗꓷꓳ ꓐꓰ ꓐꓯ ꓔ ꓡꓳ꓿

ꓢꓳꓻ ꓜꓲꓼ ꓓꓴ ꓟ. ꓖꓶ ꓟ ꓔꓶ ꓐꓬꓱꓽ ꓠꓬ ꓗ‐ꓔꓳ‐ꓡꓲ ꓔꓲꓺ ꓒ ꓙꓵꓽ ꓔꓶ. ꓗꓪ ꓬꓲ. ꓞꓲꓼ 5 ꓘꓳꓼ ꓗꓪ ꓛꓲ ꓤ ꓠꓱ ꓤ ꓐꓴ ꓔꓯ ꓟꓲ ꓠꓯ ꓢꓷ. ꓠꓲ, ꓕꓳꓽ ꓶ ꓟ. ꓖꓶ ꓓꓴ ꓥ ꓡꓳ꓿ ꓟ. ꓟ ꓐꓴ ꓐꓰ ꓤ ꓠꓱ ꓤ ꓐ, ꓐ ꓟ, ꓟ ꓐꓴ ꓮ ꓡꓰ ꓙꓻ ꓡꓯ ꓘꓳ ꓠ, ꓟ ꓐꓰ ꓤ ꓠꓱ ꓤ ꓐꓴ ꓟꓲ ꓠꓯ ꓢꓷ. ꓠꓲ, ꓔꓯ ꓮ ꓡꓰ ꓢꓳꓻ ꓣꓴ ꓠ, ꓟ ꓚꓱ, ꓮ ꓟꓬ, ꓫꓵꓽ ꓔꓯ ꓟ. ꓖꓶ ꓗꓷ ꓟ ꓥ ꓡꓳ꓿

ꓕꓱ ꓢꓳꓻ ꓜꓲꓼ ꓓꓴ ꓗꓪ ꓟ. ꓖꓶ ꓢꓴ ꓟ. ꓟ ꓐꓴ ꓥ ꓟꓲ ꓮ ꓟꓬ, ꓛꓲ ꓢꓯꓼ ꓕꓵꓼ ꓢꓲ ꓠꓬꓲ ꓟ. ꓖꓶ ꓗꓷꓳ ꓐꓰ ꓐꓯ ꓔ ꓡꓳ꓿ ꓗꓟꓢꓢ‐ꓟꓬꓲꓔꓗꓬꓲꓠꓮ ꓜꓴꓻ ꓠꓬ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓬꓰ ꓙ ꓔꓳ, ꓙ ꓠ, ꓟ ꓗ‐ꓔꓳ‐ꓡꓲ ꓘꓴ ꓜꓲꓼ ꓞꓳ ꓡꓰ ꓒꓴ ꓔ ꓟ ꓜꓴꓻ ꓥ ꓡꓳ꓿