ꓗꓟꓢꓢ‐ꓟꓬꓲꓔꓗꓬꓲꓠꓮ ꓜꓴꓻ ꓗꓪ ꓐꓰ ꓟꓲ‐ꓚꓲ‐ꓠ ꓡꓳ ꓒꓱ ꓟꓳ‐ꓒꓳ ꓘ, ꓗꓪ ꓑ ꓫꓬ ꓐꓴ ꓪꓴꓽ ꓟꓴ ꓡ ꓚꓱ, ꓢꓳꓻ ꓜꓲꓼ ꓓꓴ ꓬꓰ ꓖꓶ ꓗꓷ ꓟ

ꓗꓟꓢꓢ‐ꓟꓬꓲꓔꓗꓬꓲꓠꓮ ꓜꓴꓻ ꓗꓪ ꓐꓰ ꓟꓲ‐ꓚꓲ‐ꓠ ꓡꓳ ꓒꓱ ꓟꓳ‐ꓒꓳ ꓘ, ꓗꓪ ꓑ ꓫꓬ ꓐꓴ ꓪꓴꓽ ꓟꓴ ꓡ ꓚꓱ, ꓢꓳꓻ ꓜꓲꓼ ꓓꓴ ꓬꓰ ꓖꓶ ꓗꓷ ꓟ

ꓟ‐ꓚꓲ ꓡꓳ ꓒꓱ ꓟꓮꓪ‐ꓐꓮꓴ ꓘ, ꓗꓪ ꓟꓗꓢꓢ‐ꓟꓬꓲꓔꓗꓬꓲꓠꓮ ꓗꓪ ꓐꓰ ꓧꓳꓽ ꓣꓱ ꓢꓲ ꓠꓬꓲ ꓒꓵ ꓮ ꓡꓰ ꓐꓰ ꓧꓪ, ꓠ. ꓠ, ꓟ ꓢꓳꓻ ꓢꓲꓼ ꓓꓴ ꓔꓯ ꓟ. ꓖꓶ ꓗꓷꓳ꓿ ꓗꓟꓢꓢ‐ꓟꓬꓲꓔꓗꓬꓲꓠꓮ ꓜꓴꓻ ꓗꓪ ꓐꓰ ꓫ. ꓢꓴ ꓟꓷꓼ ꓢꓴ ꓐꓴ ꓑ ꓫꓬ ꓐꓴ ꓔꓯ ꓶꓻ ꓡꓯꓼ ꓮ ꓡꓰ ꓐꓰ ꓬꓰ ꓠ, ꓟ ꓐꓰ ꓪꓴꓽ ꓟꓴ ꓡ ꓚꓱ ꓗꓪ ꓮ ꓡꓰ ꓐꓰ ꓬꓰ ꓠ, ꓟ ꓮ ꓟꓬ, ꓫꓵꓽ ꓔꓯ ꓟ. ꓖꓶ ꓗꓷ ꓟ ꓥ ꓡꓳ꓿ ꓟꓲ‐ꓚꓲ‐ꓠ ꓡꓳ ꓒꓱ ꓟꓳ‐ꓐꓳ ꓘ, ꓗꓪ 5 ꓦ ꓟ 23 ꓠꓬꓲ ꓗꓪ ꓐꓰ 25 ꓠꓬꓲ ꓗꓪ ꓐꓰ ꓢꓳꓻ ꓜꓲꓼ ꓓꓴ ꓔꓯ ꓟ. ꓖꓶ ꓗꓷ ꓟ ꓥ ꓡꓳ꓿ ꓕꓱ ꓢꓳꓻ ꓜꓲꓼ ꓓꓴ ꓗꓪ ꓑ ꓫꓬ (21) ꓣꓳ ꓢꓳꓻ ꓣꓴ ꓟꓶ ꓡꓰꓳ꓿

ꓕꓱ ꓢꓳꓻ ꓜꓲꓼ ꓓꓴ ꓬꓲ. ꓔꓶꓻ ꓐꓬꓱ ꓠꓬ ꓫ. ꓔꓬ ꓟ ꓑ ꓫꓬ ꓐꓴ ꓕꓲ ꓦꓲꓻ ꓘꓴꓽ ꓗꓪ ꓪꓴꓽ ꓟꓴ ꓡ ꓓꓴ ꓙꓳ ꓠ, ꓟ ꓝꓮꓲ ꓒꓴ ꓮ ꓡꓰ ꓐꓰ ꓠ. ꓠ, ꓟ ꓥ ꓡꓳ꓿ ꓝꓮꓲ ꓮ‐ꓭ ꓮ.‐ꓠꓬꓲ꓾ ꓦꓲꓻ ꓘꓴ ꓗꓪ ꓮ ꓡꓰ ꓐꓰ ꓫꓳ ꓠ, ꓟ ꓚꓱ, ꓔꓯ ꓟ. ꓖꓶ ꓗꓷꓳ ꓐꓰ ꓢꓷ. ꓪ ꓡꓳ꓿ ꓗꓟꓢꓢ‐ꓟꓬꓲꓬꓲꓔꓗꓬꓲꓠꓮ ꓜꓴꓻ ꓠꓬ ꓗ‐ꓔꓳ‐ꓡꓲ ꓘꓴ ꓜꓲꓼ ꓞꓳ ꓡꓰ ꓒꓴ ꓔ ꓟ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓬꓰ ꓠ, ꓟ ꓜꓴꓻ ꓥ ꓡꓳ꓿