ꓗꓰꓠꓬꓮ ꓗꓴꓷꓼ ꓗꓪ ꓚ-ꓑꓴ ꓫꓸ ꓙꓵꓽ ꓓꓴ ꓔꓳꓹ ꓜꓳꓽ ꓔꓬ ꓟ

 (Kenya) ꓗꓴꓷꓼ ꓗꓪ ꓚ-ꓑꓴ ꓑꓶꓸ ꓓꓴ ꓔꓶ ꓫꓵꓽ ꓔꓶ ꓙꓵꓽ ꓮꓽ ꓙꓵꓽ ꓔꓯꓼ ꓜꓽ ꓡꓰ ꓗꓷ ꓟꓸ

Ethiopia ꓐꓰ Somalia ꓗꓴꓷꓼ ꓗꓪ ꓐꓰ ꓐꓬꓱ ꓓꓴꓽ ꓡꓸ ꓟ ꓚ-ꓑꓴ ꓜꓴ ꓐꓶꓸ ꓓꓴ Kenya ꓗꓴꓷꓼ ꓗꓪ ꓟ ꓔꓶ ꓫꓵꓽ ꓔꓶ ꓙꓵꓽ ꓮꓽ ꓟꓬ ꓔꓯ ꓜꓽ ꓡꓰꓳ-ꓸ ꓖꓳ ꓟ ꓐꓶꓸ ꓓꓴ ꓡꓽ ꓞꓳ (1ꓳꓳ) ꓢꓯ ꓐꓱ ꓶ ꓜꓽ ꓓꓴ ꓟꓽ ꓙꓳ ꓫꓸ ꓔꓬ ꓡꓳ=

ꓡꓳꓸˍꓬꓰ ꓟ (25) ꓘꓳꓼ ꓘꓴꓽ ꓠꓯˍꓗꓪ ꓜꓽ ꓫꓵꓽ ꓫꓸ ꓙꓵꓽ ꓓꓴ ꓔꓳꓸ ꓜꓳꓽˍꓟ ꓕꓲꓽ ꓘꓳꓼ ꓥꓳ ꓐꓰ (ꓝꓮꓳ) ꓗꓪ ꓐꓰ ꓐꓯ ꓔꓸ ꓡꓳ=

ꓚ-ꓑꓴ ꓖꓳ ꓟ ꓠꓬ 2020ꓘꓳꓼ 6 ꓦ ꓕꓯꓼ ꓖꓳ ꓟꓶꓸ ꓢꓴ-ꓓꓮꓠ ꓐꓰ ꓬꓴ-ꓖꓮꓠ-ꓓꓮ ꓗꓴꓷꓼ ꓗꓪ ꓟꓬꓽ ꓠꓬꓲ ꓪꓴꓽˍꓟ ꓚ-ꓑꓴ ꓜꓴꓽ ꓒꓬꓳꓼ ꓡ ꓢꓲ ꓓꓴꓽ ꓡ ꓥꓳ ꓐꓰ ꓓꓴꓽ ꓙ ꓔꓸ ꓡꓳ=

ꓢꓷꓸ ꓠꓲꓸ ꓙꓳ ꓒꓽ ꓐꓴ ꓡꓰ ꓐꓯˍꓟ ꓠꓬ ꓮꓝꓣꓲꓚꓮ ꓟꓵꓽ ꓗꓪ ꓜꓽ ꓚꓳ ꓔꓬ ꓟ ꓚ-ꓑꓴ ꓖꓳ ꓟ ꓠꓬ ꓟꓶꓽ ꓘꓳꓼ ꓒꓳ ꓡꓶꓸ ꓡꓹ ꓟ ꓪꓴ ꓠꓬꓲ  ꓐꓰꓼ ꓟꓵꓽ ꓛꓱꓹ ꓟꓶꓽ ꓦ ꓟꓽ ꓦ ꓔꓸ ꓟ ꓪꓴꓸ ꓠꓬꓲ ꓥ ꓡꓳ ꓐꓰ ꓐꓯ ꓔ ꓡꓳ=

ꓚ-ꓑꓴ ꓜꓴ ꓖꓳ ꓟ ꓠꓬ ꓟꓳꓢꓚꓳ ꓡꓳ ꓒꓱꓽ ꓕꓲꓽ ꓟꓵꓽ ꓗꓪ ꓛꓲ ꓪꓴˍꓟ ꓜꓴ ꓥ ꓢꓲꓼ ꓖꓳ ꓚ-ꓑꓴ ꓜꓴ ꓠꓬ ꓕꓲꓽ ꓠꓬꓲ ꓜꓽ ꓕꓯꓽ ꓡꓽ ꓞꓳ (2500) ꓣꓳ ꓕꓲꓽ ꓜꓽ ꓜˍꓟ ꓡꓰꓽ ꓐꓰ ꓜꓽ ꓘꓴˍꓡꓳ ꓐꓰ ꓐꓯ ꓔꓸ ꓡꓳ=

ꓚ-ꓑꓴ ꓖꓳ ꓟ ꓠꓬ ꓪꓴ-ꓢ ꓠꓲꓸ ꓟ ꓩꓴꓹˍꓟ ꓢꓷꓸ ꓡꓰ ꓓꓴ ꓢꓲ-ꓫꓬ ꓕꓳ ꓶ ꓗꓪ ꓟꓳꓸ ꓖꓶꓽ ꓔꓸ ꓟ ꓕꓲꓽ ꓟ ꓥ ꓡꓳ= ꓦꓲ-ꓐꓱ-ꓣꓴ ꓥꓳꓽ ꓗꓪ ꓐꓰ ꓬꓲꓸ ꓪꓽ ꓔꓯꓹ ꓵꓱꓸꓹ ꓖꓴ ꓟꓽ ꓓˍꓟ  ꓐꓰ ꓐꓯ ꓔꓸ ꓢꓲꓼ (ꓮ-ꓣꓮꓑ) ꓟꓵꓽ ꓗꓪ ꓠꓬ ꓚ-ꓑꓴ ꓖꓳ ꓟ ꓔꓯꓼ ꓟꓲꓽ ꓟꓲ ꓟꓶꓽ ꓡꓰ ꓕꓯꓽ ꓐꓰ ꓐꓯˍꓡꓳ=

ꓛꓲ ꓡˍꓟ ꓟꓶꓽ ꓦ ꓦ ꓙꓵꓼ ꓕꓯꓽ ꓖꓳ ꓟ ꓔꓯ ꓓꓽ ꓔꓳꓹ ꓟꓽ ꓐ ꓡ ꓠꓬ ꓦ-ꓟꓲ ꓓꓲ ꓟꓲꓽ ꓬꓰ ꓜꓽ ꓢꓴ ꓠꓯꓼˍꓗꓪ ꓫꓸ ꓓꓴ ꓝꓸ ꓢꓲꓼ ꓔꓳꓹ ꓜꓳꓽ ꓡ ꓥꓳ ꓐꓰ ꓓꓴꓼ ꓙꓽ ꓫꓸ ꓓꓴ ꓙꓳˍꓡꓳ=

#vaticannews