ꓗꓳ-ꓡꓯ-ꓐꓲ-ꓬ ꓗꓪ ꓬꓲꓻ ꓙꓬ ꓟꓽ ꓙꓳ ꓗꓷ ꓡ ꓔꓬ ꓠꓬꓲ ꓬꓲꓻ ꓙꓬ ꓐꓱꓻ ꓖꓶ ꓔꓬ ꓪˍ ꓟ ꓓꓳꓽ

ꓗꓳ-ꓡꓯ-ꓐꓲ-ꓬ ꓗꓴꓷꓼ꓾ ꓐꓳ-ꓖꓳ-ꓔ ꓡꓳ ꓒꓱ ꓗꓪ ꓯ-ꓠꓲ-ꓠꓬꓳ ꓟꓵꓽ ꓘꓳꓼ ꓪꓴꓸ ꓠꓬꓲ ꓒꓬꓱꓼ ꓡ ꓟ ꓟꓶꓽ ꓦ ꓟꓽ ꓦ꓾ ꓬꓲꓻ ꓙꓬ ꓟꓽ ꓙꓳ ꓗꓷ ꓡ ꓟ ꓫꓵꓽ ꓪꓴ ꓠꓲꓸ ꓡꓰ ꓠꓹ ꓟ ꓐꓱ ꓶ ꓮ ꓟꓶ ꓕꓲ ꓠꓽ ꓘꓴꓽ ꓗꓪ ꓬꓲꓻ ꓙꓬ ꓔꓯ ꓐꓱꓻ ꓖꓶˍ ꓟ ꓔꓯ ꓬꓰ ꓪꓴꓸ ꓔꓴˍ ꓥꓳ ꓐꓰ꓾ ꓡꓳ ꓒꓱ ꓙꓵꓽ ꓢꓲꓽ ꓒ ꓗꓹ-ꓡꓳꓔ-ꓖ-ꓡꓯ ꓡꓰ 4 ꓦ 8 ꓠꓬꓲ 2014 ꓕꓯ ꓐꓯˍ ꓡꓳ=

ꓬꓲꓻ ꓙꓬ ꓔꓯ ꓣꓱꓽ ꓡꓳꓼˍ ꓗꓪ ꓛꓲˍ ꓡꓰꓽ ꓐꓱꓻ ꓖꓶˍ ꓟ ꓠꓬ ꓡꓳ ꓒꓱ ꓖ ꓡꓯꓼ ꓖ ꓙꓲ ꓗꓪ ꓙꓳˍ ꓟ ꓟꓵꓽ 11 ꓟ꓾ ꓑ ꓫꓬ 90 ꓫꓬꓹ ꓣꓳ ꓛꓲ ꓐꓱ ꓶ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓯ-ꓠꓲ-ꓠꓬꓳ ꓟꓵꓽ ꓘꓳꓼ ꓕꓱ ꓟ ꓠꓬ 2023 ꓘꓳꓼ ꓡꓳꓹ ꓬꓰ ꓕꓯ꓾ ꓗꓳ-ꓡꓯ-ꓐꓲ-ꓬ ꓗꓴꓷꓼ ꓗꓪ ꓛꓲ ꓡ ꓟ ꓥ ꓢꓲ꓾ ꓟꓵꓽ ꓮ ꓘꓶꓸ ꓛ ꓡˍ ꓟ꓾ ꓟꓶꓽ ꓦ ꓟꓽ ꓦ ꓟ ꓒꓬꓱꓼ ꓡ ꓟ ꓪꓴꓸ ꓠꓬꓲ ꓯ-ꓓꓲ-ꓬꓯ ꓗꓴꓷꓼ ꓗꓪ ꓢꓲꓹ ꓠꓯ ꓮꓸ ꓔꓳꓸ ꓐꓬ ꓡꓰ ꓢꓲ꓾ ꓬꓲꓻ ꓡꓴꓽ ꓐꓱ ꓗꓪˍ ꓟꓲ ꓬꓲꓻ ꓙꓬ ꓫꓱ ꓡꓰ ꓟ ꓠꓬ ꓬꓲ ꓞꓲꓺ ꓘꓳꓼ ꓘꓴꓽ ꓠꓯꓸꓼ ꓗꓪ ꓮ ꓘꓶꓸ ꓠꓲꓸ ꓡꓰ ꓟ ꓥ ꓡꓳ= ꓮ ꓟꓶ 2024 ꓘꓳꓼ ꓗꓪ ꓥˍ ꓟꓲ ꓬꓲꓻ ꓙꓬ ꓫꓱ ꓡꓰ ꓟ ꓠꓬ ꓗꓳꓸ ꓡ ꓟ ꓬꓲ ꓘꓳꓼ 20 ꓘꓳꓼ ꓘꓴꓽ ꓠꓯꓸꓼ ꓗꓪ ꓟꓽ ꓓꓻ ꓠꓲꓸ ꓡꓰ ꓟ ꓬꓲ ꓘꓳꓼ ꓒꓬꓱꓼ ꓡ ꓟ ꓥ ꓡꓳ ꓐꓰ ꓚꓬꓹ ꓪˍ ꓡꓳ ꓐꓰ꓾ ꓡꓳ ꓒꓱ ꓙꓵꓽ ꓢꓲꓽ ꓒ ꓡꓰ ꓐꓯ ꓡꓳ=

ꓐꓳ-ꓖꓳ-ꓔ ꓡꓳ ꓒꓱ ꓔꓯ ꓬꓲꓻ ꓙꓬ ꓐꓱ ꓖꓶ ꓔꓬ ꓟ ꓛꓲꓥ-ꓖ-ꓤ ꓬꓲꓻ ꓡꓴꓽ ꓐꓱ ꓓꓽ ꓟ ꓠꓬ ꓮ ꓟꓶ ꓕꓲ ꓘꓳꓼ ꓐꓰ ꓠꓸ ꓦꓬ ꓕꓲ ꓘꓳꓼ ꓗꓪ ꓬꓲꓻ ꓙꓬ ꓟꓬꓽ ꓠꓬꓲ ꓫꓱ ꓡꓰˍ ꓟ ꓑꓶꓸ ꓓꓴ꓾ ꓬꓲꓻ ꓙꓬ ꓣꓱꓽˍ ꓟ ꓔꓯ ꓠꓲꓸ ꓡꓰ ꓠꓹ ꓟ ꓐꓱ ꓶ ꓣꓱꓽ ꓬꓰ ꓔꓬ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=