ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓟꓶꓽ-ꓚꓲ-ꓠ ꓢ-ꓢꓶ-ꓠꓽ ꓗꓪ ꓪꓴ-ꓢ ꓟꓬꓱꓽ ꓬꓰ ꓔꓬ ꓟ ꓔꓲꓺ ꓒ ꓐꓴ (Retreat) ꓪꓽ ꓘꓴ ꓓꓴ ꓬꓰˍ ꓟ ꓓꓳꓽ

ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓟꓶꓽ-ꓚꓲ-ꓠ ꓢ-ꓢꓶ-ꓠꓽ ꓗꓪ ꓪꓴ-ꓢ ꓟꓬꓱꓽ ꓬꓰ ꓔꓬ ꓟ ꓔꓲꓺ ꓒ ꓐꓴ (Retreat) ꓪꓽ ꓘꓴ ꓓꓴ ꓬꓰˍ ꓟ ꓓꓳꓽ

ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓟꓶꓽ-ꓚꓲ-ꓠ ꓢ-ꓢ-ꓠꓽ ꓗꓪ ꓪꓴ-ꓢ ꓟꓬꓱꓽ ꓬꓰ ꓔꓬ ꓟ ꓔꓲꓺ ꓒ ꓐꓴ (Retreat) ꓪꓽ ꓘꓴ ꓓꓴ ꓔꓯ (14ꓸ12ꓸ2020-17ꓸ12ꓸ2020) ꓗꓪ ꓛꓲ (Retreat) ꓪꓽ ꓘꓴ ꓓꓴ ꓬꓰ ꓔꓬ ꓟ ꓔꓯ ꓢꓷꓸ ꓪ ꓡꓳ=ꓖꓳ ꓡꓱ ꓥ ꓟ ꓪꓴꓸ ꓠꓬꓲ ꓠꓲꓹ ꓠꓵˍ ꓟ ꓬꓲ ꓤ ꓠꓬꓲ ꓤ ꓐꓴ ꓮ ꓙꓵꓽ ꓢꓴ ꓔꓲꓺ ꓒ ꓐꓴ ꓐꓱ ꓶ  ꓪꓽ ꓘꓴ ꓙ ꓓꓴ ꓬꓰ ꓡꓯ=

ꓮ ꓟꓶ ꓒꓬꓱꓼ ꓔꓬ ꓟ Covid-19 ꓠ ꓫꓵ: ꓑꓶ. ꓓꓴ ꓟꓶꓽ-ꓚꓲ-ꓢ-ꓢꓶ-ꓠ ꓗꓪ ꓪꓴ-ꓢ ꓟꓬꓱꓽ ꓬꓰ ꓔꓬ ꓟ ꓔꓲꓺ ꓒ ꓐꓴ ꓮ ꓙꓵꓽ (Retreat) ꓪꓽ ꓘꓴ ꓓꓴ ꓗꓪ ꓔ ꓟꓽ ꓐ ꓡ= ꓔꓲꓺ ꓒ ꓕꓲ ꓐꓱ ꓠꓬ ꓬꓲ ꓪ ꓪꓴ-ꓢ ꓟꓬꓱꓽ ꓬꓰ ꓔꓬ ꓟ ꓪꓽ ꓘꓴ ꓦꓲꓻ ꓗꓪ ꓚꓲ ꓛꓬ ꓪꓽ ꓘꓴ ꓠꓯꓹ ꓟ ꓔꓲꓺ ꓒ Wanghte Lum Dau ꓡꓰ ꓫꓸ ꓕꓱˍ ꓟ ꓗꓪ ꓐꓰ ꓢꓷꓸ ꓪ ꓡꓰ ꓪ=(Retreat) ꓐꓯˍ ꓟ ꓠꓬꓪꓴ-ꓢ ꓐꓯ ꓘꓶꓽ ꓔꓯ ꓟꓬꓽ ꓠꓬꓲ ꓛꓳ ꓫꓱꓽ ꓐ ꓡ ꓠꓹ ꓟ ꓫ ꓪ ꓟꓽ ꓕꓱ ꓕꓱ ꓢꓲ ꓫꓬ ꓕꓳꓽ ꓶ ꓔꓯ ꓡꓰꓽ ꓵ ꓢꓲ ꓪꓽ ꓘꓴˍ ꓟ ꓐꓰ ꓠꓲꓹ ꓟ ꓡꓶꓸˍ ꓟ ꓟꓬꓱꓽ ꓬꓰˍ ꓟ ꓥ ꓡꓳ=