ꓗ-ꓡꓳ ꓮ-ꓗꓴꓸ-ꓢ-ꓔꓲ ꓠꓬ ꓠꓬꓲꓸ ꓠꓬꓲ ꓟ ꓞꓳ ꓡꓱꓻ ꓞꓳ ꓡꓯꓸ ꓐꓴ ꓐꓱ ꓶ ꓬꓰ-ꓢꓴ ꓙꓲ-ꓢꓴ ꓬꓲꓸ ꓢꓷ ꓙ ꓟꓴ ꓙ ꓓꓴ ꓥ ꓟ ꓔꓯ ꓔꓲꓺ ꓒ ꓪ ꓔꓲ Francis ꓡꓰ ꓐꓯ ꓗꓷꓳ=

10 ꓦ ꓟ 10ꓠꓬꓲ ꓾ ꓠꓽ-ꓛꓳꓼ-ꓠꓬꓲ ꓕꓯ ꓬꓰ ꓗꓷ ꓟ ꓗ-ꓡꓳ ꓮ-ꓗꓴꓸ-ꓢ-ꓔꓲ ꓔꓯ ꓙꓲꓻ ꓫꓬ ꓢꓴ ꓐꓯ ꓢꓲ ꓢꓷꓸ ꓙ ꓟꓴ ꓙˍ ꓟ ꓑꓮꓲꓽ ꓬꓰ ꓓꓳ ꓡꓰ ꓕꓯ꓾ ꓔꓲꓺ ꓒ ꓪ ꓔꓲ Francis ꓠꓬ ꓲ-ꓔ-ꓡꓲ ꓞꓳ ꓫꓵꓽ ꓢꓲꓽ ꓫꓬꓹ ꓟ ꓞꓳ ꓡꓯꓸ ꓗ-ꓡꓳ ꓔꓯ ꓔꓯꓺ ꓢꓳ ꓠꓹ ꓟ Aid to the Church in need (ACN) ꓗꓪ ꓐꓰ ꓧꓳꓽ ꓪꓴꓸ ꓟꓴˍ ꓟ ꓣꓳ-ꓢ-ꓣꓲ ꓪꓽ ꓘꓴˍ ꓟ ꓗꓪ ꓐ ꓠꓹ ꓟ ꓐꓱ ꓶ ꓬꓲꓼ ꓠꓬꓲꓸ ꓖꓶꓽ ꓗꓷꓳ=

ꓗ-ꓡꓳ ꓮ-ꓗꓴꓸ-ꓢ-ꓔꓴ ꓟꓬꓱ ꓔ ꓟ ꓲ-ꓔ-ꓡꓲ ꓞꓳ ꓡꓯꓸ ꓔꓯ ꓙꓲꓻ ꓫꓬ ꓢꓴ ꓐꓯ ꓢꓲ ꓢꓷꓸ ꓙ ꓟꓴ ꓙˍ ꓟ ꓔꓯ ꓠꓽ-ꓛꓳꓼ-ꓠꓬꓲ ꓕꓯ ꓮ-ꓢꓲ-ꓢꓲ ꓗꓪ ꓬꓰ ꓗꓷ ꓟ ꓟꓲ-ꓢ ꓔꓯ Cardinal Agostino Vallini ꓡꓰ ꓧꓳꓽ ꓪꓴꓸ ꓟꓴ ꓢꓲ ꓬꓰ ꓖꓶꓽ ꓗꓷ ꓟ ꓥ ꓡꓳ=

ꓪꓴ-ꓢ ꓔꓯ ꓬꓲꓸ ꓪꓴꓸ ꓗꓪ ꓗꓷ ꓔ ꓢꓲ꓾ ꓣꓳꓽ ꓬꓲꓼ ꓤ ꓠꓬꓲ ꓤ ꓐꓴ ꓔꓯ ꓣꓱꓽ ꓙˍ ꓕꓯ ꓢꓲꓸ ꓡꓰꓽ ꓐꓲꓺ ꓜꓲꓼˍ ꓟ ꓗꓹ ꓛꓲꓽ ꓓꓴ ꓥ ꓟ ꓔꓯ꓾ ꓗ-ꓡꓳ ꓮ-ꓗꓴꓸ-ꓢ-ꓔꓴ ꓠꓬ ꓙꓲˍ ꓟ ꓢꓷꓸ ꓙ ꓟꓴ ꓙ ꓓꓴ ꓥ ꓟ ꓔꓯ ꓾ ꓞꓳ ꓡꓱꓻ ꓐꓴ ꓔꓯ ꓔꓲꓺ ꓒ ꓪ ꓔꓲ ꓡꓰ ꓐꓯ ꓖꓶ ꓗꓷ ꓟ ꓥꓳ=

ꓔꓲꓺ ꓒ ꓪ ꓔꓲ ꓢꓷꓸ ꓙ ꓟꓴ ꓙ ꓔ ꓟ ꓣꓱꓽ ꓙ ꓜꓴꓻ ꓥ ꓟ ꓮꓚꓠ ꓬꓲꓸ ꓟꓬꓱꓽ ꓥ ꓟ ꓢꓲꓺ ꓡꓲꓺ ꓟ ꓐꓱ ꓶ ꓤ ꓠꓱ ꓤ 10ꓫꓬꓹ ꓐꓰ ꓕꓲ ꓪꓽ ꓣꓳ-ꓢ-ꓣꓲ ꓪꓽ ꓘꓴˍ ꓟ ꓔꓯ ꓥꓳ ꓡꓳꓸ ꓢꓲ ꓠꓬꓲ꓾ ꓮ ꓟꓶ ꓟ ꓡꓰ ꓕꓲꓽ ꓟꓲ ꓠꓯ ꓡꓱꓸꓼ ꓠꓻ ꓔꓬꓹ ꓟ ꓦꓬꓼ ꓠꓬꓲ ꓗꓪ ꓫꓸ ꓙꓵ ꓟꓶꓽ ꓙꓵ ꓔꓬ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓖꓶꓽ ꓠꓹ ꓟ ꓟꓵꓽ ꓗꓳꓹ ꓓꓵꓺ ꓓꓵꓺ ꓗꓪ ꓐꓰ ꓤ ꓠꓱ ꓤ ꓐꓴ ꓐꓹ ꓟ ꓪꓽ ꓘꓴ ꓙꓵꓹ ꓗꓪ ꓮ ꓙꓵꓽ ꓟꓲꓹ ꓔꓹ ꓐ ꓡ ꓠꓹ ꓟ ꓔꓲꓺ ꓒ ꓪ ꓔꓲ ꓡꓰ ꓘꓴ ꓔ ꓟ ꓥ ꓡꓳ=

Photo courtesy of: ANSA

https://bit.ly/2SMH9uk