ꓘꓴ ꓜꓲꓼ ꓞꓳ ꓓꓳꓽ

6.9.2021

ꓰ-ꓖ-ꓡꓲ-ꓗꓮꓠ ꓔꓲꓺ ꓒ ꓓ: ꓕꓲ: ꓣꓳ ꓗ-ꓔꓳ-ꓡꓲꓗ ꓘꓴ ꓜꓲꓼ ꓞꓳ ꓗꓪ ꓓꓵ: ꓡ ꓟ ꓓꓳ:

ꓰ-ꓖ-ꓡꓲ-ꓗꓮꓠ ꓔꓲꓺ ꓒ ꓓ: ꓟ ꓕꓲ ꓣꓳ ꓥ ꓟ꓾ ꓣꓰꓦ.ꓙꓳꓠꓮꓔꓧꓮꓠ ꓖꓳꓳꓓꓮꓡꓡ ꓠꓬ ꓗ-ꓔꓳ-ꓡꓲ ꓘꓴ ꓜꓲꓼ ꓞꓳ ꓘꓴ ꓗꓪ ꓓꓵ: ꓡ ꓳ=

ꓔꓲꓺ ꓒ ꓓ: ꓡꓰ꓾

ꓥꓪ  ꓠꓬ ꓰꓐꓐꓢꓝꓡꓰꓰꓔ ꓔꓲꓺ ꓒ D: ꓗꓪ ꓐꓰ ꓠ: ꓙꓰ ꓢꓲ ꓗ-ꓔꓳ-ꓡꓲꓗ ꓘꓴ ꓜꓲꓼ ꓞꓳ ꓗꓪ ꓓꓵ: ꓙꓰ ꓥꓳ= ꓥꓪ ꓞꓲꓼ ꓣꓳ ꓕꓯ ꓡꓰ ꓕꓱ ꓗꓪ ꓪꓴ: ꓡ ꓢꓲ꓾ ꓕꓱ ꓘꓴ ꓜꓲꓼ ꓞꓳ ꓗꓪ ꓐꓰ ꓪꓴ-ꓢ ꓔꓯ ꓢꓷ. ꓡ ꓡꓳ= ꓖꓳ ꓟ ꓡꓰ ꓐꓰ꓾ ꓰ-ꓖ-ꓡꓲ-ꓗꓮꓠ ꓔꓲꓺ ꓒ ꓓ: ꓟ ꓕꓲ: ꓣꓳ ꓡꓰ ꓐꓰ ꓕꓱ ꓗꓪ ꓪꓴ-ꓢ ꓟꓬꓱ: ꓣꓱ: ꓔꓬ ꓟ ꓮ ꓟꓬ ꓘꓳꓼ ꓙꓳˍ ꓡꓳ= ꓕꓱ ꓗꓪ ꓪꓴ-ꓢ ꓟꓬꓱ: ꓬꓰ ꓔꓬ ꓕꓯ ꓥꓪ ꓠꓬ ꓟ: ꓠ: ꓠ: ꓪ ꓘꓴ ꓢꓲ꓾ ꓓꓵ: ꓠꓬꓲ ꓔ ꓟ ꓥ ꓡꓳ= ꓥꓪ ꓕꓱ ꓘꓴ ꓜꓲꓼ ꓞꓳ ꓗꓪ ꓐꓰ ꓓꓳꓺ ꓙꓰ ꓠꓹ ꓟ ꓥꓳ= ꓕꓲ: ꓟꓵ: ꓕꓲ: ꓫꓰ ꓐꓰ ꓗꓴ. ꓙꓲ ꓙꓳ ꓟ ꓗ-ꓔꓳ-ꓡꓲꓗ ꓘꓴ ꓜꓲꓼ ꓞꓳ ꓗꓪ ꓓꓵ: ꓙꓰ ꓠꓹ ꓟ ꓪꓴ-ꓢ ꓥꓪ ꓔꓯ ꓘꓴˍ ꓡꓳ= ꓰ-ꓖ-ꓡꓲ ꓗꓮꓠ ꓘꓴ ꓜꓲꓼ ꓞꓳ ꓔꓯ ꓮ ꓘꓶ. ꓫ ꓟꓳ ꓡꓳ꓾ ꓐꓰ 2 ꓠꓬꓲ 9 ꓦ 2021 ꓕꓯ ꓫꓬ: ꓫꓬ: ꓡꓰ ꓐꓯ ꓑꓶꓺ ꓗꓷꓳ꓾ ꓐꓰ ꓢꓷ. ꓪ ꓡꓳ=