ꓘꓴ ꓜꓲꓼ ꓞꓳ ꓓꓳꓽ

#rvalisu #Zang yaw #Food support #during covid-19 #Myanmar #Local church support

Tuesday, October 19, 2021

LISU ꓣꓦꓮ ꓔꓯ ꓧꓳ: ꓣꓱ: ꓔꓬꓹ ꓟ ꓔꓲꓺ ꓒ ꓮ-ꓒꓴ ꓠꓬ ꓛꓬ-ꓖꓳ ꓟꓵ: ꓗꓪ ꓐꓰ ꓛꓲ ꓬꓰꓼ ꓡ ꓟ ꓓꓳ:

ꓔꓲꓺ ꓒ ꓮ ꓒꓴ ꓐꓰ ꓟ. ꓒ ꓠꓬꓲ: ꓣꓳ ꓠꓬ ꓛꓬ-ꓖꓳ ꓟꓵ: ꓔꓯ ꓟꓳ 9 ꓦ ꓟ 26 ꓠꓬꓲ ꓗꓪ ꓙꓰ ꓪꓴ. ꓔꓴ ꓙꓰ ꓢꓲ 10 ꓦ ꓟ 11 ꓠꓬꓲ ꓗꓪ ꓟꓶ-ꓚꓲ-ꓠ ꓗꓪ ꓛꓲ ꓬꓰꓼ ꓡ-ꓳ=

ꓖꓳ ꓗꓪ ꓔꓬꓹ ꓟ ꓡꓲ-ꓢꓴ ꓡꓲ ꓪ ꓐꓴ ꓐꓰ ꓫ ꓢꓴ ꓟꓷꓼ ꓢꓴ ꓔꓯ ꓢꓯꓼ ꓖꓶ: ꓪ ꓖꓶ: ꓢꓲ ꓐꓹ ꓡ ꓕ ꓑꓳ. ꓜ ꓓꓴ ꓓꓳ ꓔꓴ ꓬꓰ ꓙ ꓔꓳ ꓙˍ ꓟ ꓟ ꓬꓰ ꓗꓷꓳ=

"ꓛꓬ-ꓖꓳ ꓗꓪ ꓠꓬ ꓜ ꓒꓴ ꓕꓲ: ꓑꓮꓳꓺ ꓟ ꓔꓯ ꓕꓲ: ꓫꓬ ꓠꓬꓲ: ꓟꓶ:(120ꓹ000) ꓗꓺ ꓔꓲꓺ ꓙꓳˍ ꓡꓳ= ꓮ ꓟꓶ ꓟꓵ: ꓘꓳꓼ ꓟ: ꓙꓲ ꓟ ꓕꓲ: ꓚꓱ꓾ ꓚꓳꓦꓲꓓ ꓠ ꓓꓱ: ꓑꓶ. ꓔꓬ ꓕꓲ: ꓚꓱꓹ꓾ ꓪ: ꓙꓵ: ꓪ ꓐ ꓗꓪ ꓔꓬꓹ ꓟ ꓣꓳ: ꓡꓲ-ꓢꓴ ꓤ ꓐꓴ ꓮ ꓘꓶ. ꓫ ꓙꓵ ꓔꓬꓹ ꓖꓴˍ ꓡꓳ" ꓐꓰ ꓔꓲꓺ ꓒ ꓡꓰ ꓐꓯ ꓖꓶ: ꓡˍ ꓡꓳ=

"ꓒꓴ ꓤ ꓫꓵꓺ ꓤ ꓗꓪ ꓐꓰ ꓬꓰ ꓙ ꓔꓳ ꓙ ꓢꓴ ꓮ ꓙꓵ ꓪꓴ-ꓡꓰ ꓶ ꓤ ꓫꓱꓹ ꓤ ꓖꓶ: ꓝꓲ꓾ ꓬꓲ. ꓪ ꓬꓰ ꓙ ꓟ ꓗꓪ ꓐꓰ ꓞꓳ ꓦꓲ (300) ꓟ: ꓞꓲ ꓮ ꓔꓲ. ꓬꓲ. ꓤ ꓬꓰ ꓙ ꓐꓹ ꓡ-ꓳ" ꓐꓰ ꓔꓲꓺ ꓒ ꓡꓰ ꓐꓯ ꓟ. ꓖꓶ: ꓡ ꓡꓳ=

ꓬꓲ ꓪ ꓐꓱ ꓶ ꓪ: ꓘꓴ ꓜ ꓖꓶ: ꓢꓲ꓾ ꓐꓹ ꓡˍ ꓕꓯ ꓑꓳꓸꓼ ꓬꓰ ꓙ ꓔꓳ ꓙ ꓡꓯ=