ꓘꓴ ꓜꓲꓼ ꓞꓳ ꓓꓳꓽ

ꓗ-ꓠꓯ (ꓗ.-ꓡ.) ꓟꓵ: ꓗꓪ ꓟꓬꓱ ꓓꓳ: ꓮ ꓘꓶ. ꓙꓳ ꓟ ꓗ-ꓔꓳ-ꓡꓲꓗ ꓗꓴꓷꓼ ꓟꓬꓱ: ꓬꓰ ꓢꓲ: ꓒ(ꓑꓳꓡꓲꓔꓲꓚꓲꓮꓠ) ꓫꓵꓻ ꓟ ꓓꓳ:

ꓠꓬꓲ. ꓠꓬꓲ. 14 ꓠꓬꓲ ꓗꓪ ꓗ-ꓠꓯꓺꓗꓴꓷꓼ ꓟꓬꓱ: ꓬꓰ ꓢꓲ: ꓒ ꓕꓲ ꓣꓳ ꓥ ꓟ ꓳ-ꓢ-ꓗ ꓠꓬ ꓬꓲ. ꓞꓲꓼ 80 ꓘꓳꓼ ꓙꓳˍ ꓕꓯ ꓫꓵ-ꓳ= ꓬꓲ. ꓠꓬ ꓗ-ꓔꓳ-ꓡꓲ ꓐꓱ ꓶ ꓡꓰ ꓟ: ꓞꓲ ꓬꓰ-ꓢꓴ ꓢꓲ ꓤ ꓮ ꓙꓵ: ꓢꓴ ꓐꓱ ꓶ ꓮ ꓘꓶ. ꓢꓯꓼ ꓕꓵꓼ ꓗꓳ. ꓙꓰ ꓡꓳ=

ꓔꓲ ꓒ ꓓ: ꓟ Oswald Gracias ꓡꓰ꓾ ꓬꓲ. ꓠꓬ ꓮ ꓑ ꓫꓬ ꓡ ꓞꓳ ꓐꓱ: ꓶ ꓮ ꓡꓰ: ꓓꓵ: ꓙ ꓢꓴ ꓥ ꓡꓳ= ꓗꓴꓷꓼ ꓙꓵ: ꓟꓬꓱ: ꓬꓰ ꓗꓴ. ꓢꓴ ꓕꓲ ꓣꓳ ꓡꓰ ꓟ: ꓞꓲ꓾ ꓙꓲ ꓢꓴ ꓢꓲ ꓤ ꓐꓴ ꓐꓱ ꓶ ꓔꓯꓺ ꓢꓳ ꓓꓴ ꓬꓰ ꓟ. ꓖꓶ: ꓗꓷꓳ= ꓢꓲ ꓒ ꓬꓰ-ꓢꓴ ꓡꓰ ꓐꓯ ꓔ ꓟ ꓒꓵ: ꓶ ꓔꓯ ꓟ: ꓙꓵ: ꓢꓴ ꓔꓬ ꓗꓪ ꓙꓰ ꓢꓲ ꓬꓰ ꓟ ꓗꓪ ꓐꓰ ꓟ. ꓖꓶ: ꓗꓷꓳ꓾ ꓐꓰ ꓐꓯ ꓗꓷꓳ=

ꓗ-ꓠꓯ ꓗꓴꓷꓼ ꓙꓵ: ꓒ ꓡꓰ꓾ ꓥꓪ ꓠꓴ ꓐꓱ ꓶˍ ꓟꓲ ꓮ ꓘꓶ. ꓠꓲꓹ ꓟ ꓫ. ꓓꓴ ꓥꓳ꓾ ꓐꓰ ꓐꓯ ꓗꓷꓳ ꓐꓰ ꓢꓷ. ꓪ ꓓ ꓡꓳ=