ꓘꓴ ꓜꓲꓼ ꓞꓳ ꓓꓳꓽ

ꓢꓲꓺ ꓒ ꓬꓰ-ꓢꓴ ꓡꓯꓼ ꓐꓳ ꓔꓶꓸ ꓓꓴ ꓧꓪꓸ ꓡꓰˍ ꓟ ꓑꓮꓲꓽ ꓔꓯ ꓟꓶ-ꓚꓲ-ꓠ ꓡꓳ ꓒꓱ ꓮ-ꓡꓮꓟ ꓡꓯꓼ ꓐꓳ ꓔꓶꓸ ꓓꓴ ꓪꓽ ꓚꓲ ꓗꓪ ꓬꓰˍ ꓟ ꓓꓳꓽ

9 ꓦ 14 ꓠꓬꓲ 2ꓳ21ꓘꓳꓼ ꓠꓽ ꓠꓬꓲꓽ ꓠꓬꓲ ꓕꓯ ꓢꓲꓺ ꓒ ꓬꓰ-ꓢꓴ  ꓡꓯꓼ ꓐꓳ ꓔꓶꓸ ꓓꓴ ꓧꓪꓸ ꓡꓰˍ ꓟ ꓑꓮꓲꓽ ꓦꓬꓼ ꓠꓬꓲ ꓗꓪ ꓟꓶ-ꓚꓲ-ꓠ ꓢ-ꓢꓶ-ꓠ ꓮ-ꓡꓮꓟ ꓡꓯꓼ ꓐꓳ ꓔꓶꓸ ꓓꓴ ꓪꓽ ꓚꓲ ꓗꓪ ꓟꓲ-ꓢ ꓔꓲ ꓪ ꓘꓴˍ ꓟ ꓬꓰ ꓗꓷꓳ= Covid-19 ꓠꓽ ꓫꓵꓽ ꓑꓶꓸ ꓓꓴ ꓢꓲꓺ ꓒ ꓬꓰ-ꓢꓴ ꓡꓯꓼ ꓐꓳ ꓔꓶꓸ ꓓꓴ ꓧꓪꓸ ꓡꓰˍ ꓟ ꓑꓮꓲꓽ ꓔꓯ ꓗꓳꓸ ꓡꓳꓹ ꓬꓰ ꓟ ꓘꓳꓼ ꓡꓰ ꓐꓰ ꓬꓰ ꓟꓽ ꓒꓬꓱꓼ ꓡ= ꓖꓳ ꓡꓱ ꓥ ꓟꓲ꓾ ꓐꓹ ꓡ ꓟꓬ ꓛꓲ ꓢꓯꓼ ꓕꓵꓼ ꓢꓲ ꓠꓬꓲ꓾ ꓟꓲ-ꓢꓔꓲ ꓓꓴ ꓪꓽ ꓘꓴ ꓜꓲꓼ ꓓꓴ ꓔꓯ ꓟꓬ-ꓟ ꓗꓴꓷꓼ ꓘꓴꓽ ꓗꓪ ꓪꓽ ꓘꓴ ꓦꓲ ꓕꓲ ꓟˍ ꓡꓰ ꓫꓬꓹ ꓔ ꓟ꓾ ꓮ ꓟꓬꓹ ꓪꓽ ꓠꓬꓲˍ ꓟ ꓝꓲ ꓓꓴ ꓒꓲ-ꓕꓱ ꓪꓽ ꓘꓴ ꓦꓲ ꓗꓪ ꓬꓰˍ ꓗꓷꓳ=

ꓟꓲ-ꓢ ꓔꓲ ꓓꓴ ꓪꓽ ꓘꓴ ꓜꓲꓼˍ ꓟ ꓗꓪ ꓔꓲꓺ ꓒ ꓓꓽ Francis Daw Tang꓾ ꓔꓲꓺ ꓒ Bernard Dashi Tang Ji ꓐꓰ ꓔꓲꓺ ꓒ Joseph Zinghtung La Nu  ꓐꓰ ꓟꓶ-ꓚꓲ-ꓠ ꓗꓪ ꓪꓴ-ꓢ ꓟꓬꓱꓽ ꓬꓰ ꓔꓬ ꓟ ꓔꓲꓺ ꓟ ꓐꓴ ꓐꓰ ꓟꓸ ꓒ ꓟꓸ ꓟ  ꓐꓴ ꓐꓰ ꓘꓴ ꓜꓲꓼ ꓞꓳ ꓗꓪ ꓐꓰ ꓙꓲ-ꓢꓴ ꓢꓲꓺ ꓤ ꓮ ꓟꓬꓹ ꓥ ꓟꓲ ꓪꓽ ꓘꓴ ꓜꓲꓼ ꓓꓴ ꓗꓪ ꓐ ꓪ ꓡꓰꓳ꓾ ꓐꓰ ꓣꓦꓮ ꓓꓳꓽ ꓗꓪ ꓐꓰ ꓢꓷꓸ ꓪˍ ꓡꓳ=