ꓘꓴ ꓜꓲꓼ ꓞꓳ ꓓꓳꓽ

ꓟꓶ-ꓚ-ꓠ ꓡꓳ ꓒꓱ ꓮ-ꓓꓲ ꓘꓹ ꓗꓪ St.Luke ꓠꓯ ꓞꓲꓼ ꓖꓶ ꓦꓲ ꓒꓴ ꓗꓷ ꓟ ꓓꓳꓽ

9ꓦ 21 ꓠꓬꓲ 2021 ꓘꓳꓼ ꓠꓽ ꓠꓬꓲꓽ ꓠꓬꓲ ꓗꓪ ꓟꓶ-ꓚ-ꓠ ꓡꓳ ꓒꓱ ꓰ-ꓓꓲ ꓘꓹ ꓗꓪ ꓙꓳˍ ꓟ  ꓢꓲꓽ ꓫꓬ ꓕꓳ ꓶ ꓢꓳꓺ ꓦꓲ ꓗꓪ ꓔꓲꓺ ꓒ Leo Gopal ꓡꓰ ꓧꓳꓽ ꓪꓴꓸ ꓟꓴ ꓢꓲ ꓠꓬꓲ꓾ ꓠꓯ ꓞꓲꓼ ꓖꓶ ꓦꓲ ꓬꓲ ꓫꓵꓼ ꓕꓲ ꓟ ꓒꓴ ꓗꓷꓳ= St. Luke ꓠꓯ ꓞꓲꓼ ꓦꓲ ꓗꓪ ꓠꓬ꓾ ꓠꓯ ꓞꓲꓼ ꓫꓬꓹ ꓖꓶˍ ꓟ ꓡꓰꓽ ꓟꓽ ꓞꓲꓺ ꓤ ꓠꓱ ꓤ ꓒꓬꓱꓽ ꓟꓳ ꓖꓶ ꓟ ꓔꓯ ꓟꓲ ꓠꓯ ꓞꓲꓼ ꓟꓸ ꓒ ꓓꓽ ꓐꓴ ꓐꓰ ꓟꓸ ꓟ ꓐꓴ ꓡꓰ ꓫꓬꓹ ꓖꓶ ꓔꓬ ꓡꓳ=

ꓒꓴ ꓫꓵꓺ ꓫꓸ ꓔꓬ ꓢꓴ ꓦꓲ ꓘꓴꓽ ꓗꓪ ꓐꓰ ꓠꓻ ꓫꓬꓹ ꓡ ꓕꓯ St. Luke ꓠꓯ ꓞꓲꓼ ꓦꓲ ꓗꓪ ꓐꓰ ꓠꓯ ꓞꓲꓼ ꓟꓸ ꓒ ꓓꓽ ꓐꓴ ꓐꓰ ꓟꓸ ꓟ ꓐꓴ ꓡꓰ ꓮ ꓟꓬꓹ ꓙꓲꓻˍ ꓟ ꓚꓱꓹ ꓗꓪ ꓐꓰ ꓠꓻ ꓫꓬ ꓖꓶ ꓔꓬ ꓡꓳ= ꓝꓮꓲ ꓠꓻ ꓫꓬ ꓡ ꓢꓴ ꓐꓴ ꓣꓱꓽˍ ꓟ ꓠꓯ ꓞꓲꓼ ꓒꓵꓽ ꓔꓯ ꓡꓰꓽ ꓖꓶ ꓠ ꓗꓹ ꓡꓳ=ꓮ ꓟꓬꓹ ꓛꓲ ꓙꓵꓻˍ ꓟ ꓚꓱꓹ ꓗꓪ ꓐꓰ ꓠꓻ ꓫꓬꓹ ꓖꓶ ꓔꓬ ꓡꓳ꓾ ꓐꓰ St. Luke response Team facebook ꓓꓳꓽ ꓗꓪ ꓐꓰ ꓢꓷꓸ ꓪ ꓡꓳ=