ꓘꓴ ꓜꓲꓼ ꓞꓳ ꓓꓳꓽ

ꓡ ꓞꓳ ꓔꓯ ꓬꓲꓼ ꓡ ꓟ ꓜꓽ ꓫꓵꓽ ꓒꓲꓸ ꓬꓯꓼ ꓧꓽ ꓠꓲ ꓫꓵꓺ ꓢꓴ ꓔꓯ ꓘꓴꓼ ꓟ ꓓꓳꓽ

ꓟꓶ-ꓚꓲ-ꓠ ꓡꓳ ꓒꓱ  Chyet Pyawng Chan ꓘꓹ (2) ꓗꓪ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓡꓰ ꓒꓴ ꓔ ꓟ (Rebirth Rehabilitation Center) ꓡ ꓞꓳ ꓔꓯ ꓬꓲꓼ ꓡꓹ ꓟ ꓜꓽ ꓫꓵꓽ ꓠꓽ ꓦꓲꓻ ꓗꓪ ꓐꓰ ꓒꓲꓸ ꓬꓯꓼ ꓜꓽ ꓫꓵꓽ ꓔꓯ ꓠꓽ ꓠꓲꓹ ꓫꓵ ꓢꓴ ꓡ ꓞꓳ ꓮ ꓟ ꓥˍ ꓟꓲ꓾ ꓜꓳꓽ ꓦꓲꓻ ꓗꓪ ꓡ ꓪ ꓓꓹ ꓡꓳ꓾ ꓐꓰ ꓘꓴˍ ꓔꓬ ꓡꓳ=

ꓢꓳ ꓦꓲꓻ ꓗꓪ ꓢꓳ ꓜꓲꓼ ꓓꓴ ꓔꓯ ꓠꓬ 10ꓦ 11 ꓠꓬꓲ ꓗꓪ ꓐꓰ 12 ꓦ ꓟ 20 ꓠꓬꓲ ꓗꓪ ꓛꓲ꓾ ꓦꓻ ꓐ 3 ꓟ ꓬꓰ ꓓꓴ ꓥꓳ꓾ ꓐꓰ ꓢꓷꓸ ꓪ ꓡꓰꓳ= ꓖꓳ ꓡꓱ ꓥ ꓟ ꓪꓴꓸ ꓠꓬꓲ꓾ ꓒꓲꓸ ꓬꓯꓼ ꓣꓴ ꓔꓬ ꓢꓴ ꓐꓴ ꓒꓲꓸ ꓬꓯꓼ ꓔꓯ ꓠꓽ ꓠꓲꓹ ꓫꓵ ꓢꓴ ꓡ ꓞꓳ ꓮ ꓟ ꓥ ꓟꓲ꓾ ꓢꓳ ꓜꓲꓼ ꓓꓴ ꓗꓪ ꓢꓳ ꓪ ꓓꓹ ꓡꓳ= ꓢꓳ ꓜꓲꓼ ꓓꓴ ꓗꓪ ꓠꓬ ꓘꓴ ꓜꓲꓼ ꓞꓳ  ꓟꓽ ꓘꓶꓽ ꓞꓳ ꓫꓵ ꓟꓽ ꓘꓶꓽ ꓢꓳ ꓪ ꓓ ꓡꓳ=

ꓢꓳ ꓜꓲꓼ ꓓꓴ ꓗꓪ ꓡ ꓢꓴ ꓢꓳ ꓤ ꓕꓲ ꓣꓳ ꓠꓬ (1) Covid-19 ꓠꓻ ꓫꓵ ꓟꓽ ꓙꓳ ꓢꓴ ꓔꓯ ꓘꓳꓹ ꓣꓴ ꓡꓳ= (2) ꓢꓳ ꓜꓲꓼ ꓓꓴ ꓗꓪ ꓡ ꓢꓴ ꓢꓳ ꓤ ꓕꓲ ꓣꓳ ꓠꓬ ꓢꓳ ꓦꓲꓻ ꓗꓪ ꓓꓵꓽ ꓒꓵꓽ (50000) ꓒꓯꓼ ꓗꓶ ꓠ ꓗꓹ ꓡꓳ= (3) ꓦꓻ ꓐ ꓕꓲ ꓟ ꓪꓽ ꓒꓵꓽ (50000) ꓒꓯꓼ ꓔꓯ ꓗꓶ ꓠꓹ ꓗ ꓡꓳ ꓐꓰ ꓢꓷꓸ ꓪ ꓡꓳ= (4) ꓪꓴ-ꓢ ꓢꓲꓽ ꓫꓬ ꓕꓳ ꓶ ꓐꓰ ꓓꓳ ꓟꓴ ꓟꓴꓽ ꓖꓪ ꓕꓳ ꓶ ꓑꓷꓥ ꓔꓯ ꓥ ꓟꓲ ꓢꓳ ꓦꓲꓻ ꓗꓪ ꓔꓯꓹ ꓡ ꓓꓴ ꓬꓰ ꓡꓯ꓾ ꓐꓰ ꓢꓷꓸ ꓙ ꓟꓳ ꓙ ꓔ ꓡꓳ=

ꓢꓳ ꓜꓲꓼ ꓓꓴ ꓦꓲꓻ ꓔꓶ ꓔꓯ 2015 ꓘꓳꓼ ꓕꓯ ꓬꓲ ꓪꓴꓸ ꓟꓸ ꓔꓴ ꓗꓷ ꓟ ꓥ ꓡꓳ= ꓢꓳ ꓦꓲꓻ ꓗꓪ ꓐꓰ ꓢꓳ ꓓꓳ ꓡꓰ ꓢꓴ ꓢꓳ ꓤ (600) ꓣꓳ ꓙꓳ ꓡꓰꓳ= ꓢꓳ ꓜꓲꓼ ꓓꓴ ꓙꓵꓹ ꓠꓬ ꓕꓲ ꓧꓪꓹ ꓟꓸ ꓕꓯ ꓦꓻ ꓐ 3 ꓟ ꓐꓰ ꓕꓲ ꓘꓳꓼ ꓕꓯ 3 ꓧꓪꓹ ꓟꓸ ꓖꓶ ꓔꓬ ꓡꓳ꓾ ꓐꓰ ꓔꓲꓺ ꓟ Rose Angeli Maran Nan Doi ꓗꓪ ꓐꓰ ꓫꓸ ꓕꓱ ꓖꓶ ꓡ ꓟ ꓗꓪ ꓐꓰ ꓢꓷꓸ ꓪ ꓡꓳ=