ꓘꓴ ꓜꓲꓽ ꓞꓳ ꓓꓳꓽ

#Creditphoto #Cardinal Charles Maung Bo #rvalisu

ꓘꓴ ꓜꓲ ꓞꓳ ꓓꓳꓽ

 ꓬ-ꓖꓳ ꓡꓳ ꓒꓱ ꓗꓪ ꓔꓬ ꓟ ꓗ-ꓔꓳ-ꓡꓲ ꓔꓲꓸꓸꓑ ꓓꓽ Cardinal Charles Maung Bo ꓗꓪ ꓐꓰ ꓟꓬ-ꓟ ꓗꓴꓷꓼ ꓔꓯ Covid-19 ꓠꓻ ꓫꓬꓹ ꓠꓹ ꓟ  ꓬꓰ ꓙˍ ꓟ ꓞꓳ ꓜꓴꓻ ꓗꓴꓷꓼ ꓔꓯ ꓫꓸ ꓟꓳ ꓒꓵꓽ ꓗ ꓘꓶꓽ ꓕꓱˍ ꓟ ꓓꓳꓽ

ꓟꓬ-ꓟ ꓗꓴꓷꓼ ꓗꓪ ꓠꓬ ꓗꓳꓸ ꓡꓳꓹ ꓬꓰ ꓟ 8ꓦ ꓗꓪ ꓠꓬ Covid-19 ꓠꓻ ꓫꓵꓽ ꓒꓬꓱꓼ ꓔꓬ ꓢꓴ  ꓮ ꓟꓬ ꓟꓽ ꓔꓬ ꓢꓰꓽ= ꓖꓳ ꓡꓱ ꓥˍ ꓟꓲ 9ꓦ ꓟ ꓬꓲꓸ ꓘꓴꓽ ꓗꓪ ꓠꓬ ꓠ ꓻ ꓫꓵꓽ ꓠꓻ ꓔꓬ ꓢꓴ ꓡ ꓞꓳ 15000 ꓣꓳ ꓕꓯ ꓢꓲ ꓟꓬꓽ ꓡ ꓢꓲ ꓠꓬꓲ꓾ ꓠꓻ ꓫꓵꓽ ꓠꓻ ꓢꓴ ꓞꓳ ꓠꓻ 400 ꓣꓳ ꓥ ꓟꓲ ꓧꓪꓽ ꓖꓳ ꓓꓱꓽ ꓡꓳꓹ ꓬꓰ ꓪ  ꓐꓰ Cardinal Charles Maung Bo ꓗꓪ ꓐꓰ 10 ꓦ ꓟ 4 ꓠꓬꓲ 2020 ꓘꓳꓼ ꓕꓯ ꓐꓯ ꓔꓸ ꓡꓳ=

ꓝꓮꓲꓸ Cardinal Charles Maung Bo  ꓐꓯˍ ꓟ ꓠꓬ  ꓟꓬ-ꓟ ꓗꓴꓷꓼ ꓗꓪ ꓙꓳ ꓟ ꓗ-ꓔꓳ-ꓡꓲ ꓘꓴ ꓜꓲ ꓞꓳ ꓥ ꓟꓲ ꓠꓻ ꓫꓵꓽ ꓠꓻ ꓔꓬ ꓢꓴ ꓐꓴ ꓐꓱ ꓶ ꓬꓰ ꓙ ꓔꓬ ꓥꓳ ꓐꓰ ꓫꓸ ꓕꓱ ꓔ ꓡꓳ= ꓛꓲꓺ ꓡˍ ꓟ 3ꓦ ꓘꓴꓽ ꓗꓪ ꓠꓬ꓾ ꓞꓳ ꓦꓲꓻ 1000 ꓦꓲꓻ ꓔꓯ ꓜꓽ ꓓꓴ ꓬꓰ ꓙ ꓠꓹ ꓟ ꓐꓰ ꓫꓸ ꓔꓬ ꓢꓴ ꓐꓴ ꓔꓯ ꓬꓰ ꓙ ꓠꓹ ꓟ ꓗ-ꓔꓳ-ꓡꓲ ꓘꓴ ꓜꓲ ꓞꓳ ꓔꓯ  ꓐꓯ ꓖꓶ ꓔ ꓡꓳ= ꓝꓮꓲꓸ ꓬꓲꓸ ꓡꓰ ꓟꓬ-ꓟ ꓗꓴꓷꓼ ꓗꓪ ꓙꓳˍ ꓟ ꓗ-ꓔꓳ-ꓡꓲ ꓘꓴ ꓜꓲ ꓞꓳ ꓠꓬ ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓐꓴ ꓮ ꓙꓵꓽ ꓔꓯ ꓠꓵ ꓠꓲꓹ ꓡꓰꓽ ꓟꓽ ꓛꓲ ꓬꓰ ꓙ ꓔꓬ ꓡꓳ ꓐꓰ ꓐꓯ ꓖꓶ ꓔ ꓡꓳ= ꓠꓻ ꓫꓵꓽ ꓠꓻ ꓔꓬ ꓟ  ꓟꓬ-ꓟ ꓗꓴꓷꓼ ꓐꓱ ꓶ ꓥˍ ꓟꓲ ꓪꓽ ꓘꓴ ꓙ ꓐꓰ ꓫꓸ ꓕꓱ ꓔ ꓡꓳ= ꓣꓦꓮ ꓓꓳꓽ ꓗꓪ ꓐꓰ ꓢꓷꓸ ꓪ ꓡꓳ=

 

Add new comment

8 + 11 =