ꓘꓴ ꓜꓲꓽ ꓞꓳ ꓓꓳꓽ

ꓬꓮ-ꓖꓳ ꓡꓳ ꓒꓱ  ꓗꓪ ꓔꓬ ꓟ ꓗ-ꓔꓳ-ꓡꓲ ꓔꓲꓸꓸ ꓒ ꓓ Cardinal Charles Maung Bo ꓡꓰ ꓟꓬ- ꓟ ꓗꓴꓷ ꓗꓪ ꓢꓲꓸꓸꓒ ꓢꓲˍ ꓟ ꓟꓯꓹ ꓗꓶˍ ꓕꓯ ꓓꓵꓽ ꓙ ꓢꓪꓸ ꓠꓬꓲ ꓢꓲ ꓟꓯꓹ ꓖꓶꓽ ꓠꓹ ꓟ ꓐꓯˍ ꓟ ꓓꓳꓽ

ꓬꓮꓥ-ꓖꓳ ꓡꓳ ꓒꓱ ꓗꓪ ꓔꓬ ꓟ ꓗ-ꓔꓳ-ꓡꓲ ꓔꓲꓸꓸꓒ ꓓ Cardinal Charles Maung Bo ꓡꓰ ꓗꓳꓸ ꓡꓳ ꓬꓰ 14ꓸ 10ꓸ2020 ꓘꓳꓼ ꓠꓽ- ꓠꓬꓲꓽ- ꓠꓬꓲ ꓕꓯ ꓟꓬ-ꓟ ꓗꓴꓷꓼ ꓗꓪ ꓔꓬ ꓟ ꓑ ꓫꓬꓼ ꓐꓴ ꓔꓯ ꓐꓯ ꓖꓶˍ ꓟ ꓫꓹ ꓕꓱ ꓘꓶꓽ ꓠꓬ꓾ ꓠꓲꓹ ꓠꓵˍ ꓟ ꓬꓲ ꓤ ꓠꓬ ꓤ ꓐꓴꓳ꓾  ꓠꓴ ꓪ ꓮ ꓙꓵꓽ ꓢꓴ ꓔꓯ ꓥꓪ ꓪꓽ ꓘꓴ ꓙ ꓔꓬ ꓥꓳ=

ꓡ ꓠꓹ ꓟ 11ꓦ ꓗꓪ ꓟꓬ-ꓟ ꓗꓴꓷꓽ ꓗꓪ ꓢꓲꓸꓸꓒ ꓢꓲꓹ ꓠꓹ ꓟ ꓟꓯꓹ ꓖꓶ ꓠꓹ ꓟ ꓙꓵꓼ ꓛꓲ ꓡ ꓪ= ꓣꓳ ꓑ ꓫꓬ ꓐꓴ ꓣ ꓟꓬ-ꓟ ꓗꓴꓷꓼ ꓔꓯ ꓪꓴꓽ ꓡ ꓟꓴ ꓡ ꓠꓹ ꓟ ꓧꓳꓽ ꓪꓴꓽ ꓟꓴ ꓐ ꓡ ꓢꓴ ꓢꓲꓸꓸꓒ ꓐꓴ ꓔꓯ ꓟꓯꓹ ꓖꓶ  ꓠ ꓗꓹ ꓡꓳ=

ꓟꓯꓹ ꓖꓶ ꓔꓯ ꓓꓵꓽ ꓙ ꓢꓲ ꓖꓶ ꓠꓹ ꓟ ꓐꓰ ꓟꓯꓹ ꓖꓶ  ꓟ ꓠꓬ ꓮ ꓟꓬ ꓛꓲ ꓙꓲꓻ ꓟ ꓥ ꓡꓳ= ꓠꓴ ꓪ ꓟꓶ ꓙꓲꓽ ꓙꓳˍ ꓟ  ꓣꓱꓽ ꓢꓲ ꓠꓬꓲ ꓟꓯꓹ ꓗꓷ ꓓꓴ ꓬꓰ= ꓕꓲ ꓣꓳ ꓛꓳ ꓕꓲ ꓣꓳ ꓠꓵ ꓠꓲꓹ ꓐꓰ ꓬꓰ ꓙ ꓡꓯ ꓘꓳ ꓢꓲ꓾ ꓗꓴꓷꓼ ꓔꓯ ꓧꓳꓽ ꓪꓴꓽ ꓟꓴꓽ ꓐ ꓡ ꓝꓲ ꓢꓴ ꓔꓯ ꓟꓯꓹ ꓖꓶ ꓠꓹ ꓟ ꓥ ꓡꓳ=

Covid-19 ꓠꓹ ꓫꓵꓽ ꓠꓹ ꓔꓬ ꓔꓯ ꓐꓰ ꓫꓸ ꓢꓴ ꓟꓶ ꓢꓴ ꓔꓯ ꓬꓰ ꓙ ꓐˍ ꓡ ꓢꓴ ꓔꓯ ꓟꓯꓹ ꓖꓶ ꓐꓰ Cardinal Charles Maung Bo ꓗꓪ ꓐꓰ ꓐꓯ ꓖꓶ ꓔ ꓡꓳ=