ꓘꓴ-ꓜꓲ-ꓞꓳ ꓓꓳꓽ

#rvalisu #Lashio #creditphoto

ꓡꓲ-ꓢꓴ ꓕꓳ ꓶ ꓾ ꓪꓴ-ꓢ ꓐꓯ..ꓘꓶ꓾ꓓꓳ ꓟꓴ ꓟꓴ ꓖꓪ꓾ꓡꓲ-ꓢꓴ ꓟꓴ ꓖꓪ ꓤ ꓐꓰ ꓘꓴ ꓜꓲꓼꓞꓳ ꓗꓳ ꓡꓳ ꓗꓪ ꓟ ꓶ ꓓꓰ:ꓪ ꓘꓴ ꓡꓲ:ꓚꓱꓹꓬꓲ. ꓫꓵ:ꓬꓲ. ꓙꓰ:ꓔꓯ ꓡꓲ-ꓢꓴ ꓥꓳ:ꓗꓪ ꓐꓰ ꓦ ꓐ ꓢ..ꓟ ꓢꓳ ꓣꓴ ꓢꓲ. ꓡꓳꓹꓬꓰ ꓗꓷ ꓟ ꓓꓳꓽ

 

ꓠꓲꓹ ꓠꓵˍꓟ ꓡꓲ-ꓢꓴ ꓫꓵ: ꓮ ꓐ ꓮ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ꓗꓳ ꓡ ꓗꓷ ꓟ (21-2-2021) ꓜ ꓝꓲ. ꓧꓪ:ꓝꓲ. ꓦꓬꓼꓠꓬꓲ꓾ꓢꓲ..ꓒ ꓦꓬꓼꓠꓬꓲ ꓕꓯ ꓣꓳ ꓦ ꓐ ꓡꓴ. ꓡꓴ. ꓢꓳ ꓤ ꓜꓲꓼꓦꓲꓻꓗꓪ ꓐꓰ ꓡꓲ-ꓢꓴ ꓕꓳ ꓶ ꓾ ꓪꓴ-ꓢ ꓐꓯ..ꓘꓶ꓾ꓓꓳ ꓟꓴ ꓟꓴ ꓖꓪ꓾ꓡꓲ-ꓢꓴ ꓟꓴ ꓖꓪ ꓤ ꓐꓰ ꓘꓴ ꓜꓲꓼꓞꓳ ꓗꓳ ꓡꓳ ꓗꓪ ꓟ ꓶ ꓓꓰ:ꓪ ꓘꓴ ꓡꓲ:ꓚꓱꓹꓬꓲ. ꓫꓵ:ꓬꓲ. ꓙꓰ:ꓔꓯ ꓡꓲ-ꓢꓴ ꓥꓳ:ꓗꓪ ꓐꓰ ꓦ ꓐ ꓢ..ꓟ ꓢꓳ ꓣꓴ ꓢꓲ. ꓡꓳꓹꓬꓰ ꓗꓷ ꓟ ꓔꓯ. ꓢꓷ.ꓡꓰ ꓓꓴ ꓐꓯ ꓢꓲ꓾

(1)ꓮ ꓑ..ꓮ. ꓤ ꓔꓯ. ꓦ ꓡꓱ ꓚꓱꓹꓗꓪ ꓐꓰ ꓡꓳ..ꓗꓷ ꓢꓲ.ꓪꓴ-ꓢ ꓔꓯ. ꓙꓵ ꓘꓳꓹ ꓣꓴ ꓟꓶ ꓗꓷ ꓢꓴ (ꓖꓳ ꓓꓱ:ꓔꓲꓹꓗꓷ ꓟꓶ ꓢꓴ)ꓠꓬꓲ:ꓣꓳ꓾

(2)ꓢꓲ ꓫꓬ ꓖꓳ ꓓꓱ ꓢ-ꓗ-ꓣ-ꓟꓰꓥ-ꓔꓴ ꓬꓲ. ꓫꓵꓼ ꓘꓳꓹꓣꓴ ꓟꓶ ꓗꓷ ꓢꓴ(8)ꓣꓳ ꓐꓴ ꓑꓶ.ꓓꓴ ꓪꓴ -ꓢ ꓔꓯ. ꓫ ꓟꓳˍꓟ ꓐꓰ꓾ꓡꓲ-ꓢꓴ ꓢꓳ ꓜꓲꓼ ꓓꓴ ꓕꓱ ꓟ ꓒꓬꓱꓼꓡꓹꓟ ꓐꓰ ꓗꓴ.ꓙꓲ ꓙꓳ ꓢꓲ ꓥꓪ ꓠꓴ ꓔꓯ. ꓔꓳꓹꓙ ꓖꓶ ꓡ ꓢꓴ ꓔꓲ..ꓒ ꓖꓴ-ꓔ ꓾ ꓐꓣꓳ...ꓛꓪ-ꓔ ꓾ ꓐꓣꓳ...ꓗꓬꓮꓪ-ꓕꓱ.-ꓴ.ꓐꓰ ꓒꓴ ꓤ ꓫꓵ..ꓤ ꓗꓪ ꓐꓰ ꓥ ꓠꓬ ꓪꓳ:ꓒꓬ ꓜ ꓓꓴ ꓐꓯ..ꓢꓲ.ꓔꓲ..ꓖꓶ ꓡ ꓢꓴ꓾ꓶ ꓓꓰ:ꓪ ꓘꓴ ꓙ ꓢꓲ. ꓔꓳꓹ ꓙ ꓖꓶ ꓔꓬꓹꓟ ꓡꓲ-ꓢꓴ ꓫꓵ: ꓐꓴ ꓐꓰ ꓕꓲ ꓪꓺꓼꓢꓷ. ꓖꓴ ꓓ꓾ꓢꓷ. ꓖꓴ ꓟ ꓓ ꓟ ꓬꓲ. ꓒꓳꓹ ꓬꓲ. ꓒꓳꓹꓗꓪ ꓐꓰ ꓣꓱ ꓙ ꓬꓰ ꓙ ꓡꓯ ꓘꓳ ꓗꓷ ꓢꓴ ꓮ ꓐ ꓮ ꓟ..ꓐꓴ ꓔꓯ. ꓥꓪ ꓠꓴ ꓦ ꓐ ꓡꓴ. ꓡꓴ. ꓢꓳ ꓤ ꓜꓲꓼ ꓦꓲꓻꓗꓪ ꓐꓰ ꓮ ꓘꓶ. ꓐꓰ ꓮ ꓘꓶꓸꓼꓫ ꓟꓳ ꓩꓴ ꓡˍꓥꓳ=ꓠꓴ ꓪ ꓮ ꓙꓵ ꓔꓯ ꓪꓴ-ꓢ ꓡꓰ ꓶ ꓥꓳ ꓙꓱ ꓖꓶ ꓝꓲ꓾ꓫ ꓟꓳ ꓪ=

 

(ꓟ. ꓒ ꓐꓬ-ꓝꓣꓮꓠꓚꓲꓢ)

ꓙꓬ-ꓟꓮꓲ ꓘꓹ

Add new comment

10 + 6 =