ꓘꓴ-ꓜꓲ-ꓞꓳ ꓓꓳꓽ

ꓟꓬ-ꓟ ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓐꓴ ꓔꓯ ꓢꓰꓼˍ ꓟ ꓔꓯ ꓠꓽ ꓗꓷ ꓠꓹ ꓟ Cardinal Chars Mung Bo ꓡꓰ ꓓꓰꓽˍ ꓟ ꓓꓳꓽ

ꓗꓳꓸ ꓡꓳ ꓬꓰ ꓟ 3ꓦ 14 ꓠꓬꓲ 2021 ꓘꓳꓼ ꓢꓲꓺ ꓒ ꓦꓬꓼ ꓠꓬꓲ(ꓠꓽ-ꓦꓬꓼ-ꓠꓬꓲ) ꓕꓯ ꓔꓲꓺ ꓒ ꓓꓽ Cardinal Charles BO ꓗꓪ ꓐꓰ ꓟꓬ-ꓟ ꓗꓴꓷꓼ ꓗꓪ ꓟꓬ-ꓟ ꓗꓴꓷꓼ ꓡꓳꓸ ꓟꓯꓼ ꓐꓰ ꓗꓴꓷꓼ ꓑ ꓫꓬ ꓡꓳꓸ ꓟꓯꓼ ꓐꓴ ꓡꓰ ꓑ ꓫꓬ ꓮ ꓟꓬꓹ ꓔꓯ ꓢꓰꓼ ꓗꓷ ꓪ= ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓐꓴ ꓠꓬ ꓢꓲ ꓡꓰ ꓐꓰ ꓘꓴ ꓔꓴˍ ꓟ ꓐꓰ ꓒꓳꓹ ꓔꓴˍ ꓟ ꓬꓰˍ ꓥ ꓟꓲ ꓗꓴꓷꓼ ꓡꓳ ꓟꓯꓼ ꓐꓴ ꓠꓬ ꓕꓲ ꓠꓬꓲ ꓘꓴꓽ ꓗꓪ ꓑ ꓫꓬ 38 ꓪ ꓔꓯ ꓢꓰꓼ ꓗꓷ ꓪ=

ꓔꓲꓺ ꓒ Cardinal Charles BO ꓡꓰ ꓐꓯ ꓟ ꓠꓬ ꓟꓬ-ꓟ ꓗꓴꓷꓼ ꓙꓵꓽ ꓪ ꓔꓲ  ꓐꓰ ꓢꓲꓽ ꓒ ꓢꓲꓽ ꓟ ꓮ ꓟꓬꓹ ꓔꓯ ꓕꓳꓽ ꓦꓲ(ꓐꓱ ꓓꓴꓽ) ꓗꓪ ꓐꓰ ꓡꓲꓹ ꓖꓶ ꓠꓹ ꓟ ꓐꓯ ꓡꓳ= ꓮ ꓟꓶ ꓟ ꓡꓰ ꓐꓰ ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓐꓴ ꓔꓯ ꓢꓰꓼˍ ꓟ ꓠꓬ ꓮ ꓟꓬꓹ ꓥꓳꓽˍ ꓟ ꓚꓱꓹ ꓥ ꓡꓳ ꓐꓰ ꓐꓯ ꓡꓳ= ꓗꓴꓷꓼ ꓡꓳꓸ ꓟꓯꓼ ꓗꓪ ꓐꓰ ꓑ ꓫꓬ ꓐꓴ ꓔꓯ ꓢꓰꓼˍ ꓟ (126) ꓣꓳ ꓫꓵꓻ ꓡꓰ ꓪ= ꓕꓲ ꓠꓬꓲ ꓘꓴꓽ ꓗꓪ (38)ꓣꓳ ꓢꓰꓼ ꓗꓷꓳ= ꓑ ꓫꓬ (2156) ꓣꓳ ꓠꓬ ꓐꓱ ꓓꓴꓽ ꓗꓪ ꓔꓬ ꓡꓳ= ꓔꓲꓺ ꓒ ꓓꓽ Cardinal Charles BO ꓡꓰ Asian ꓗꓴꓷꓼ ꓗꓪ ꓔꓬ ꓟ ꓔꓲꓺ ꓒ ꓓ ꓐꓴ ꓥ ꓟꓲ ꓟꓬ-ꓟ ꓑ ꓫꓬ ꓐꓴ ꓢꓰꓼˍ ꓟ ꓗꓪ ꓐꓰ ꓠꓽ ꓗꓷ ꓠꓹ ꓟ ꓓꓰꓽ ꓗꓷ ꓪ= ꓝꓴꓲ ꓟꓽ ꓙꓳ ꓟ ꓑ ꓫꓬ ꓐꓴ ꓔꓯ ꓐꓱ ꓓꓴꓽ ꓗꓪ ꓐꓰ ꓡꓲꓹ ꓖꓶ ꓠꓹ ꓟ ꓐꓯ ꓗꓷꓳ=