ꓙ‐ꓑ ꓞꓳ ꓫꓵꓽ ꓕꓲ ꓣꓳ Ukraine ꓗꓴꓷꓼ Kharkiv ꓡꓳ ꓒꓱ ꓬꓲ. ꓒꓵꓽ ꓟꓽ ꓖꓶ ꓓꓳꓻ ꓓ_ ꓟ Coffee ꓙꓵ ꓕꓲ ꓙꓵ ꓒꓴ ꓔ ꓟ

ꓙ‐ꓑ ꓞꓳ ꓫꓵꓽ ꓕꓲ ꓣꓳ Ukraine ꓗꓴꓷꓼ Kharkiv ꓡꓳ ꓒꓱ ꓬꓲ. ꓒꓵꓽ ꓟꓽ ꓖꓶ ꓓꓳꓻ ꓓ_Coffee ꓙꓵ ꓕꓲ ꓙꓵ ꓒꓴ ꓔ ꓟ

4 ꓦ ꓟ 28 ꓠꓬꓲ 2023 ꓘꓳꓼ ꓕꓯ Ukraine ꓗꓴꓷꓼ Kharkiv ꓡꓳ ꓒꓱ ꓗꓪ ꓙ‐ꓑ ꓞꓳ ꓫꓵꓽ ꓕꓲ ꓣꓳ ꓠꓬ ꓬꓲ. ꓒꓵꓽ ꓟꓽ ꓖꓶ ꓚꓳꓝꓝꓰꓰ ꓓꓳꓻ ꓓ_ ꓟ ꓙꓵꓻ ꓕꓲ ꓙꓵꓻ ꓒꓴ ꓗꓷ ꓟ ꓥ ꓡꓳ꓿ ꓕꓱ ꓙ‐ꓑ ꓞꓳ ꓫꓵꓽ ꓠꓬ ꓞꓲꓻ ꓠꓲ, ꓕꓯ Ukraine ꓗꓴꓷꓼ ꓗꓪ ꓔꓬ ꓡ ꓢꓴ ꓡ ꓢꓲ ꓠꓬꓲ ꓗꓴꓷꓼ ꓘꓴꓽ ꓗꓪ ꓫꓵꓽ ꓪꓴꓽ ꓒꓬꓱꓼ ꓔꓬ ꓟ ꓪꓴ. ꓠꓬꓲ ꓫ. ꓔꓬ ꓢꓴ ꓑ ꓫꓬ ꓐꓴ ꓔꓯ ꓬꓰ ꓙ ꓠ, ꓟ ꓓꓵꓽ ꓙ ꓗꓷ ꓟ ꓥ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓬꓲ. ꓬꓰ ꓐ ꓡ ꓟ Coffee ꓙꓵꓻ ꓒꓴ ꓢꓲ ꓠꓬꓲ ꓬꓲ. ꓒꓵꓽ ꓟꓽ ꓐꓯ ꓑ ꓫꓬ ꓮ ꓟ ꓥ ꓟꓲ ꓓꓳꓻ ꓓ ꓟ ꓙꓵꓻ ꓔꓯ ꓒꓴ ꓗꓷ ꓢꓴ ꓥ ꓡꓳ꓿

ꓬꓲ ꓠꓬ ꓫ. ꓔꓬ ꓢꓴ ꓑ ꓫꓬ ꓐꓴ ꓔꓯ ꓜ ꓓꓴ ꓓꓳꓻ ꓓꓴ ꓥ ꓟꓲ ꓮ ꓟꓬ, ꓬꓰ ꓙ ꓗꓷ ꓢꓴ ꓕꓲ ꓣꓳ ꓥ ꓡꓳ꓿ ꓬꓲ. ꓡꓰ ꓚꓳꓝꓝꓰꓰ ꓙꓵꓻ ꓒꓴ ꓔ ꓟ ꓔꓯ Social media ꓗꓪ ꓐꓰ ꓡ ꓞꓳ ꓮ ꓟꓬ, ꓢꓷ. ꓡꓰ ꓟ ꓪꓴ. ꓠꓬꓲ ꓙ‐ꓑ ꓑ ꓫꓬ ꓐꓴ ꓡꓰ ꓮ ꓟꓬ, ꓬꓰ ꓙ ꓡ ꓟ ꓪꓴ. ꓠꓬꓲ ꓙꓵꓻ ꓔꓯ ꓝ ꓢꓲ ꓠꓬꓲ ꓒꓴ ꓪ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓗꓳ. ꓗꓷ ꓟ ꓘꓳꓼ ꓗꓪ ꓐꓰ ꓕꓲ ꓠꓬꓲ ꓘꓴꓽ ꓗꓪ ꓑ ꓫꓬ (500) ꓣꓳ ꓔꓯ ꓬꓲ. ꓒꓵꓽ ꓟꓽ ꓣꓴ ꓜ ꓓꓴ ꓖꓶ ꓜ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓙ‐ꓑ ꓞꓳ ꓫꓵꓽ ꓟꓬꓱꓺ ꓠꓬ ꓢ‐ꓛꓲ‐ꓗꓳ ꓟꓬꓱꓺ ꓔ ꓢꓴ ꓥ ꓢꓲ ꓠꓬꓲ ꓬꓲ. ꓞꓲꓼ ꓠꓬ 75 ꓘꓳꓼ ꓙꓳ ꓡꓰ ꓢꓴ ꓥ ꓡꓳ꓿

Add new comment

10 + 6 =