ꓙꓱ ꓦꓲ ꓞꓰ ꓡꓰ ꓟ ꓗꓪ ꓫꓵꓸꓹ ꓡꓰ ꓢꓴ ꓐꓴ ꓐꓱ ꓶ ꓪꓽ ꓘꓴ ꓖꓶ_ ꓟ ꓓꓳꓽ

ꓙꓱ ꓦꓲ ꓞꓰ ꓡꓰ ꓟ ꓗꓪ ꓫꓵꓸꓹ ꓡꓰ ꓢꓴ ꓐꓴ ꓐꓱ ꓶ ꓪꓽ ꓘꓴ ꓖꓶ_ ꓟ ꓓꓳꓽ

ꓮ-ꓒꓴꓸ ꓞꓳ ꓫꓵꓽ (7) ꓣꓳ ꓐꓰ ꓙꓸꓹ ꓫꓱꓽ ꓢꓴ ꓐꓴ ꓐꓰ ꓙꓱ ꓦꓲ ꓗꓪ ꓟꓬꓱꓽ ꓬꓰ ꓢꓴ (132) ꓣꓳ ꓫꓵꓸꓹ ꓡꓰ ꓢꓴ China Eastern ꓙꓱ ꓦꓲ ꓚꓱꓹ ꓗꓪ ꓐ ꓡꓰ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙꓵꓹ ꓔꓯ 3 ꓦ 27 ꓠꓬꓲ ꓕꓯ ꓬꓰ ꓖꓶ ꓗꓷꓳ=

3 ꓦ 21 ꓠꓬꓲ ꓕꓯ ꓗꓪ-ꓢꓲ ꓗꓴꓷꓼ ꓫꓴꓸꓹ ꓟꓵꓽ ꓡꓲ ꓛꓲ ꓕꓲꓽ ꓟꓵꓽ ꓗꓪ ꓞꓰ ꓡꓰ ꓟ ꓥ ꓡꓳ= ꓬꓰ ꓙ ꓢꓴ ꓐꓴ ꓙꓰ ꓢꓲ ꓧꓪ ꓥ ꓟꓲ ꓢꓯꓸ ꓔꓬ ꓢꓴ ꓕꓲꓽ ꓣꓳ ꓟꓲ ꓟꓽ ꓙꓳ ꓢꓰ ꓟ ꓥꓳ= ꓖꓳ ꓗꓪ ꓠꓬ ꓧꓶꓽ ꓟꓵꓽ ꓞꓳ ꓫꓵꓽ ꓐꓰ ꓮ-ꓒꓴꓸ ꓞꓳ ꓫꓵꓽ (7) ꓣꓳ ꓥ ꓟꓲ ꓐ ꓡꓰꓳ ꓐꓰ ꓮ-ꓒꓴꓸ ꓕꓳ ꓶ ꓐꓰ ꓡꓲꓽ ꓒꓰꓼ ꓜꓴ ꓚꓰꓸꓸ ꓜꓴ ꓗꓪ ꓐꓰ ꓓꓵꓽ ꓙ ꓫꓸ ꓙ ꓔꓬ ꓡꓳ ꓐꓰ ꓐꓯ ꓑꓶ ꓔ ꓡꓳ=

ꓙꓱ ꓦꓲ  Black box ꓕꓲꓽ ꓢꓶꓽ ꓔꓯ ꓠꓽ ꓢ ꓠꓬꓲ ꓕꓯ ꓟꓳ ꓡꓰ ꓢꓲ-ꓸ ꓠꓱ ꓸ ꓐꓯꓼ ꓕꓲꓽ ꓢꓶꓽ ꓔꓯ ꓠꓬ 27 ꓠꓬꓲ ꓕꓯ ꓟꓳ ꓡꓰ ꓟ ꓥꓳ= ꓙꓱ ꓦꓲ ꓮ ꓫꓵꓽ ꓑꓶ ꓓꓴ ꓞꓰ ꓡꓰ ꓟ ꓔꓯ ꓚꓲꓸ ꓚ ꓟꓳ ꓡ ꓥꓳ ꓐꓰ ꓧꓶꓽ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓓꓵꓽ ꓙ ꓔ ꓡꓳ=