ꓙꓲꓻ ꓫꓬ ꓢꓴ James ꓪꓽ ꓘꓴ ꓦꓲ ꓗꓪ ꓟ ꓢꓲ ꓤ ꓐꓴ ꓬꓰˍ ꓟ “ꓣꓱꓽ ꓞꓹ ꓠꓬ ꓣꓴ꓾ ꓟꓬꓽ ꓞꓹ ꓠꓬ ꓖꓶꓽ”

Yangon꓾ ꓓꓮꓪ-ꓑꓳ ꓡꓳ ꓒꓱ ꓗꓪ ꓙꓳˍ ꓟ ꓙꓲꓻ ꓫꓬ ꓢꓴ James ꓪꓽ ꓘꓴ ꓦꓲ ꓗꓪ ꓐꓰ ꓙꓵꓽ ꓔꓬ ꓟ ꓔꓲꓺ ꓒ ꓡꓰ ꓧꓳꓽ ꓣꓱꓽˍ ꓟ ꓗꓪ ꓐꓰ ꓘꓴ ꓜꓲ ꓞꓳ ꓢꓲꓺ ꓤ ꓐꓴ ꓡꓰ “ꓣꓱꓽ ꓞꓹ ꓠꓬ ꓣꓴ꓾ ꓟꓬꓽ ꓞꓹ ꓠꓬ ꓖꓶꓽ” ꓐꓯ ꓟ ꓔꓯ 4 ꓦ 11 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ ꓬꓰ ꓗꓷꓳ꓾ ꓐꓰ ꓢꓷꓸ ꓪ ꓡꓳ= ꓕꓱ ꓡꓱ “ꓣꓱꓽ ꓞꓹ ꓠꓬ ꓣꓴ꓾ ꓟꓬꓽ ꓞꓹ ꓠꓬ ꓖꓶꓽ” ꓬꓰˍ ꓟ ꓔꓯ 4 ꓦ (13) ꓠꓬꓲ ꓗꓪ ꓛꓲꓺ 3 ꓠꓬꓲ ꓬꓰˍ ꓟ ꓔꓯˍ ꓟꓲ ꓢꓷꓸ ꓪˍ ꓡꓳ=

4 ꓦ (11) ꓠꓬꓲ ꓕꓯ ꓥꓪꓸ꓾ꓜ ꓒꓴ꓾ ꓧꓪꓽ ꓞꓶ꓾ ꓞꓳ ꓢꓶꓽ ꓾

4 ꓦ (12) ꓠꓬꓲ ꓕꓯ ꓮꓸ-ꓭꓸ-ꓧꓪꓽ꓾ ꓜ ꓒꓴ꓾ ꓧꓪꓽ ꓞꓶ꓾ ꓞꓳ ꓢꓶꓽ꓾

4 ꓦ (13) ꓠꓬꓲ ꓕꓯ ꓠꓬ ꓮꓸ-ꓭꓸ-ꓩꓴ꓾ ꓜ ꓒꓴ꓾ ꓧꓪꓽ ꓞꓶ꓾ ꓞꓳ ꓢꓶꓽ ꓐꓴ ꓖꓶꓽˍ ꓥꓳ꓾ ꓐꓰ ꓢꓷꓸ ꓪ ꓡꓰꓳ=

ꓮ ꓟꓶ ꓡꓰ ꓐꓰ “ꓣꓱꓽ ꓞꓹ ꓠꓬ ꓣꓴ꓾ ꓟꓬꓽ ꓞꓹ ꓠꓬ ꓖꓶꓽ” ꓔꓯ ꓬꓰ ꓒꓬꓱꓼ ꓡ ꓗꓷ ꓟ ꓠꓬ “ ꓠꓱꓸ ꓐꓯꓼ ꓗꓪ ꓬꓰ ꓔꓬ ꓟ ꓔꓯ ꓥꓪ ꓟꓳˍ ꓡꓳ= ꓝꓮꓲ ꓥꓪ ꓠꓴꓽ ꓔꓬ ꓟ ꓕꓲ ꓚꓳꓺ ꓡꓳꓺ ꓗꓪˍ ꓟꓲ ꓟꓽ ꓙꓳ ꓢꓴ ꓮ ꓟꓬꓹ ꓙꓳˍ ꓟ ꓑꓶꓸ ꓓꓴ ꓕꓱ ꓡꓱ ꓬꓰ ꓡꓯ ꓐꓰ ꓢꓲꓺ ꓤ ꓐꓴ ꓔꓯ ꓐꓯ ꓖꓶˍ ꓕꓯ꓾ ꓬꓲ ꓪ ꓐꓴˍ ꓟꓲ ꓙꓳˍ ꓥꓳ꓾ ꓬꓰ ꓡꓯ ꓐꓰ ꓒꓳꓹ ꓖꓶ ꓡˍ ꓟ ꓪꓴꓸ ꓠꓬꓲ ꓬꓰ ꓒꓬꓱꓼ ꓡ ꓗꓷ ꓟ ꓥꓳ꓾” St.James ꓗꓪ ꓟ ꓔꓲꓺ ꓒ David ꓡꓰ RVA ꓔꓯ ꓐꓯ ꓖꓶ ꓡ ꓗꓷꓳ=

ꓕꓱ ꓡꓱ “ꓣꓱꓽ ꓞꓹ ꓠꓬ ꓣꓴ꓾ ꓟꓬꓽ ꓞꓹ ꓠꓬ ꓖꓶꓽ” ꓬꓰˍ ꓟ ꓔꓯ ꓓꓮꓪ-ꓑꓳ ꓡꓳ ꓒꓱ ꓗꓪ ꓙꓳˍ ꓟ St.James ꓪꓽ ꓘꓴ ꓦꓲ ꓕꓲ ꓚꓳꓺ ꓡꓳ ꓗꓪ ꓔꓬ ꓢꓴ ꓣꓱꓽ ꓬꓯꓼ ꓣꓱꓽ ꓞꓹ ꓢꓴ ꓮ ꓟˍ ꓟꓲ ꓣꓴ ꓐ ꓡˍ ꓟ ꓔꓯˍ ꓟꓲ ꓢꓷꓸ ꓪ ꓡꓰꓳ=

#ꓣꓱꓽ ꓞꓹ ꓠꓬ ꓣꓴ꓾ ꓟꓬꓽ ꓞꓹ ꓠꓬ ꓖꓶꓽ

#RVAMyanmar

#rvapastoralcare

#StJamesCatholicChurchYangon