ꓙꓲ-ꓢꓴ ꓢꓲ ꓤ ꓐꓴ ꓔꓯ ꓙꓳˍ ꓟ ꓮ ꓙꓵꓽ ꓔꓯ ꓡꓲꓸ ꓖꓶ ꓠꓹ ꓟ ꓐꓱ ꓶ Iraq ꓗꓴꓷꓼ ꓗꓪ ꓟ ꓪꓴꓸ ꓓꓵꓺ ꓣꓱꓽ ꓢꓴ ꓐꓴ ꓡꓰ ꓣꓱꓽ ꓬꓰ ꓪꓴꓸ ꓔꓴˍ ꓟ

ꓙꓲ-ꓢꓴ ꓢꓲ ꓤ ꓐꓴ ꓔꓯ ꓐꓰ ꓦꓴꓻ ꓔ ꓟ꓾ ꓫ ꓔ ꓟ ꓔꓯ ꓧꓪꓺ ꓟꓰꓹ ꓠꓹ ꓟ Sadrist ꓗꓴꓷꓼ ꓙꓵꓽ ꓜꓴꓻ ꓗꓪ ꓪꓴꓸ ꓓꓵꓺ ꓥ ꓟ Muqtada al Sadr ꓗꓪ ꓐꓰ ꓗꓳ-ꓟ-ꓔꓲ ꓕꓲ ꓟ ꓫꓬꓹ ꓔꓶ ꓗꓷꓳ= ꓬꓲꓸ ꓔꓶꓻ ꓙꓱꓼ ꓠꓬ ꓙꓲ-ꓢꓴ ꓢꓲ ꓤ ꓐꓴ ꓐꓱ ꓶ ꓬꓲ ꓪ ꓐꓴ ꓪ ꓙꓵꓽ ꓪꓽ ꓔꓯ ꓝꓮꓲ ꓕꓲ ꓧꓪꓹ ꓫꓬꓹ ꓔꓱꓹ ꓠꓹ ꓟ ꓐꓰ ꓬꓲ ꓪ ꓐꓴ ꓔꓯ ꓙꓳˍ ꓟ ꓮ ꓙꓵꓽ ꓦꓴꓻˍ ꓟ ꓔꓯ ꓠꓽ ꓗꓷ ꓠꓹ ꓟ ꓥ ꓡꓳ=

ꓠꓲ-ꓠ-ꓪꓱ ꓓꓰꓺ ꓟꓵꓽ ꓐꓰ Mosul ꓟꓵꓽ ꓔꓯ Islam ꓐꓴ ꓟꓵꓽ ꓬꓰ ꓠꓹ ꓟ ꓐꓱ ꓶ ꓖꓳ ꓗꓪ ꓔꓬ ꓟ ꓙꓲ-ꓢꓴ ꓢꓲ ꓤ ꓐꓴ ꓔꓯ ꓖꓼ ꓓꓳ ꓗꓷ ꓟ ꓪꓴꓸ ꓠꓬꓲ꓾ ꓙꓲ-ꓢꓴ ꓢꓲ ꓤ ꓐꓴ ꓠꓬ ꓬꓲ ꓪ ꓔꓯ ꓙꓳˍ ꓟ ꓮ ꓙꓵꓽ ꓔꓯ ꓡꓳꓺ ꓔ ꓢꓲ ꓙꓰ ꓪ ꓡꓰꓳ=

Muqtada al Sadr ꓡꓰ ꓗꓳ-ꓟ-ꓔꓲ ꓗꓪ ꓟꓳꓸ ꓖꓶ ꓢꓲ ꓓꓰꓽˍ ꓟ ꓗꓪ ꓠꓬ ꓗꓳꓸ ꓡꓳꓹ ꓬꓰ ꓗꓷ ꓟ ꓦꓬꓼ ꓠꓬꓲ ꓕꓯ ꓚꓲꓸ ꓛꓬ ꓦꓲꓻ ꓐꓰ ꓔꓬ ꓟꓵꓽ ꓔꓯ ꓡꓳꓺ ꓔꓲ ꓬꓰ ꓗꓷ ꓪ ꓡꓰ ꓟ ꓙꓲ-ꓢꓴ ꓢꓲ ꓤ ꓐꓴ ꓐꓱ ꓶˍ ꓟꓲ ꓐˍ ꓡꓳ= ꓙꓲ-ꓢꓴ ꓢꓲ ꓤ ꓐꓴ ꓔꓯ ꓙꓳˍ ꓟ ꓟꓵꓽ ꓐꓰ ꓖꓴ ꓙꓴꓽ ꓔꓯ ꓦꓴꓻ ꓗꓷ꓾ ꓫ ꓗꓷ ꓔ ꓟ ꓔꓯ ꓟꓳꓸ ꓗꓳ-ꓟ-ꓔ ꓗꓪ ꓟꓸ ꓖꓶˍ ꓟ ꓠꓬ ꓚꓳꓺ ꓛꓲ ꓡˍ ꓟ ꓘꓳꓼ Muslim ꓐꓴ ꓜ ꓝꓲꓸ ꓝꓲˍ ꓟ ꓦ ꓐ ꓡꓳꓹ ꓬꓰˍ ꓟ ꓠꓬꓲ ꓗꓪ ꓟꓳꓸ ꓖꓶ ꓠꓹ ꓟ ꓥꓳ꓾ ꓐꓰ ꓐꓯ ꓔ ꓡꓳ=

Photo courtesy of: Haidar HAMDANI | AFP

https://bit.ly/38vNMtp