ꓙꓲ-ꓢꓴ ꓢꓲ ꓤ ꓤꓶꓻ ꓐꓰ ꓑꓶꓸ ꓑꓶꓸ ꓡꓰ ꓢꓷꓸ ꓙ ꓟꓳ ꓙ ꓐꓰ ꓔꓲꓺ ꓒ ꓪ ꓔꓲ ꓡꓰ ꓞꓳ ꓡꓱ ꓤ ꓐꓴ ꓔꓯ ꓢꓯꓼ ꓖꓶ_ ꓟ ꓓꓳꓽ

ꓙꓲ-ꓢꓴ ꓢꓲ ꓤ ꓤꓶꓻ ꓐꓰ ꓑꓶꓸ ꓑꓶꓸ ꓡꓰ ꓢꓷꓸ ꓙ ꓟꓳ ꓙ ꓐꓰ ꓔꓲꓺ ꓒ ꓪ ꓔꓲ ꓡꓰ ꓞꓳ ꓡꓱ ꓤ ꓐꓴ ꓔꓯ ꓢꓯꓼ ꓖꓶ_ ꓟ ꓓꓳꓽ

ꓙꓲ-ꓢꓴ ꓢꓲ ꓤ ꓤꓶꓻ ꓐꓰ ꓑꓶꓸ ꓑꓶꓸ ꓡꓰ ꓢꓷꓸ ꓙ ꓟꓳ ꓙ ꓐꓰ ꓔꓲꓺ ꓒ ꓪ ꓔꓲ ꓡꓰ ꓞꓳ ꓡꓱ ꓤ ꓐꓴ ꓔꓯ ꓢꓯꓼ ꓖꓶ_ ꓟ꓾

3 ꓦ 4 ꓠꓬꓲ ꓠꓽ ꓛꓳꓼ ꓠꓬꓲ ꓕꓯ ꓔꓲꓺ ꓒ ꓪ ꓔꓲ ꓡꓰ Londonꓹ OVO Arena Wembley ꓗꓪ ꓬꓰ_ ꓟ the 5th CYMFed Flame Congress ꓗꓪ ꓜꓲꓼ ꓡ ꓢꓴ ꓞꓳ ꓡꓱ ꓤ ꓐꓴ ꓔꓯ ꓟꓽ ꓫꓱꓹ ꓡꓯꓼ ꓘꓳ ꓓꓴ ꓙꓳ ꓥ ꓟꓲ ꓬꓰ-ꓢꓴ ꓟꓬꓱꓺ ꓗꓪ ꓐꓰ ꓬꓲꓼ ꓠꓬꓲ ꓤ ꓠꓵ ꓠꓲꓹ ꓐꓰ ꓙꓻ ꓫꓱꓽ ꓐꓰ ꓞꓳ ꓡꓱ ꓤ ꓐꓴ ꓔꓯ ꓢꓯꓼ ꓖꓶ_ ꓡꓳ=

England ꓐꓰ Wales ꓗꓴꓷꓼ ꓗꓪ ꓐꓰ ꓗ-ꓕꓳ-ꓡꓲꓗ ꓞꓳ ꓡꓱ ꓤ ꓐꓴ London, OVO Arena Wembley ꓗꓪ ꓖꓳ ꓕꓲ ꓠꓬꓲ ꓕꓯ ꓬꓰ_ ꓟ “Flame Congress” ꓗꓪ ꓞꓳ ꓡꓱ ꓤ ꓮ ꓟꓬꓹ ꓜꓲꓼ ꓡꓳ ꓐꓰ ꓢꓷꓸ ꓪ ꓡꓳ= ꓕꓱ Congress ꓔꓯ ꓠꓬ Portugal꓾ Lisbon ꓗꓪ 8 ꓦ 1 ꓠꓬꓲ ꓗꓪ ꓐꓰ 6 ꓗꓪ ꓛꓲ ꓬꓰ ꓠꓹ ꓟ 37 ꓧꓪꓹ ꓟ ꓟꓵꓽ ꓗꓳ ꓓꓵ ꓓꓵ ꓞꓳ ꓡꓱ ꓤ ꓦꓬꓼ ꓠꓬꓲ 150 ꓠꓬꓲ ꓟꓽ ꓛꓲ ꓢꓲ ꓟꓲ ꓕꓯ ꓜꓲꓼ ꓟ ꓥ ꓡꓳ=

“Rise Up!” ꓐꓰ ꓬꓲꓸ ꓕꓲ ꓟꓴ ꓐꓰ ꓥ ꓡꓳ= ꓡꓴ-ꓘ 1ꓽ39 ꓗꓪ ꓟ-ꓡꓲ ꓠꓬ ꓞꓼ ꓐꓰ ꓙꓰ_ ꓡꓳ=

ꓗ-ꓕꓳ-ꓡꓲꓗ ꓞꓳ ꓡꓱ ꓤ ꓐꓴ ꓐꓰ ꓦ ꓕꓲ ꓒꓳꓹ ꓗꓪ ꓐꓰ ꓠꓶꓽ ꓞ ꓢꓲ ꓔꓬ ꓟ ꓔꓯ ꓔꓲꓺ ꓒ ꓪ ꓔꓲ ꓐꓯ ꓔ ꓢꓲ꓾ ꓪꓴ-ꓢ ꓡꓰ ꓮ ꓕꓯ ꓥ ꓟꓲ ꓶ ꓤ ꓫꓱꓸ ꓤ ꓖꓶ ꓝꓲ ꓐꓰ ꓪꓽ ꓘꓴ ꓶ ꓥꓳ ꓙꓱ ꓖꓶ_ ꓡꓳ=

ꓟꓽ ꓪ ꓡꓯꓼ ꓘꓳ ꓟꓽ ꓫꓱꓹ ꓡꓯ ꓘꓳ ꓓꓴ ꓔꓯ ꓘꓳꓹ ꓣꓴ ꓢꓲ꓾ ꓪꓽ ꓘꓴ ꓚꓱꓹ꓾ ꓢꓲ ꓡꓲꓹ ꓚꓱꓹ꓾ ꓫꓸ ꓢꓴ ꓟꓷꓼ ꓢꓴ ꓔꓯ ꓠꓲꓹ ꓠꓵ ꓚꓱꓹ꓾ ꓟꓲ ꓠꓯ ꓞꓳ ꓙꓳ ꓢꓯꓸ ꓔꓬ ꓟ ꓠꓲꓹ ꓟ ꓐꓰ ꓬꓰ ꓙ ꓔꓳꓹ ꓙ_ ꓟ꓾ ꓜꓲ ꓘꓴ ꓠꓲꓹ ꓟ ꓙꓳ_ ꓟ꓾ ꓔꓱ_ ꓟ ꓚꓱꓹ꓾ ꓝꓴꓲ ꓖꓽ ꓖꓶ_ ꓟ ꓕꓱ ꓡꓱ ꓮ ꓘꓶꓸ ꓡꓳꓸ ꓐꓲ_ ꓟ ꓠꓲꓹ ꓟ ꓔꓯ ꓟꓵꓽ ꓗꓳ ꓓꓵ ꓓꓵ ꓗꓪ ꓑꓶꓸ ꓑꓶꓸ ꓡꓰ ꓢꓷꓸ ꓙ ꓟꓳ ꓙ ꓓꓴ ꓬꓰ ꓡꓯ꓾ ꓐꓰ ꓔꓲꓺ ꓒ ꓪ ꓔꓲ ꓡꓰ ꓞꓳ ꓡꓱ ꓤ ꓐꓴ ꓔꓯ ꓢꓯꓼ ꓖꓶ ꓪ ꓖꓶ_ ꓡꓳ=

ꓬꓲꓸ ꓟꓶꓽ ꓗꓪ ꓐꓰ ꓬꓰ-ꓢꓴ ꓢꓷꓸ ꓠꓲꓹ ꓙ ꓜꓲꓼ ꓠꓲꓹ꓾ ꓗꓹ ꓛꓲ ꓟ ꓐꓰ ꓢꓲ ꓡꓲꓹ ꓟ ꓠꓬ ꓗ-ꓕꓳ-ꓡꓲꓗ ꓞꓳ ꓡꓱ ꓤ ꓐꓴ ꓐꓰ ꓕꓲ ꓪꓼ ꓔꓬ ꓟꓶ ꓝꓲ ꓐꓰ ꓪꓽ ꓘꓴ ꓶꓽ ꓥꓳ ꓙꓱ ꓖꓶ_ ꓡꓳ=

Add new comment

3 + 5 =