ꓚꓮꓣꓓꓲꓠꓮꓡ ꓚꓧꓮꓡꓰꓢ ꓐꓳ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬ ꓟꓲ‐ꓚꓲ‐ꓠ ꓡꓳ ꓒꓱ ꓢꓔ. ꓚꓳꓡꓴꓐꓮꓠ ꓪꓽ ꓘꓴ ꓦꓲꓻ ꓗꓪ ꓢꓯ. ꓬꓲꓼ ꓡ ꓟ ꓑꓮꓲ ꓔꓯ ꓬꓰ ꓗꓷ ꓟ (Church news)

#Cardinal Charles Bo #St.columban #Aung Nan #Myitkyina Diocese

Monday, April 01, 2024

ꓚꓮꓣꓓꓲꓠꓮꓡ ꓚꓧꓮꓡꓰꓢ ꓐꓳ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬ ꓟꓲ‐ꓚꓲ‐ꓠ ꓡꓳ ꓒꓱ ꓢꓔ. ꓚꓳꓡꓴꓐꓮꓠ ꓪꓽ ꓘꓴ ꓦꓲꓻ ꓗꓪ ꓢꓯ. ꓬꓲꓼ ꓡ ꓟ ꓑꓮꓲ ꓔꓯ ꓬꓰ ꓗꓷ ꓟ

3 ꓦ ꓟ 20 ꓠꓬꓲ 2024 ꓘꓳꓼ ꓟꓶꓼ ꓘꓶꓼ 6 ꓙꓵ, ꓕꓯ ꓔꓲꓺ ꓒ ꓓꓽ ꓚꓮꓣꓓꓲꓠꓮꓡ ꓚꓧꓮꓡꓰꓢ ꓐꓳ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓟꓲ‐ꓚꓲ‐ꓠ ꓡꓳ ꓒꓱ ꓢꓔ. ꓚꓳꓡꓴꓟꓐꓮꓠ ꓪꓽ ꓘꓴ ꓦꓲꓻ ꓗꓪ ꓢꓯ. ꓬꓲꓼ ꓡ ꓟ ꓑꓮꓲ ꓔꓯ ꓗ, ꓛꓲ ꓛꓲ ꓡꓰ ꓬꓰ ꓪ ꓡꓰꓳ꓿ ꓝꓮꓲ ꓔꓲꓺ ꓒ ꓓꓽ ꓚꓮꓣꓓꓲꓠꓮꓡ ꓡꓰ ꓐꓯ ꓔ ꓟ ꓠꓬ ꓕꓱ ꓢꓲꓽ ꓫꓬ ꓟ ꓠꓽ ꓛꓳꓽ ꓠꓬꓲ ꓠꓬ ꓚꓬꓴ ꓢꓲꓺ ꓒ ꓬꓰ‐ꓢꓴ ꓙꓲ‐ꓢꓴ ꓫꓵꓻ ꓟ ꓗꓪ ꓐꓰ ꓢꓯ. ꓬꓲꓼ ꓡ ꓟ ꓑꓮꓲ ꓥ ꓢꓲ ꓢꓲꓽ ꓫꓬ ꓟ ꓛꓳꓽ ꓠꓬꓲ ꓠꓬ ꓠꓬꓲ ꓟꓳ ꓓꓴ ꓦꓬꓼ ꓠꓬꓲ ꓟꓲ ꓥ ꓡꓳ ꓐꓰ ꓐꓯ ꓟ ꓥ ꓡꓳ꓿

ꓢꓯ. ꓬꓲꓼ ꓡ ꓟ ꓟꓶꓼ ꓘꓶꓼ ꓟꓲ‐ꓢ ꓬꓰ ꓟ ꓙꓵ, ꓕꓯ ꓢꓲꓽ ꓫꓬ ꓬꓲꓻ ꓙꓬ ꓔꓯ ꓶꓻ ꓥꓳꓽ ꓙꓱ ꓟ (ꓚꓮꓠꓓꓰꓡꓢ) ꓔꓯ ꓶꓻ ꓥꓳꓽ ꓙꓱ ꓟ ꓔꓯ ꓬꓰ ꓟ ꓥ ꓡꓳ꓿

ꓔꓲꓺ ꓒ ꓓꓽ ꓚꓮꓣꓓꓲꓠꓮꓡ ꓡꓰ ꓟ. ꓟꓲꓽ ꓚꓺ ꓟ ꓗꓪ ꓮ ꓟꓶ ꓟ ꓙꓵ, ꓗꓪ ꓟꓬ‐ꓟ ꓗꓴꓷꓼ ꓗꓪ ꓠꓲ, ꓫ ꓟꓬ, ꓫ. ꓟ ꓮ ꓟꓬ, ꓛꓲ ꓔꓳ, ꓜꓳ ꓔꓬ ꓟ ꓙꓵ, ꓕꓯ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓚꓬꓴ ꓢꓲꓺ ꓒ ꓬꓰ‐ꓢꓴ ꓙꓲ‐ꓢꓴ ꓢꓯ. ꓬꓲꓼ ꓡ ꓟ ꓑꓮꓲꓽ ꓔꓯ ꓬꓰ ꓔꓬ ꓟ ꓟꓲ ꓥ ꓡꓳ꓿ ꓟꓬ‐ꓟ ꓗꓴꓷꓼ ꓢꓲ ꓡꓲ ꓟꓶ ꓠ, ꓟ ꓮ ꓟꓬ, ꓪꓽ ꓘꓴ ꓠ, ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓢꓯꓼ ꓖꓶ ꓗꓷꓳ꓿

ꓪꓴ‐ꓢ ꓠꓯ, ꓗꓪ ꓣꓳ ꓶꓻ ꓓꓰꓽ ꓪꓽ ꓘꓴ ꓠꓬ ꓣꓳ ꓗꓴꓷꓼ ꓢꓲ ꓡꓲ ꓟꓶ ꓠ, ꓟ ꓪꓴ‐ꓢ ꓡꓰ ꓖꓶ ꓡ ꓟ ꓚꓱ, ꓔꓯ ꓢꓯꓼ ꓖꓶ ꓗꓷꓳ꓿ ꓝꓮꓲ ꓚꓮꓣꓓꓲꓠꓮꓡ ꓠꓬ ꓢꓲꓽ ꓫꓬ ꓦꓲꓻ ꓠꓬ ꓕꓯ ꓥ ꓟꓲ ꓑ‐ꓡ‐ꓠ ꓟꓯꓼ ꓘꓰ ꓟꓬ, ꓑꓬ ꓢꓴ ꓐꓴ ꓔꓬ ꓟ ꓗꓪ ꓙꓰ ꓢꓲ ꓠꓬꓲ ꓢꓯ. ꓬꓲꓼ ꓡ ꓟ ꓑꓮꓲ ꓔꓯ ꓬꓰ ꓢꓲ ꓠꓬꓲ ꓕꓱ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓠꓲ, ꓟ ꓟꓽ ꓐꓬ ꓐꓬ ꓪꓽ ꓘꓴ ꓠ, ꓟ ꓢꓯꓼ ꓖꓶ ꓗꓷꓳ ꓐꓰ ꓣꓦꓮ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿