ꓛ‐ꓖꓳ ꓟꓵꓽ ꓘꓳ‐ꓡ‐ꓒꓶ ꓟꓵꓽ ꓗꓪ ꓟꓳ‐ꓓꓳ ꓙ ꓖꓴ ꓟꓵꓽ ꓡꓶꓽ ꓔꓲ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓜ ꓓꓴ ꓓꓳ ꓓꓴ ꓫ. ꓔꓬ ꓟ ꓓꓳꓽ (local news)

ꓛ‐ꓖꓳ ꓟꓵꓽ ꓘꓳ‐ꓡ‐ꓒꓶ ꓟꓵꓽ ꓗꓪ ꓟꓳ‐ꓓꓳ ꓙ ꓖꓴ ꓟꓵꓽ ꓡꓶꓽ ꓔꓲ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓜ ꓓꓴ ꓓꓳ ꓓꓴ ꓫ. ꓔꓬ ꓟ ꓓꓳꓽ

4 ꓦ ꓟ 4 ꓠꓬꓲ 2024 ꓘꓳꓼ ꓕꓯ ꓛ‐ꓖꓳ ꓟꓵꓽ ꓘꓳ‐ꓡ‐ꓒꓶ ꓟꓵꓽ ꓗꓪ ꓟꓲ ꓦ ꓮ ꓟꓬ, ꓦ ꓡ  ꓢꓲ ꓠꓬꓲ ꓟꓳ‐ꓓꓳ ꓙ ꓖꓴ ꓟꓵꓽ ꓡꓶꓽ ꓔꓲ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓜ ꓓꓴ ꓓꓳ ꓓꓴ ꓮ ꓘꓶ. ꓫ. ꓔꓬ ꓡꓳ ꓐꓰ ꓢꓷ. ꓪ ꓡꓳ꓿

ꓕꓱ ꓡꓰ ꓗꓷ ꓡꓰ ꓟ ꓠꓬ 4 ꓦ ꓟ 1 ꓠꓬꓲ ꓗꓪ ꓐꓰ  ꓡꓯ‐ꓓꓯ ꓐꓰ ꓘꓳ‐ꓡ‐ꓒꓶ ꓗꓪ ꓙꓰ ꓟ ꓙ ꓖꓴ ꓗꓪ ꓟꓳ‐ꓓꓳ ꓙ ꓖꓴ ꓟꓵꓽ ꓡꓶꓽ ꓔꓲ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓟꓵꓽ ꓡꓶꓽ ꓔꓲ ꓔꓬ ꓟ ꓪꓴ. ꓠꓬꓲ ꓟꓳ‐ꓔꓳ ꓢꓮꓲ‐ꓗꓰ ꓗꓪ ꓐꓰ ꓥ ꓟꓲ ꓙꓰ ꓟꓽ ꓙꓲ ꓐꓰ ꓐꓯ ꓔ ꓡꓳ꓿ ꓖꓳ ꓡꓰ ꓥ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓙ ꓖꓴ ꓙ ꓢꓴ ꓐꓴ ꓮ ꓘꓶ. ꓫ. ꓔꓬ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓛꓬ‐ꓖꓳ ꓟꓵꓽ ꓗꓪ ꓠꓬ ꓞ‐ꓗꓳ ꓮ ꓘꓶ. ꓔꓶ ꓟ ꓟꓵꓽ ꓥ ꓢꓲ ꓠꓬꓲ ꓑꓴꓔꓮꓳ ꓡꓳ ꓒꓱ ꓗꓪ ꓐꓰ ꓶꓻ ꓤ ꓗꓪ ꓙꓳˍ ꓟ ꓟꓵꓽ ꓥ ꓡꓳ꓿ ꓟꓳ‐ꓓꓳ ꓙ ꓖꓴ ꓟꓵꓽ ꓡꓶꓽ ꓔꓲ ꓔꓬ ꓟ ꓔꓯ ꓑ ꓫꓬ ꓐꓴ ꓡꓰ ꓞꓽ ꓞꓽ ꓫꓬ, ꓖꓶ ꓡ ꓠ, ꓟ ꓠꓲ, ꓟ ꓐꓰ ꓕꓱ ꓡꓰ ꓟꓽ ꓫꓬ, ꓖꓶ ꓠꓬ ꓑ ꓫꓬ ꓐꓴ ꓜ ꓓꓴ ꓓꓳ ꓓꓴ ꓕꓲ ꓡꓰ ꓕꓲ  ꓠꓬꓲ ꓮ ꓘꓶ. ꓫ. ꓡ ꓓꓴ ꓙꓳˍ ꓡꓳ ꓐꓰ (ꓔꓧꓰ 74 ꓟꓰꓓꓲꓮ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿