ꓛꓬ‐ꓖꓳ ꓟꓵꓽ ꓘꓳ‐ꓡ‐ꓑꓶ ꓟꓵꓽ ꓗꓪ ꓙꓰ ꓟ ꓟꓳ‐ꓓꓳ ꓙ ꓖꓴ ꓟꓵꓽ ꓡꓶꓽ ꓔꓶ ꓔꓬ ꓟ ꓓꓳꓽ

ꓛꓬ‐ꓖꓳ ꓟꓵꓽ ꓘꓳ‐ꓡ‐ꓑꓶ ꓟꓵꓽ ꓗꓪ ꓙꓰ ꓟ ꓟꓳ‐ꓓꓳ ꓙ ꓖꓴ ꓟꓵꓽ ꓡꓶꓽ ꓔꓶ ꓔꓬ ꓟ ꓓꓳꓽ

5 ꓦ ꓟ 19 ꓠꓬꓲ 2024 ꓘꓳꓼ ꓕꓯ ꓛꓬ‐ꓖꓳ ꓟꓵꓽ ꓘꓳ‐ꓡ‐ꓑꓶ ꓟꓵꓽ ꓗꓪ ꓟꓳ ꓓꓳ ꓙ ꓖꓴ ꓟꓵꓽ ꓡꓶꓽ ꓔꓶ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓡꓰ ꓗꓷ ꓡꓰ ꓟ ꓠꓬ ꓛꓬ‐ꓖꓳ ꓟꓵꓽ ꓗꓪ 5 ꓦ ꓘꓴꓽ ꓠꓯ, ꓗꓪ ꓟꓲ ꓦꓲ ꓮ ꓟꓬ ꓦ ꓡ ꓟ ꓪꓴ. ꓠꓬꓲ ꓟꓳ‐ꓓꓳ ꓙ ꓖꓴ ꓟꓵꓽ ꓡꓶꓽ ꓔꓶ ꓔꓬ ꓟ ꓥ ꓡꓳ꓿ ꓕꓱ ꓟꓵꓽ ꓡꓶꓽ ꓔꓶ ꓔꓬ ꓟ ꓬꓲ ꓔꓶ. ꓠꓬ ꓡꓯ‐ꓓꓯ ꓞꓳ ꓘ, ꓐꓰ ꓘꓳ‐ꓡ‐ꓑꓶ ꓡꓳ ꓒꓱ ꓠꓬꓲ ꓗꓴ. ꓚˍ ꓗꓪ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓛꓬ ꓖꓳ ꓟꓵꓽ ꓗꓪ ꓐꓰ ꓖ‐ꓟꓶ‐ꓓꓰ ꓑꓴꓔꓮꓳ ꓟꓵꓽ ꓗꓪ ꓙꓰ ꓢꓴ ꓐꓴ ꓡꓯ‐ꓓꓯ ꓞꓳ ꓘ, ꓗꓪ ꓐꓰ ꓙ ꓖꓴ ꓫꓱ, ꓝꓮꓲ ꓢꓮꓲ‐ꓗꓰ ꓗꓪ ꓐꓰ ꓙꓰ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓮ ꓟꓶ ꓟ ꓙꓵ, ꓗꓪ ꓛꓬ‐ꓖꓳ ꓟꓵꓽ ꓗꓪ ꓐꓰ ꓟꓳ‐ꓓꓳ ꓙ ꓖꓴ ꓟꓽ ꓙꓲ ꓝꓮꓲ ꓶ ꓤ ꓐꓴ ꓠꓬ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓓꓯˍ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓜ ꓓꓴ ꓓꓳ ꓓꓴ ꓮ ꓘꓶ. ꓫ. ꓔꓬ ꓡꓳ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓡꓰ ꓟꓳ ꓓꓳ ꓙ ꓖꓴ ꓔꓯ ꓞ ꓞ  ꓫꓬ, ꓖꓶ ꓡ ꓠ, ꓟ ꓠꓲ, ꓫꓵˍ ꓡꓳ ꓐꓰ  ꓐꓯ ꓔ ꓡꓳ꓿