Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓛꓲ‐ꓒꓪꓲ ꓡꓳ ꓒꓱ ꓗꓪ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓪꓴ‐ꓢ ꓟꓬꓱꓽ ꓟꓯꓻ ꓢꓴ ꓟ. ꓒ ꓟ. ꓟ 10 ꓣꓳ ꓔꓯ 25 ꓘꓳꓼ ꓐꓲˍ ꓟ ꓙꓴ‐ꓐꓲ‐ꓡꓲ ꓑꓮꓲꓽ ꓬꓰ ꓖꓶ ꓠ, ꓟ ꓙꓽ ꓖꓶ ꓔꓬ ꓟ
Wednesday, December 14, 2022
12 ꓦ ꓟ 19 ꓠꓬꓲ ꓗꓪ ꓐꓰ 20 ꓠꓬꓲ 2022 ꓘꓳꓼ ꓕꓯ ꓛꓲ‐ꓒꓪꓲ ꓡꓳ ꓒꓱ ꓗꓪ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓛꓲ ꓡ ꓟ 25 ꓘꓳꓼ ꓐꓲ ꓙꓴ‐ꓐꓲ‐ꓡꓲ ꓑꓮꓲ ꓔꓯ ꓬꓰ ꓓꓴ ꓥꓳ ꓐꓰ ꓐꓯ ꓔ ꓡꓳ꓿
ꓕꓱ ꓙꓴ‐ꓐꓲ‐ꓡꓲ ꓑꓮꓲ ꓓꓽ ꓟ ꓗꓪ ꓪꓽ ꓘꓴ ꓦꓲꓻ ꓫꓵꓼ ꓔꓯ ꓶꓽ ꓥꓳ ꓙꓱꓽˍ ꓟ ꓐꓰ ꓟ. ꓒꓽ ꓟ. ꓟ ꓐꓴ (10) ꓣꓳ ꓔꓯ ꓪꓴ‐ꓢ ꓟꓬꓱꓽ ꓟꓯꓻ ꓗꓷ ꓟ (25) ꓘꓳꓼ ꓐꓲ ꓙꓴ‐ꓐꓲ‐ꓡꓲ ꓑꓮꓲ ꓬꓰ ꓖꓶ ꓓꓴ ꓥ ꓡꓳ ꓐꓰ ꓢꓷ. ꓪ ꓡꓳ꓿
ꓛꓲ‐ꓒꓪꓲ ꓡꓳ ꓒꓱ ꓗꓪ ꓪꓴ‐ꓢ ꓟꓬꓱꓽ ꓟꓯꓻ ꓔꓬ ꓟ ꓠꓬ ꓔꓲꓺ ꓒ PETER UNGSAU TANG GUN ꓥ ꓡꓳ꓿ ꓔꓲꓺ ꓒ ꓑꓰꓔꓰꓣ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓛꓲ‐ꓒꓪꓲ ꓡꓳ ꓒꓱ ꓗꓪ ꓙꓴ‐ꓐꓲ‐ꓡꓲ ꓑꓮꓲ ꓓꓽ ꓟ ꓬꓰ ꓠ, ꓟ ꓙ ꓖꓶ ꓔꓬ ꓟ ꓥ ꓡꓳ꓿
ꓕꓱ ꓙꓴ‐ꓐꓲ‐ꓡꓲ ꓑꓮꓲ ꓓꓽ ꓟ ꓗꓪ ꓟꓬ‐ꓟ ꓗꓴꓷꓼ ꓗꓪ ꓐꓰ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓪꓴꓽ ꓡꓳ, ꓬꓰ ꓟ ꓔꓲꓺ ꓒ ꓓꓽ CARDINAL Charles Bo ꓥ ꓟꓲ ꓡ ꓓꓴ ꓥꓳ ꓐꓰ ꓢꓷ. ꓪ ꓡꓳ꓿ ꓕꓲ ꓟꓵꓽ ꓡꓰ ꓕꓲ ꓟꓵꓽ ꓗꓪ ꓔꓬ ꓟ ꓬꓲ ꓤ ꓠꓬꓲ ꓤ ꓐꓴ ꓥ ꓟꓲ ꓙꓴ‐ꓐꓲ‐ꓡꓲ ꓑꓮꓲ ꓓꓽ ꓟ ꓗꓪ ꓔ ꓡ ꓠ, ꓟ ꓔꓲꓺ ꓒ ꓑꓰꓔꓰꓣ ꓡꓰ ꓘꓴ ꓔ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿
Add new comment