Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓝꓴꓲꓸ ꓟꓽ ꓙꓳ꓾ ꓟꓬꓱꓽ ꓠꓽ ꓗꓷ ꓪ ꓡꓰ ꓟ ꓟꓬ-ꓟ ꓟꓳꓴ ꓟꓬꓱꓽ ꓬꓰ ꓢꓴ ꓕꓲꓽ ꓔꓴꓺ ꓣꓳ ꓟꓽ ꓞꓲꓺ ꓘꓴꓽ ꓗꓪ ꓐꓰ ꓥꓪꓽ ꓞꓲꓺ ꓣꓳ ꓟꓽ ꓞꓲꓺ ꓟꓬꓱꓽ ꓪ ꓡꓰꓳ
ꓝꓴꓲꓸ ꓟꓽ ꓙꓳ꓾ ꓟꓬꓱꓽ ꓠꓽ ꓗꓷ ꓪ ꓡꓰ ꓟ ꓟꓬ-ꓟ ꓟꓳꓴ ꓟꓬꓱꓽ ꓬꓰ ꓢꓴ ꓕꓲꓽ ꓔꓴꓺ ꓣꓳ ꓟꓽ ꓞꓲꓺ ꓘꓴꓽ ꓗꓪ ꓐꓰ ꓥꓪꓽ ꓞꓲꓺ ꓣꓳ ꓟꓽ ꓞꓲꓺ ꓟꓬꓱꓽ ꓪ ꓡꓰꓳWednesday, April 05, 2023
ꓝꓴꓲꓸ ꓟꓽ ꓙꓳ꓾ ꓟꓬꓱꓽ ꓠꓽ ꓗꓷ ꓪ ꓡꓰ ꓟ ꓟꓬ-ꓟ ꓟꓳꓴ ꓟꓬꓱꓽ ꓬꓰ ꓢꓴ ꓕꓲꓽ ꓔꓴꓺ ꓣꓳ ꓟꓽ ꓞꓲꓺ ꓘꓴꓽ ꓗꓪ ꓐꓰ ꓥꓪꓽ ꓞꓲꓺ ꓣꓳ ꓟꓽ ꓞꓲꓺ ꓟꓬꓱꓽ ꓪ ꓡꓰꓳ
ꓕꓮꓲꓹ ꓟꓵꓽ ꓗꓪ ꓟꓬꓱꓽ ꓗꓪ ꓐꓰ ꓠꓽ ꓗꓷ ꓪ ꓡꓰ ꓟ ꓟꓬ-ꓟ ꓟꓳꓴ ꓟꓬꓱꓽ ꓬꓰ ꓢꓴ 1060 ꓣꓳ ꓘꓴꓽ ꓗꓪ 50 ꓣꓳ ꓟꓽ ꓞꓲꓺ ꓟꓬꓱꓽ ꓟꓶ ꓡꓰꓳ꓾ ꓐꓰ ꓕꓮꓲꓹ ꓗꓴꓷꓼ ꓗꓪ ꓛꓲꓺ ꓬꓰ ꓟ ꓟꓬ-ꓟ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓬꓰ ꓙ ꓖꓶ ꓔꓬ ꓟ ꓟꓧꓮꓚ ꓜꓴꓻ ꓗꓪ ꓐꓰ꓾ ꓢꓷꓸ ꓪ ꓡꓳ=
ꓗꓳꓸ ꓗꓷ ꓟ ꓠꓬꓲꓽ ꓢꓽ ꓠꓬꓲ ꓕꓯ ꓕꓮꓲꓹ ꓗꓴꓷꓼ ꓟ-ꓦ-ꓛꓮꓲ ꓡꓳ ꓒꓱ꓾ ꓘꓯ-ꓗꓴꓠꓹ ꓟꓬꓱꓽ ꓬꓰ ꓖꓴ ꓗꓪ ꓟꓬꓱꓽ ꓬꓰ ꓔꓬ ꓟ ꓟꓬ-ꓟ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓮ ꓫꓵꓽ ꓢꓷꓸ ꓝꓲ ꓟ ꓟꓽ ꓙꓳ ꓙꓳ꓾ ꓝꓴꓲꓸ ꓟꓽ ꓙꓳ ꓙꓳ ꓟꓬꓱꓽ ꓗꓪ ꓐꓰ ꓠꓽ ꓗꓷ ꓝꓲ ꓟ ꓥ ꓢꓲ꓾ ꓮ ꓟꓶ ꓗꓪ ꓠꓬ ꓟꓬꓱꓽ ꓠꓽ ꓗꓷ ꓪ ꓡꓰ ꓢꓴ ꓐꓴ ꓘꓴꓽ ꓗꓪ ꓐꓰ 50 ꓣꓳ ꓟꓽ ꓞꓲꓺ ꓔꓯ ꓟꓬꓱꓽ ꓬꓲ ꓫꓵꓼ ꓟꓶ ꓡꓰ ꓠꓹ ꓟ ꓬꓰ ꓙ ꓖꓶ ꓗꓷꓳ꓾ ꓐꓰ ꓢꓷꓸ ꓪ ꓡꓳ=
ꓟꓧꓮꓚ ꓜꓴ ꓗꓪ ꓐꓰ ꓟꓬ-ꓟ ꓟꓬꓱꓽ ꓬꓰ ꓢꓴ ꓟꓬꓱꓽ ꓝꓮꓲ ꓕꓲ ꓟ ꓟꓶ ꓡꓰ ꓠꓹ ꓟ ꓟꓬ-ꓟ ꓮꓖꓰꓠꓚꓬ ꓔꓯ ꓓꓰꓽ ꓔꓬ ꓟ ꓥ ꓡꓳ= ꓕꓮꓲꓹ ꓮ ꓜꓴꓹ ꓬ ꓟꓬꓱꓽ ꓬꓰ ꓢꓴ ꓐꓴ ꓚꓱꓹ ꓔꓯ ꓟꓳꓸ ꓫꓵꓽ ꓪꓴ ꓔꓯ ꓫꓬꓹ ꓔꓱꓹ ꓖꓶˍ ꓟ ꓜꓴꓻ ꓗꓪ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓥ ꓟꓲ ꓠꓱꓸ ꓐꓯ ꓗꓴꓷꓼ ꓗꓪ ꓚꓳꓸ ꓟꓬꓱꓽ ꓬꓰ ꓡ ꓢꓴ ꓐꓴ ꓐꓱ ꓶ ꓬꓰ ꓙ ꓖꓶ ꓔꓬ ꓡꓳ= ꓬꓲ ꓪ ꓐꓴ ꓡꓰ ꓬꓰ ꓙ ꓖꓶ ꓗꓷ ꓕꓯ ꓟꓳꓴ ꓟꓬꓱꓽ ꓬꓰ ꓢꓴ 50 ꓣꓳ ꓟꓽ ꓞꓲꓺ ꓠꓬ ꓟꓬꓱꓽ ꓝꓮꓲ ꓕꓲ ꓟ ꓟꓶ ꓡꓰ ꓢꓲ꓾ ꓠꓱꓸ ꓐꓯ ꓮꓖꓰꓠꓚꓬ ꓐꓴ ꓡꓰ ꓜꓰꓻ ꓞꓹ ꓟ ꓟꓬꓱꓽ ꓟꓽ ꓪ ꓡꓰ ꓢꓴ ꓐꓴ ꓐꓱ ꓶ ꓝꓸ ꓢꓲ ꓬꓰ ꓙ ꓖꓶ ꓓꓴ ꓥꓳ꓾ ꓐꓰ ꓢꓷꓸ ꓪ ꓡꓳ
Subscribe
Sign up to our newsletter and get latest news and updates straight to your inbox!
Download RVA App
Add new comment