ꓞꓲ (84) ꓘꓳꓼ ꓙꓳˍ ꓟ ꓔꓲꓺ ꓒ Msgr. Francis Lum Dau ꓠꓬ꓾ Covid-19 ꓠꓻ ꓫꓵꓽ ꓔꓯ ꓧꓪꓸ ꓡꓰ ꓟ ꓓꓳꓽ

ꓞꓲ (84) ꓘꓳꓼ ꓙꓳˍ ꓟ ꓔꓲꓺ ꓒ Msgr. Francis Lum Dau ꓠꓬ꓾ Covid-19 ꓠꓻ ꓫꓵꓽ ꓔꓯ ꓧꓪꓸ ꓡꓰ ꓟ  ꓓꓳꓽ

ꓽ 8ꓦ ꓟ 10 ꓠꓬꓲ 2021 ꓘꓳꓼ ꓕꓯ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓟꓶ-ꓚꓲ-ꓠ ꓢ-ꓢꓶ-ꓢ ꓗꓪ ꓪꓴ-ꓢ ꓟꓬꓱꓽ ꓟꓯꓻ ꓔꓬ ꓟ ꓔꓲꓺ ꓒ Msgr. Francis Lum Dau ꓠꓬ꓾ Covid-19 ꓠꓻ ꓫꓵ: ꓔꓯ ꓠꓬꓲꓽ ꓫꓵꓽ ꓠꓽ ꓔꓳꓹ ꓜꓳ: ꓗꓷꓳ= Msgr. Francis Lum Dau ꓠꓬ ꓠꓻ ꓫꓵꓽ ꓔꓳꓹ ꓜꓳ:ˍ ꓔꓬ ꓟ ꓙꓵꓹ ꓗꓪ ꓪꓴ-ꓢ ꓔꓯ ꓪꓽ ꓘꓴ ꓢꓲ ꓠꓬꓲ ꓠꓲꓹ ꓟ ꓔꓯ ꓗꓹ ꓛꓲ: ꓛꓲ: ꓡꓰ: ꓔꓬ ꓗꓷꓳ=

 ꓠꓻ ꓫꓵꓽ ꓔꓳꓹ ꓜꓳ: ꓗꓷ ꓟ ꓠꓬꓲꓽ ꓫꓵꓽ ꓠ: ꓡꓳꓹ ꓬꓰ ꓗꓸ ꓠꓯ. ꓝꓮꓲ ꓠꓻ ꓫꓵꓽ ꓚꓻ ꓗꓷ ꓕꓯ ꓠꓻ ꓫꓵꓽ ꓟ ꓙꓳ ꓗꓷ ꓡꓰ ꓟ ꓓꓳꓽ ꓔꓯ ꓢꓷꓸ ꓪ ꓡꓰꓳ= Msgr. Francis Lum Dau ꓠꓬ꓾ ꓞꓲꓼ (84) ꓘꓳꓼ ꓙꓳ ꓢꓲ ꓪꓴ-ꓢ ꓟꓬꓱꓽ ꓟꓯꓻ ꓗꓷ ꓟ (50) ꓘꓳꓼ ꓙꓳˍ ꓟ ꓔꓲꓺ ꓒ ꓕꓲ ꓣꓳ ꓥ ꓡꓳ= Msgr. Francis Lum Dau ꓠꓻ ꓫꓵꓽ ꓠꓻ ꓔꓬ ꓕꓯ ꓪꓽ ꓘꓴ ꓙ ꓢꓴ ꓮ ꓙꓵꓽ ꓔꓯ ꓫꓸ ꓟꓳ ꓘꓶ: ꓫꓸ ꓕꓱ ꓔ ꓡꓳ= Msgr. Francis Lum Dau ꓮꓽ ꓕꓯ ꓟꓲ ꓵꓻ ꓔꓬ ꓟ ꓢꓲ ꓫꓬ ꓕꓳ ꓝꓲꓸ ꓠꓬ꓾ ꓒꓲ-ꓡꓲ-ꓒꓲ ꓕꓳ ꓶ 4ꓽ4 ''ꓮ ꓕꓯˍ ꓟꓲ ꓢꓲꓺ ꓒꓽ ꓠꓯꓸꓼ ꓗꓪ ꓗꓹ ꓛꓲ ꓔꓬ꓾ ꓗ ꓛꓲ ꓔꓬ꓾ ꓐꓰ ꓥꓪ ꓝꓮꓲ ꓐꓯˍ ꓥꓳ=