ꓞꓳ ꓘꓹ ꓕꓲ ꓟ ꓡꓰ ꓕꓲ ꓟ ꓝꓸ ꓔ ꓟ ꓙ ꓖꓴ ꓐꓬ ꓡꓰ ꓠꓬꓲ ꓟꓯ-ꓢꓲ ꓑ ꓫꓬ ꓐꓴ ꓙꓰ ꓙꓰ ꓡ ꓡ ꓬꓰ ꓫ ꓔꓬ ꓟ

ꓟꓶꓽ ꓦ ꓦ ꓗꓷ ꓗ ꓠꓯꓸ ꓡ ꓧꓳꓹ ꓞꓲꓺ ꓠꓬꓲꓽ ꓟ ꓙꓳˍ ꓟ ꓟꓳ-ꓓꓳ ꓓꓽ ꓟ ꓗꓳꓸ ꓙꓰˍ ꓟ ꓪꓴꓸ ꓠꓬꓲ ꓟꓯ-ꓢꓲ ꓡꓳ ꓒꓱ ꓲ-ꓐ-ꓑ꓾ ꓟꓯ-ꓪꓰꓸ-ꓙꓲ꓾ ꓠꓯ-ꓘꓯ ꓙ ꓖꓴ ꓐꓬ ꓡꓰ ꓢꓲ ꓢꓮꓲ-ꓗꓯ ꓐꓰ ꓓꓴ ꓓꓳ ꓙꓰ ꓢꓴ ꓫꓸ ꓙꓵꓻ ꓔꓬ ꓡꓳ꓾ ꓐꓰ ꓢꓷꓸ ꓪˍ ꓡꓳ=

ꓧꓶꓽ ꓗꓴꓷꓼ ꓗꓪ ꓙꓰˍ ꓟ ꓗꓴꓷꓼ ꓗ ꓘꓶꓽ ꓚꓲꓸ ꓔ ꓟ ꓪꓴꓸ ꓠꓬꓲ ꓗꓮꓳ-ꓢꓽ ꓘꓹ ꓗꓪ ꓐꓰ ꓕꓲ ꓝꓸ ꓶꓻ ꓤ ꓖꓶ ꓩꓴˍ ꓟ ꓟꓳ-ꓓꓳ ꓓꓽ ꓟ ꓐꓴ ꓠꓬ ꓙ ꓖꓴ ꓣꓱꓽ ꓟꓬꓽ ꓡ ꓟ ꓪꓴꓸ ꓠꓬꓲ ꓐꓬ ꓡꓰ ꓟ ꓥ ꓡꓳ꓾ ꓐꓰ ꓓꓳ ꓓꓴ ꓕꓲ ꓣꓳ ꓡꓰ ꓐꓯ ꓔ ꓡꓳ=

ꓙ ꓖꓴ ꓕꓱ ꓟ ꓠꓬ ꓡꓳ ꓔ 30 ꓕꓷꓹ ꓛꓲꓺ ꓫꓵˍ ꓟ ꓥ ꓢꓲ ꓧꓶꓸ ꓕꓯ ꓫꓵꓽ ꓫꓵ 4 ꓙꓵꓹ ꓡꓰꓽ ꓙꓰ ꓪ ꓥ ꓟꓲ꓾ ꓮ ꓟꓶ ꓙ ꓖꓴ ꓐꓬ ꓡꓰ ꓟ ꓪꓴꓸ ꓠꓬꓲ ꓕꓲ ꓠꓬꓲꓽ ꓙꓰ ꓔꓬ ꓪˍ ꓡꓳ꓾ ꓐꓰ ꓢꓷꓸ ꓪ ꓡꓳ=

Source - The 74 Media