ꓞꓺ ꓢꓯꓼ ꓑꓶꓸ ꓓꓴ ꓓ-ꓡ ꓡꓳ ꓒꓱ ꓗꓪ ꓧꓶꓸ ꓕꓯ ꓟ ꓕꓯꓽ ꓢꓲ ꓓꓳꓺ ꓓꓴ ꓬꓲꓻ ꓙꓬ ꓟꓽ ꓡꓳꓼ ꓟ ꓔꓳꓹ ꓜꓳꓽ ꓔꓬ ꓪˍ ꓟ

ꓞꓺ ꓢꓯꓼ ꓑꓶꓸ ꓓꓴ ꓧꓶꓸ ꓕꓯ ꓟ ꓕꓯꓽ ꓢꓲ ꓓꓳ ꓓꓴ ꓬꓲꓻ ꓙꓬ ꓟꓽ ꓡꓳꓼ ꓟ ꓔꓳꓹ ꓜꓳꓽ ꓔꓬ ꓪˍ ꓟ ꓓ-ꓡ ꓡꓳ ꓒꓱ (Photo RFA Burmese)

ꓬꓮꓠꓖꓳꓠ ꓬꓲꓻ ꓙꓬ ꓡꓳ ꓕꓲ ꓛꓱꓽ ꓗꓪ ꓟ ꓓ-ꓡ ꓡꓳ ꓒꓱ ꓗꓪ ꓔꓬ ꓟ ꓑ ꓫꓬ ꓐꓴ ꓠꓬ ꓓꓳ ꓓꓴ ꓬꓲꓻ ꓙꓬ ꓟꓽ ꓡꓳꓼ ꓟ ꓔꓯ ꓕꓲ ꓘꓳꓼ ꓡꓰ ꓕꓲ ꓘꓳꓼ ꓔꓳꓹ ꓜꓳꓽ ꓔꓬ ꓡꓳ꓾ ꓐꓰ ꓢꓷꓸ ꓪ ꓡꓳ= ꓖꓳ ꓡꓱ ꓥˍ ꓟꓲ ꓮ ꓟꓶ ꓕꓲ ꓘꓳꓼ ꓗꓪ ꓠꓬ ꓧꓶꓸ ꓕꓯ ꓟ ꓢꓶꓸ ꓟꓽ ꓞꓲꓺ ꓮ ꓘꓶꓸ ꓞꓺ ꓡ ꓟ ꓑꓶꓸ ꓓꓴ ꓧꓶꓸ ꓕꓯ ꓡꓰ ꓬꓲꓻ ꓙꓬ ꓟꓽ ꓡꓳꓼ ꓟ ꓓ-ꓡ ꓡꓳ ꓒꓱ ꓑ ꓫꓬ ꓐꓴ ꓠꓬ ꓬꓲꓻ ꓙꓬ ꓟꓽ ꓡꓳꓼ ꓟ ꓫꓵꓽ ꓪꓴ ꓔꓯ ꓮ ꓟꓶ ꓟꓬꓽ ꓠꓬꓲ ꓔꓳꓹ ꓜꓳꓽ ꓔꓬ ꓪ ꓡꓳ=

ꓟꓶꓽ ꓦ ꓬꓲꓻ ꓙꓬ ꓬꓲꓻ ꓡꓴꓽ ꓐꓱ ꓗꓪ ꓬꓲꓻ ꓙꓬ ꓓꓽ ꓓꓳˍ ꓟ ꓙꓵꓹ ꓔꓯ ꓠꓬ ꓠꓯꓼ ꓠꓯꓼ ꓕꓯ ꓕꓲ ꓙꓵꓹ ꓐꓰ ꓟꓶꓽ ꓘꓶꓼ ꓕꓯ ꓕꓲ ꓙꓵꓹˍ ꓡꓰꓽ ꓬꓲꓻ ꓙꓬ ꓓꓽ ꓣꓴ ꓠꓹ ꓟ ꓐꓯ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ= ꓓ-ꓡ ꓡꓳ ꓒꓱ ꓗꓪ ꓬꓲꓻ ꓡꓴꓽ ꓐꓱ (329) ꓟ ꓙꓳˍ ꓟ ꓥ ꓢꓲ꓾ ꓛꓲ ꓠꓬꓲꓹ ꓕꓲ ꓘꓳꓼ ꓗꓪ ꓠꓬ ꓟꓶꓽ ꓞꓺ ꓢꓯꓼ ꓮ ꓘꓶꓸ ꓟꓴ ꓓꓯ ꓡ ꓟ ꓑꓶꓸ ꓓꓴ ꓬꓲꓻ ꓡꓴꓽ ꓐꓱ 200 ꓟ: ꓞꓲꓺ ꓠꓬ ꓬꓲꓻ ꓙꓬ ꓗꓺ ꓡꓰ ꓟ ꓥ ꓡꓳ=

ꓓ-ꓡ ꓡꓳ ꓒꓱ ꓗꓪ ꓡꓰꓽ ꓟꓽ ꓞꓲꓺ ꓟꓬ-ꓟ ꓗꓴꓷꓼ ꓡꓳ ꓒꓱ ꓮ ꓟꓬꓹ ꓗꓪˍ ꓟꓲ ꓟꓵꓽ ꓘꓳꓼ ꓮ ꓘꓶꓸ ꓞꓺ ꓡ ꓟ ꓑꓶꓸ ꓓꓴ ꓓꓳꓺ ꓓꓴ꓾ ꓣꓱꓽ ꓓꓴ ꓬꓲꓻ ꓙꓬ ꓟꓽ ꓡꓳꓼ ꓟ ꓫꓵꓽ ꓪꓴ ꓮ ꓟꓬꓹ ꓙꓳˍ ꓟ ꓥ ꓡꓳ=

Add new comment

10 + 8 =