ꓟꓬ‐ꓟ ꓗꓴꓷꓼ ꓗ‐ꓕꓳ‐ꓡꓲ ꓔꓲꓺ ꓒ ꓓꓽ ꓐꓴ ꓡꓰ ꓗꓴꓷꓼ ꓗꓪ ꓒꓬꓱꓼ ꓔꓬ ꓟ ꓫꓵꓽ ꓪꓴꓽ ꓔꓯ ꓠꓽ ꓡꓰ ꓠ, ꓟ ꓐꓰ ꓑ ꓫꓬ ꓐꓴ ꓢꓯꓼ ꓟꓬ ꓔꓯ ꓒꓵꓽ ꓠ, ꓟ ꓓꓰꓽ ꓟ ꓓꓳꓽ

ꓟꓬ‐ꓟ ꓗꓴꓷꓼ ꓗ‐ꓕꓳ‐ꓡꓲ ꓔꓲꓺ ꓒ ꓓꓽ ꓐꓴ ꓡꓰ ꓗꓴꓷꓼ ꓗꓪ ꓒꓬꓱꓼ ꓔꓬ ꓟ ꓫꓵꓽ ꓪꓴꓽ ꓔꓯ ꓠꓽ ꓡꓰ ꓠ, ꓟ ꓐꓰ ꓑ ꓫꓬ ꓐꓴ ꓢꓯꓼ ꓟꓬ ꓔꓯ ꓒꓵꓽ ꓠ, ꓟ ꓓꓰꓽ ꓟ ꓓꓳꓽ

6 ꓦ ꓟ 7 ꓠꓬꓲ 2022 ꓘꓳꓼ ꓕꓯ ꓟꓬ‐ꓟ ꓗꓴꓷꓼ ꓗ‐ꓕꓳ‐ꓡꓲꓗ ꓔꓲꓺ ꓒ ꓓꓽ ꓐꓴ ꓜꓴ (The Catholic Bishop’s Conference of Myanmar) CBCM ꓗꓪ ꓠꓬꓲꓽ ꓧꓪ, ꓕꓲ ꓧꓪ, ꓟ ꓖꓪꓽ ꓙꓱ ꓜꓲꓼ ꓓꓴ ꓬꓰ ꓗꓷꓳ꓿ ꓕꓱ ꓖꓪꓽ ꓙꓱ ꓜꓲꓼ ꓓꓴ ꓗꓪ ꓔꓲꓺ ꓒ ꓓꓽ ꓐꓴ ꓠꓬ ꓮ ꓟꓶ ꓟ ꓙꓵ, ꓗꓪ ꓒꓬꓱꓼ ꓔꓬ ꓟ ꓗꓴꓷꓼ ꓫꓵꓽ ꓑꓶ. ꓓꓴ ꓠꓲ. ꓫ. ꓟꓬ ꓫ. ꓔꓳ, ꓜꓳ ꓔꓬ ꓢꓴ ꓑ ꓫꓬ ꓐꓴ ꓐꓱ ꓶ ꓠꓲ, ꓟ ꓫ. ꓔꓬ ꓟ ꓐꓰ ꓑ ꓫꓬ ꓐꓴ ꓢꓯꓼ ꓟꓬ ꓔꓯ ꓒꓵꓽ ꓠ, ꓟ ꓐꓯˍ ꓑꓶ ꓗꓷꓳ꓿

ꓟꓯꓼ ꓘꓰ, ꓔꓬ ꓢꓴ ꓔꓯ ꓜꓽ ꓓꓴ ꓓꓳ ꓓꓴ ꓐꓰ ꓔꓬ ꓖꓴ ꓔꓶ. ꓬꓰ ꓙ ꓔꓳ, ꓙ ꓟ ꓪꓴ‐ꓢ ꓟꓬꓱꓽ ꓟꓯ ꓢꓴ ꓔꓯ ꓫ. ꓟꓳ ꓟ ꓐꓰ ꓒꓵꓽ ꓠꓲ, ꓗꓪ ꓐꓰ  ꓬꓰ ꓙ ꓔꓳ, ꓙ ꓟ ꓙꓲ‐ꓢꓴ ꓢꓲ ꓤ ꓐꓴ ꓮ ꓙꓵꓽ ꓔꓯ ꓫ. ꓟꓳ ꓘꓶꓽ ꓐꓯ ꓖꓶ ꓗꓷꓳ꓿ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓠꓬ ꓪꓴ‐ꓢ ꓦ ꓡꓱ ꓢꓴ ꓟꓽ ꓦ ꓡꓱ ꓢꓴ ꓔꓯ ꓬꓰ ꓙ ꓟ ꓟꓲ ꓥ ꓡꓳ꓿ ꓝꓮꓲ ꓫ. ꓢꓴ ꓟꓷꓼ ꓢꓴ ꓔꓯ ꓬꓰ ꓙ ꓠꓲ, ꓫꓵ ꓢꓴ ꓜꓴꓻ ꓐꓴ ꓔꓯ ꓥ ꓟꓲ ꓟꓬ‐ꓟ ꓗꓴꓷꓼ ꓘꓴꓽ ꓗꓪ ꓣꓱꓽ ꓞꓽ ꓔꓬ ꓢꓴ ꓐꓴ ꓔꓯ ꓬꓰ ꓙ ꓠ, ꓟ ꓐꓯ ꓗꓷꓳ꓿ ꓔꓲꓺ ꓒ ꓓꓽ ꓐꓴ ꓠꓬ ꓟꓬ‐ꓟ ꓗꓴꓷꓼ ꓢꓲ ꓡꓲ, ꓟꓶ ꓠ, ꓟ ꓐꓱ ꓶ ꓮ ꓕꓯ ꓥ ꓟꓲ ꓪꓴ‐ꓢ ꓠꓯꓼ ꓗꓪ ꓪꓽ ꓘꓴ ꓠ, ꓟ ꓐꓯ ꓖꓶ_ ꓟ ꓥ ꓡꓳ꓿ ꓚꓐꓚꓟ ꓔꓲꓺ ꓒ ꓓꓽ ꓜꓴꓻ ꓠꓬ ꓑ ꓫꓬ ꓐꓴ ꓐꓰ ꓕꓲ ꓪꓼ ꓔꓬ ꓢꓲ ꓠꓬꓲ ꓘꓴ ꓜꓲꓼ ꓞꓳ ꓟꓽ ꓘꓶꓽ ꓞꓳ ꓫꓵꓽ ꓟꓽ ꓘꓶꓽ ꓬꓰ ꓙ ꓓꓴ ꓥꓳ ꓐꓰ ꓐꓯ ꓖꓶ ꓔ ꓡꓳ꓿ ꓚꓐꓚꓟ ꓔꓲꓺ ꓒ ꓓꓽ ꓜꓴꓻ ꓠꓬ ꓟꓬ‐ꓟ ꓗꓴꓷꓼ ꓗ‐ꓕꓳ‐ꓡꓲꓗ ꓔꓲꓺ ꓒ ꓓꓽ ꓐꓴ ꓡꓰ  ꓮ ꓡꓰ ꓐꓰ ꓪꓴ‐ꓢ ꓟꓬꓱꓽ ꓬꓰ ꓠ, ꓟ ꓐꓰ ꓑ ꓫꓬ ꓐꓴ ꓪꓴꓽ ꓟꓴ ꓡ ꓚꓱ, ꓗꓪ ꓮ ꓡꓰ ꓐꓰ ꓬꓰ ꓙ ꓔꓳ, ꓙ ꓠ, ꓟ ꓖꓪꓽ ꓙꓱ ꓡꓯꓼ ꓘꓳ ꓓꓴ ꓒꓴ ꓔ ꓟ ꓜꓴꓻ ꓥ ꓡꓳ꓿