ꓟꓬ‐ꓟ ꓗꓴꓷꓼ ꓗꓪ ꓐꓰ ꓟꓬꓱꓽ ꓬꓰ ꓢꓴ (270) ꓣꓳ ꓔꓯ ꓙ‐ꓑ ꓗꓴꓷꓼ ꓗꓪ ꓘꓴˍ ꓟ ꓓꓳꓽ

ꓟꓬ‐ꓟ ꓗꓴꓷꓼ ꓗꓪ ꓐꓰ ꓟꓬꓱꓽ ꓬꓰ ꓢꓴ (270) ꓣꓳ ꓔꓯ ꓙ‐ꓑ ꓗꓴꓷꓼ ꓗꓪ ꓘꓴˍ ꓟ ꓓꓳꓽ

6 ꓦ 1 ꓠꓬꓲ 2022 ꓘꓳꓼ ꓕꓯ ꓙ‐ꓑ ꓗꓴꓷꓼ ꓗꓪ ꓠꓬ ꓟꓬ‐ꓟ ꓗꓴꓷꓼ ꓗꓪ ꓐꓰ ꓟꓬꓱꓽ ꓬꓰ ꓢꓴ (270) ꓣꓳ ꓘꓴ ꓔ ꓡꓳ ꓐꓰ ꓙ‐ꓑ ꓗꓴꓷꓼ ꓔꓳ‐ꓚꓬꓳ ꓡꓳ ꓒꓱ ꓗꓪ ꓙꓳˍ ꓟ ꓟꓬ‐ꓟ ꓗꓴꓷꓼ ꓜꓲꓽ ꓟꓳꓽ ꓬꓰ ꓔꓶ. ꓦꓲꓻ ꓗꓪ ꓐꓰ ꓐꓯ ꓔ ꓡꓳ ꓐꓰ ꓢꓷ. ꓪ ꓡꓳ꓿ 5 ꓦ (14) ꓠꓬꓲ ꓗꓪ ꓐꓰ (31) ꓠꓬꓲ ꓗꓪ ꓛꓲ ꓙ‐ꓑ ꓗꓴꓷꓼ ꓗꓪ ꓟꓬꓱꓽ ꓬꓰ ꓠ, ꓟ ꓙꓰ ꓢꓴ ꓑ ꓫꓬ ꓤ ꓑ ꓤ (135) ꓣꓳ ꓐꓰ ꓤ ꓟꓶ ꓤ (139) ꓣꓳ ꓥ ꓡꓳ ꓐꓰ ꓢꓷ. ꓪ ꓡꓳ꓿ꓙ‐ꓑ ꓗꓴꓷꓼ ꓗꓪ ꓙꓳˍ ꓟ ꓟꓬ‐ꓟ ꓗꓴꓷꓼ ꓜꓲꓽ ꓟꓳꓽ ꓬꓰ ꓔꓶ. ꓦꓲꓻ (Embassy)  ꓗꓪ ꓐꓰ ꓙꓲˍ ꓟ ꓟꓬꓱꓽ ꓖꓶˍ ꓟ (Company) ꓔꓯ ꓢꓲꓺ ꓢꓲ ꓠꓬꓲ ꓟꓬꓱꓽ ꓬꓰ ꓝꓲ ꓠ ꓬꓰ ꓖꓶ ꓔꓬ ꓟ ꓥ ꓡꓳ ꓐꓰ ꓢꓷ. ꓡꓳ꓿ ꓟꓬ‐ꓟ ꓗꓴꓷꓼ ꓗꓪ ꓐꓰ ꓙ‐ꓑ ꓗꓴꓷꓼ ꓗꓪ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓗꓴꓷꓼ ꓠꓬꓲꓽ ꓗꓴꓷꓼ ꓗꓪ ꓟ ꓙꓵꓽ ꓪ ꓙꓳ ꓢꓴ ꓐꓰ ꓡꓰ ꓮ ꓡꓲ ꓐꓰ ꓔꓬ ꓠ, ꓟ ꓐꓰ ꓮ ꓡꓲ ꓫꓵꓽ ꓟꓬꓱꓽ ꓬꓰ ꓠ, ꓟ ꓬꓰ ꓙ ꓔꓳ, ꓙ ꓔꓬ ꓡꓳ ꓐꓰ (Myanmar Platform) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿