ꓟꓬ‐ꓟ ꓗꓴꓷꓼ ꓗꓪ ꓐꓰ ꓡꓲ‐ꓢꓴ ꓒꓽ (6) ꓣꓳ ꓔꓯ ꓲ‐ꓓꓲ‐ꓬ ꓗꓴꓷꓼ ꓐꓱ ꓓꓴ ꓗꓪ ꓡꓴ ꓔ ꓢꓲ ꓠꓬꓲ ꓬꓲ ꓪ ꓜꓴꓻ ꓔꓯ ꓬꓰ ꓙ ꓚꓬꓴ ꓙ ꓢꓴ ꓣꓱ ꓬꓯꓼ ꓔꓬ ꓡꓳ ꓐꓰ ꓐꓯ ꓔ ꓟ (Local news)

ꓟꓬ‐ꓟ ꓗꓴꓷꓼ ꓗꓪ ꓐꓰ ꓡꓲ‐ꓢꓴ ꓒꓽ (6) ꓣꓳ ꓔꓯ ꓲ‐ꓓꓲ‐ꓬ ꓗꓴꓷꓼ ꓐꓱ ꓓꓴ ꓗꓪ ꓡꓴ ꓔ ꓢꓲ ꓠꓬꓲ ꓬꓲ ꓪ ꓜꓴꓻ ꓔꓯ ꓬꓰ ꓙ ꓚꓬꓴ ꓙ ꓢꓴ ꓣꓱ ꓬꓯꓼ ꓔꓬ ꓡꓳ ꓐꓰ ꓐꓯ ꓔ ꓟ

5 ꓦ ꓟ 10 ꓠꓬꓲ 2024 ꓘꓳꓼ ꓗꓪ ꓕꓯ ꓟꓬ‐ꓟ ꓗꓴꓷꓼ ꓗꓪ ꓐꓰ ꓡꓲ‐ꓢꓴ ꓒꓽ (6) ꓣꓳ ꓔꓯ ꓲ‐ꓓꓲ‐ꓬ ꓐꓱ ꓓꓴ ꓗꓪ ꓡꓴ ꓔ ꓢꓲ ꓠꓬꓲ ꓬꓲ ꓪ ꓜꓴꓻ ꓔꓯ ꓬꓰ ꓙ ꓚꓬꓴ ꓙ ꓢꓴ ꓣꓱ ꓬꓯꓼ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓐꓱ ꓓꓴ ꓗꓪ ꓡꓴ ꓔ ꓢꓴ ꓡꓲ‐ꓢꓴ ꓒꓽ (6) ꓣꓳ ꓠꓬ ꓖ‐ꓟꓶ‐ꓓꓰ ꓟꓵꓽ ꓗꓪ ꓔꓬ ꓟ ꓡꓲ‐ꓢꓴ ꓒꓽ ꓐꓴ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓬꓲ ꓪ ꓜꓴꓻ ꓠꓬ ꓡꓲ ꓛꓲ ꓗꓪ ꓛꓳꓽ ꓙꓰ ꓢꓲ ꓠꓬꓲ ꓲ‐ꓓꓲ‐ꓬ ꓟꓵꓽ ꓗꓪ ꓙꓰ ꓗꓷ ꓟ ꓪꓴ. ꓠꓬꓲ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓣꓴ ꓟꓶ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓕꓱ ꓜꓴꓻ ꓟꓶ ꓡꓰ ꓟ ꓡꓲ‐ꓢꓴ ꓒꓽ ꓐꓴ ꓮ ꓙꓵꓽ ꓔꓯ ꓲ‐ꓓꓲ‐ꓬ ꓟꓯꓼ ꓐꓴ ꓡꓰ (ꓫꓵꓽ ꓘꓶꓽ ꓔꓶ.) ꓗꓪ ꓐꓰ ꓡꓰ ꓖꓶ ꓠꓲ, ꓫꓵˍ ꓥ ꓟꓲ ꓬꓲ ꓪ ꓜꓴꓻ ꓔꓯ ꓬꓰ ꓙ ꓢꓴ ꓒꓵꓽ ꓖꓶ ꓙ ꓢꓴ ꓞ ꓞ ꓣꓱ ꓬꓯꓼ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓟꓯꓼ ꓐꓴ ꓠꓬ ꓫꓵꓽ ꓘꓶꓽ ꓔꓶ. ꓠꓗꓪ ꓕꓳ ꓶ ꓒꓵꓽ ꓝꓮꓲ ꓡ ꓙꓰ ꓠ, ꓟ ꓒꓵꓽ ꓔꓯ ꓣꓱ ꓞ ꓪꓴ. ꓠꓬꓲ ꓕꓱ ꓟꓬ ꓫꓵꓽ ꓔꓯ ꓬꓰ ꓙ ꓔ ꓙ ꓢꓴ ꓙꓳˍ ꓠꓬ ꓡ ꓙꓰ ꓠ, ꓟ ꓙꓵꓽ ꓪ ꓖꓶ ꓓꓴ ꓥꓳꓽ ꓐꓰ ꓐꓯ ꓔ ꓡꓳ꓿ ꓝꓮꓲ ꓣꓴ ꓟꓶ ꓡꓰ ꓟ ꓡꓲ‐ꓢꓴ ꓒꓽ (6) ꓣꓳ ꓠꓬ ꓟꓬ‐ꓟ ꓗꓴꓷꓼ ꓗ‐ꓛꓲ ꓗꓴꓷꓼ ꓫꓴꓻ ꓖ‐ꓟꓶ‐ꓓꓰ ꓡꓳ ꓒꓱ ꓪ‐ꓢ ꓘ, ꓐꓰ ꓪ‐ꓘꓰ ꓘ, ꓗꓪ ꓔꓬ ꓢꓴ ꓐꓴ ꓥ ꓡꓳ ꓐꓰ (Lisu times) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿