ꓟꓬ‐ꓟ ꓗꓴꓷꓼ ꓗꓪ ꓑ‐ꓔꓲꓠ ꓡꓳ ꓒꓱ ꓗꓪ ꓟꓲꓽ ꓦꓲꓻ ꓕꓳ: ꓥꓳꓽ ꓙꓱꓼ ꓢꓲ ꓠꓬꓲ ꓬꓲꓻ ꓙꓬ ꓙꓵꓽ ꓡ ꓟ ꓑꓶ. ꓓꓴ ꓑ ꓫꓬ (17) ꓣꓳ ꓫꓵꓻ ꓟ ꓓꓳꓽ

ꓟꓬ‐ꓟ ꓗꓴꓷꓼ ꓗꓪ ꓑ‐ꓔꓲꓠ ꓡꓳ ꓒꓱ ꓗꓪ ꓟꓲꓽ ꓦꓲꓻ ꓕꓳ: ꓥꓳꓽ ꓙꓱꓼ ꓢꓲ ꓠꓬꓲ ꓬꓲꓻ ꓙꓬ ꓙꓵꓽ ꓡ ꓟ ꓑꓶ. ꓓꓴ ꓑ ꓫꓬ (17) ꓣꓳ ꓫꓵꓻ ꓟ ꓓꓳꓽ

5 ꓦ ꓟ 23 ꓠꓬꓲ 2022 ꓘꓳꓼ ꓕꓯ ꓟꓬ‐ꓟ ꓗꓴꓷꓼ ꓑ‐ꓔꓲꓠ ꓡꓳ ꓒꓱ ꓫꓬꓱꓽ‐ꓔꓮꓴ‐ꓬꓮꓥꓽ ꓘ, ꓪꓯ.‐ꓔꓰꓽ ꓬꓲꓼ ꓡꓳ ꓐꓱ ꓗꓪ ꓬꓲꓻ ꓙꓬ ꓙꓵꓽ ꓡ ꓟ ꓑꓶ. ꓓꓴ ꓫꓵꓻ ꓢꓴ ꓑ ꓫꓬ (17) ꓣꓳ ꓟꓳ ꓡꓰ ꓢꓲ ꓠꓬꓲ ꓬꓲ ꓢꓯ. ꓡꓳ ꓟꓳ. ꓟ ꓑ ꓫꓬ (30) ꓣꓳ ꓙꓳˍ ꓡꓳ꓾ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓖꓶ ꓔ ꓡꓳ꓿ ꓬꓲ ꓢꓯ. ꓡꓳ. ꓟꓳ ꓢꓴ ꓑ ꓫꓬ ꓐꓴ ꓠꓬ ꓬ‐ꓘ ꓟꓵꓽ ꓗꓪ ꓐꓰ 5 ꓦ ꓟ 15 ꓠꓬꓲ ꓕꓯ ꓡꓰ ꓬꓲꓻ ꓙꓬ ꓡꓲ ꓗꓪ ꓐꓰ ꓡ ꓢꓴ ꓥ ꓡꓳ ꓐꓰ ꓢꓷ. ꓪ ꓡꓳ꓿

ꓕꓱ ꓬꓲꓻ ꓙꓬ ꓡꓲ ꓠꓬ ꓰ‐ꓬ‐ꓪ‐ꓓꓲ ꓬꓲꓻ ꓡꓳꓽ ꓐꓱ ꓒ ꓕꓲꓺ ꓗꓪ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓪꓴ. ꓠꓬꓲ ꓬꓲꓻ ꓙꓬ ꓟꓶ. ꓡ ꓢꓲ ꓠꓬꓲ ꓫꓵꓻ ꓢꓴ ꓑ ꓫꓬ (17) ꓣꓳ ꓐꓰ ꓬꓲ. ꓢꓯ. ꓧꓪ ꓟꓳ ꓢꓴ ꓑ ꓫꓬ (30) ꓣꓳ ꓐꓰ ꓧꓪ ꓟꓽ ꓟꓶ ꓡꓰ ꓟ ꓑ ꓫꓬ (43) ꓣꓳ ꓙꓳˍ ꓡꓳ꓿ ꓧꓪ ꓟꓽ ꓟꓳ ꓟ ꓑ ꓫꓬ ꓐꓴ ꓔꓯ ꓢꓯꓼ ꓕꓵꓼ ꓢꓲ ꓠꓬꓲ ꓧꓪ ꓔꓬ ꓡꓳ꓾ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓖꓶ ꓔ ꓡꓳ꓿